社會主義國家

社會主義國家，就一般定義嚟講，就係實行社會主義制度嘅國家，或者採用社會主義意識形態嘅國家，政體為共和制。其中嗰啲長期實行共產黨一黨執政，並信仰馬克思列寧主義同佢衍生理論嘅國家又被稱為『共產主義國家』，即『狹義嘅社會主義國家』。喺呢啲國家範圍內同其他認可呢個制度嘅國家內被稱為社會主義國家，實行社會主義制度。共產主義國家可以存在一啲合法嘅政黨，但國家嘅憲法只會將執政權賦予共產黨。因而喺呢種情況下，國家與共產黨嘅機構會密切地聯繫埋一齊。

歷嚟共產（黨）國家分布圖
而家嘅馬列主義系統嘅共產（黨）國家

過去嘅共產（黨）國家
*注意：呢幅圖漏咗馬達加斯加民主共和國，亦都喺非洲有多處誤標，請以呢幅圖嘅上圖圖內所示為準*

目前，世界上共有13個社會主義國家（睇埋社會主義國家一覽）；其中4個以共產黨為法定執政黨，即中華人民共和國、越南社會主義共和國、老撾人民民主共和國、古巴共和國。呢啲國家有啲實行緊高度集權嘅計劃經濟體制，有啲就實行社會主義市場經濟體制。雖然朝鮮民主主義人民共和國仍宣稱該國為社會主義共和國，但鑒於該國已經刪除咗共產主義同馬克思列寧主義作為黨同國家嘅指導思想同意識形態，因此喺定義上冇被列入狹義嘅社會主義國家中。而中國官方嘅部分人士已承認朝鮮民主主義人民共和國唔係社會主義國家，因為朝鮮勞動黨早已經喺1980年放棄馬列主義而將主體思想確立為唯一指導思想。^[1]^[2]^[3]

對於其界定嘅爭議編輯

馬克思主義者嘅觀點編輯

由於對馬克思主義嘅理解同政治目的唔同，唔同類型嘅馬克思主義者對『咩叫社會主義國家』有完全唔同嘅睇法。對於所有反對史達林主義嘅馬克思主義者嚟講，例如民主社會主義者認為『冇民主就冇社會主義』^[4]^[5]，托洛茨基主義者認為『一國唔可以建成社會主義』並反對蘇聯嘅官僚體制^[6]，部分西方馬克思主義者例如赫伯特·馬爾庫塞等人則認為蘇聯等國係將馬克思主義扭曲成為專制統治辯護嘅工具，蘇聯係一個唔民主嘅、官僚體制嘅國家而並非真正嘅社會主義。^[7]喺馬克思主義語境下，社會主義取代資本主義，正如同資本主義社會取代封建社會一樣；真正嘅社會主義只有高度發達嘅資本主義社會先可以孕育，佢必須係比資本主義社會更民主更自由嘅社會形態。好多反史達林主義左翼都拒絕承認所謂嘅『社會主義陣營國家』係真正嘅社會主義，而認為佢地係官僚工人國家或者『國家資本主義』甚至封建社會，因此人類歷史上至今並未產生過真正嘅社會主義國家，而只憑一國都唔可能完全建成科學社會主義。『共產主義國家』呢個提法都係自相矛盾嘅，因為喺馬克思主義嘅歷史觀上『共產主義社會』裏係唔存在國家機器嘅。^[8]馬克思同恩格斯本人並冇提過一黨專政嘅觀點，亦都支持普選同結社自由。^[9]^[10]^[11]巴黎公社係一個全民直接選舉、多黨制嘅政權。^[12]喺今日嘅大部分國家，國內亦都存在多個社會主義性質嘅左翼政黨。而根據列寧個人嘅思想，佢實際上都更希望建立一個實行多黨制嘅社會主義國家^[13]；但列寧時期嘅蘇聯喺內戰中就已日益官僚化，史達林則建立起一黨專政體制，亦都成為後來所有社會主義國家效仿嘅對象。羅莎·盧森堡、卡爾·科爾施同列夫·托洛茨基都曾批判過蘇聯布爾什維克嘅一黨專政模式。^[14]^[15]^[6]社會主義民主喺理論係全民嘅，普選則包括普遍擁有選舉權同被選舉權。而喺一黨專政（黨政合一）嘅體制下，國家最高領導人同地方最高領導人只可以係當地嘅共產黨黨委書記，無黨派人士同衛星黨人士無法參選，咁就相當於被剝奪咗被選舉權，與人人平等嘅社會主義民主係絕對矛盾嘅。而人民唔可以自由組黨，都違背咗結社自由。

西方國家嘅觀點編輯

喺西方國家，對於係咪存在『社會主義國家』，或者講係唔係可以用『社會主義』來形容國家，仍存在爭議。喺好多人睇來，社會主義只可以用來形容經濟或社會，但唔可以形容國家政權，因此唔存在所謂嘅『社會主義國家』。對於社會主義陣營國家，西方普遍認為雖然佢哋自稱係『社會主義國家』，但佢哋唔係真正嘅社會主義，甚至冇社會主義性質，原因同樣主要在於對社會主義嘅理解存在差異。相對嚟講，西方國家所講嘅社會主義多指社會民主主義同民主社會主義，例如加拿大、北歐五國之類嘅福利國家同法國社會黨、英國工黨之類嘅社會黨國際政黨所主張嘅社會主義，以及拉丁美洲嘅一啲由社會主義政黨執政嘅多黨制國家。^[16]^[17]^[5]西方國家一般稱蘇聯、中華人民共和國、越南、古巴等由共產黨執政嘅社會主義國家為『Communist state』，即『共產主義國家』^{[註 1]}。亦有啲西方學者認為社會主義陣營國家實行嘅經濟制度屬於社會主義，故稱之為蘇式社會主義。^[18]另外，西方學者都對馬克思主義同社會主義陣營國家之間嘅具體關係進行咗區分。雖然絕大多數社會主義陣營國家都聲稱以馬克思主義為最高信仰，但有唔少西方學者認為佢哋信仰嘅根本唔係馬克思主義，或者講唔係真正嘅馬克思主義，而係列寧主義，甚至係史達林主義，呢個都係蘇式社會主義呢個名嘅由來。

