維基百科

第三世多杰羌佛文化藝術館

第三世多杰羌佛文化藝術館（英語：H.H. Dorje Chang Buddha III Cultural and Art Museum），喺美國洛杉磯柯汶納市，係一座有百幾年歷史嘅古典建築，主要收藏H.H.第三世多杰羌佛獨創嘅藝術作品。入面有：中國水墨畫、西洋油畫、韻雕[1]、書法、金石篆刻、詩詞歌賦同埋彩繪瓷磚嘅文化藝術精品[2]。

第三世多杰羌佛文化藝術館
H.H. Dorje Chang Buddha III Cultural and Art Museum
成立日期2014年6月7號
地址 美國 洛杉磯柯汶納市學校街170號[1]
類型美術館
館長Bryan Tyan
網站www.hhdcb3cam.org

歷史

編輯
 
洛杉磯柯汶納高中舊照

藝術館喺1902年起嘅，最初係畀柯汶納高中學校（Covina High School）用嘅，因為嗰陣高中生集中喺小學嘅二樓課室學習，無專登比高中用嘅校舍，所以柯汶納市嘅學校董事會決定起一棟獨立嘅高中學校校舍。喺6月，董事會通過發行債券募集資金，喺嗰年12月順利係聖伯納迪諾路（San Bernardino Road）同埋第二街嘅交叉口起好高中大樓。

1909年，柯汶納高中決定搬到柑橘大道（Citrus Avenue），就將棟校舍賣咗畀瑞德小學。1919年，因為小學要整大啲個操場，就搬走咗，將個校舍賣咗畀共濟會（Freemasonry）。共濟會將成棟建築物搬到學校街同第二街嘅西南角（即係藝術館而家地址）。1920年，建築物再裝修做柯汶納共濟會會所（Covina Masonic lodge），共濟會用咗80幾年[3]，直到2014年轉手賣畀而家藝術館。藝術館重新裝修後，喺嗰年6月7號，第三世多杰羌佛文化藝術館正式開館[4]。

第三世多杰羌佛文化藝術館係一間非盈利機構，由美國洛杉磯一班景仰H.H.第三世多杰羌佛道德人品同藝術成就嘅人士自發籌資成立，同H.H.第三世多杰羌佛無任何關係[5]。

宗旨

編輯

第三世多杰羌佛文化藝術館嘅宗旨，係通過陳列H.H.第三世多杰羌佛文化、文學、哲學、藝術、科技等方面嘅成果，等嚟參觀嘅人可以知道H.H.第三世多杰羌佛收到嘅榮譽同獎項[2]，知多啲第三世多杰羌佛全方位嘅成就，同埋可以學吓杰佛無私奉獻畀社會嘅精神[5]。

館藏

編輯
 
藝術館一樓大展廳

第三世多杰羌佛文化藝術館係一棟兩層樓式嘅古典建築物，藝術館嘅主要展廳有：一樓大廳，絕世珍寶室同埋名畫家魚廳。二樓大廳、中廳、長廊同聖蹟室、平時展出作品200幾件。全館免費對外開放參觀，係柯汶那市唯一嘅藝術博物館。

 
藝術館二樓大展廳

繪畫

編輯

藝術館所收藏嘅H.H.第三世多杰羌佛繪畫種類，喺題材方面有：山水、花鳥、走獸、魚蟲、人物等；技巧方面有工筆、寫意、潑墨等傳統水墨功底同西洋畫派有嘅具象、抽象、印象同筆劃線條等畫派技法，同埋展出H.H.第三世多杰羌佛獨創嘅十六種全新畫派[註 1][6]，佢主要展出作品有：