社會主義陣營嘅觀點編輯

社會主義陣營國家認為自己就係社會主義國家，而且只承認嗰啲同自己制度相類似嘅國家先至係社會主義國家^{[註 2]}。社會主義國家嘅標誌係實行生產資料公有制（但唔一定只有生產資料公有制注意公有制唔代表國有制兩者有好大區別），並往往採用一黨制，因此西方又稱之為『共產主義國家』（Communist state）。目前世界上冇完全意義上嘅共產主義國家，其中共產主義係最高目標，而社會主義係過渡階段。因此除咗民主柬埔寨自稱係共產主義國家外其餘嘅都自稱處喺共產主義嘅第一階段：社會主義，佢哋通常自稱係社會主義國家而非共產主義國家。不過喺社會主義理論中，對呢個時期國家社會形態定義為『社會主義社會』，故而認為社會主義係共產主義嘅前一階段。其中中國仲提出咗社會主義初級階段理論，中華人民共和國稱自己目前處於『社會主義初級階段』，呢個係一個獨有嘅提法，走嘅係中國特色社會主義，由國營企業主導嘅市場經濟路線。另外，國名中出現『社會主義』字樣嘅國家唔一定係社會主義國家，冇出現『社會主義』字樣嘅國家未必唔係社會主義國家。

共產黨掌握政權主要好似蘇聯、中華人民共和國咁樣通過國家內戰，由城市精英主導革命，或通過農民起義奪取政權，走上社會主義道路。社會主義國家建立後，大多都加入咗社會主義陣營，都有一啲國家因為同蘇聯發生爭執而退出咗社會主義陣營，如狄托領導嘅南斯拉夫社會主義聯邦共和國、毛澤東領導嘅中華人民共和國、霍查領導嘅阿爾巴尼亞社會主義人民共和國等。

1989年到1991年間，蘇聯同東歐發生咗劇烈嘅政治動蕩，共產黨紛紛失去政權，蘇聯解體同東歐劇變使得社會主義國家嘅數量急劇減少，令剩返嘅社會主義國家產生咗空前嘅危機，仲開始咗意識形態分裂。以朝鮮為代表嘅社會主義國家繼續實行過去嘅方針政策，而以中國為代表嘅社會主義國家開始改革。對於改革嘅社會主義國家，喺好多西方人眼中已經唔再屬於社會主義國家。而好似朝鮮民主主義人民共和國咁樣嘅原強硬史達林主義國家都已經『變質』（家族獨裁）嘞。但鑒於對『社會主義國家』概念本身就好難畀出一個絕對嘅定義，咁所以對於改革嘅社會主義國家仲算唔算係『社會主義國家』，而家都好難畀出明確嘅結論。

其他國家嘅觀點編輯

二戰後嘅民族獨立浪潮中，除部分國家走上蘇式社會主義嘅道路外，仲有相當數量新獨立嘅國家都曾宣布自己係某種特殊類型嘅『社會主義國家』，總共約有50幾個。呢啲國家嘅『社會主義』往往具有民族主義或宗教社會主義嘅色彩，如：『國大黨社會主義』、『緬甸式社會主義』、『復興社會主義（英文：Ba'athism）』、『基督教社會主義』、『佛教社會主義』、『伊斯蘭社會主義』、『阿拉伯社會主義』、『烏賈馬社會主義（英文：Ujamaa）』、『非洲社會主義（英文：African socialism）』、『桑地諾社會主義（英文：Sandinista ideology）』。其中，例如圭亞那、印度、葡萄牙、坦桑尼亞、斯里蘭卡等民主國家嘅憲法中規定有社會主義，而緬甸、利比亞、伊拉克、敘利亞等非民主國家嘅憲法中都曾經規定有社會主義。總之，亞非拉地區尤其係拉丁美洲嘅部分國家政府經常嗌住社會主義口號推行自己嘅模式，佢哋認為自己係『有本國特色嘅社會主義』。^[17]

政治分類編輯

西方世界嘅觀點	社會主義陣營國家及唔結盟國家嘅觀點
自由世界東方集團唔結盟國家	資本主義陣營社會主義陣營唔結盟國家
毛澤東嘅觀點	霍查嘅觀點
第一世界（超級大國：美國、蘇聯）第二世界（中等國力嘅工業化國家：歐盟、加拿大、澳洲、紐西蘭及日本）第三世界（包括中華人民共和國喺內嘅廣大發展中國家）	資本主義國家（美國、英國等）同修正主義國家（蘇聯、中華人民共和國、Template:Socialist Federal Republic of Yugoslavia旗資料等）社會主義國家（Template:People's Socialist Republic of Albania旗資料）