  • 超實派：有色澤、紋理、美感，好似天然石頭嘅「彩繪瓷磚」[7]。
  • 放發派：神韻天成，墨氣活而自然，生發出動態嘅放發墨韻效果，展出作品有《雄視》同《靈貓》[8]。
  • 朦朧派：以虛實幻化筆意取物造型，得其似是而非，喺筆觸同色韻上產生強烈嘅虛無縹緲筆意、虛實不定嘅朦朧筆趣，代表作品有《龍鯉鬧蓮池》同《蓮塘鯉魚》[8]。
  • 微印派：係印象派風格，達到大幅畫中任何一小部份都係精緻嘅印象畫，表現精神夢幻中啲感覺意境，展出有《蓮師洞中》、《天籟》等作品。
  • 游絲派：係似如游絲細線勾勒嘅精細技法，展出作品有《釋經大師》。
  • 獷細派：即係粗獷結合細微兩種唔同技法，以最粗獷剛硬蒼勁嘅大寫結合微細工筆喺埋一體，得之出神入化，曠中顯秀，代表作品有《威震》[9]。
  • 厚堆派：用堆疊潑辣變化嘅色塊筆觸，體顯濃厚高度立體韻味，取其抽象同超現實嘅具象而用色，達到變化莫測、亂而不亂嘅藝境，代表作品有《蒼葉拋紅》同《向日葵》[10]。

韻雕

編輯
 
二樓大展廳展出嘅兩件韻雕作品：《玉乳山》同《綠玉雕紗棚》

韻雕（Yun Sculpture）係由H.H.第三世多杰羌佛所創造嘅一種新形式嘅雕塑藝術，呢個藝術特點有[1]：第一、韻雕有多維空間感，結構細膩但複雜，層次變化無窮，超越自然造化景緻，勝過天然礦石嘅存在同成色啲美；第二、韻雕喺石洞嘅美，色彩豐富斑斕，混然天成，刀下所雕刻出嘅溶洞風光玄妙莫測，天然嘅祥雲霧氣喺作品石洞中繚繞不散，係藝術史上能將氣體雕刻存形嘅雕塑藝術；第三、韻雕藝術亦係一個唔能夠複製嘅藝術品[11]。

喺第三世多杰羌佛文化藝術館展出嘅韻雕作品一共有七件，分別喺一樓「絕世珍寶室」有「韻雕皇帝」稱呼嘅《一石橫嬌》[12][13]，同一樓大廳嘅《高士圖》；喺藝術館二樓嘅《玉乳山》、《綠玉雕紗棚》同《小不點》；仲有二樓「聖蹟室」嘅兩件玄妙韻雕，一件係體積曾發生過神異變化[14]，並公開懸賞成功複製可以拎到美金5000萬獎金嘅《一柱擎天》[4]，同作品體積唔大，但睇落去個洞深不見底嘅《彩韻》。

需然第三世多杰羌佛文化藝術館入面陳列嘅所有藝術品全部由H.H.第三世多杰羌佛捐畀藝術館做永久性嘅陳列展出，但H.H.第三世多杰羌佛只係藝術品提供者，佢本人從未喺呢間藝術館做過任何性質嘅工作或者顧問職務，同埋無任何嘅股份產權 [2]。

名畫家魚廳

編輯

「名畫家魚廳」係美國第一間專門展出用鯉魚做主題嘅水墨畫展覽廳，係由名畫家魚廳公司籌劃，同第三世多杰羌佛文化藝術館租借場地做長期性嘅展覽。魚廳展出嘅鯉魚水墨畫家，都係近現代好出名畫鯉魚嘅水墨畫大師，有中國國家一級美術師水平。例如有：嶺南畫派創始人高劍父嘅《魚躍龍門》；有東方繪畫藝術院院長郭汝愚嘅《荷塘魚戲》；意大利歐洲學院院士吳青霞畫嘅《錦鱗游泳萬里程》；中國美術家協會副主席汪更新創作嘅《魚樂圖》；享受中國國務院國家特殊津貼嘅優秀專家陳永鏘嘅《春水撩人》等精品魚畫。同埋有由H.H.第三世多杰羌佛所畫，被評估為絕世神品嘅《龍鯉鬧蓮池》[15]。

藝展活動

編輯
  • 2016年6月19號，舉辦首屆「南加州高中藝術比賽」[16]。
  • 2017年6月3號，舉辦「特殊需求青少年藝術作品展」[17]。
  • 2017年10月28號，舉辦「洛杉磯長青藝術家畫展」[18]。
  • 2018年6月19號，同柯汶納市政府合辦「2018年柯汶納兒童書籤設計大賽」[19]。
  • 2019年1月26號，舉辦第二屆「洛杉磯長青藝術家畫展」[20]。

開放時間

編輯
  • 開放時間：星期二～星期六 10：00AM～5：00PM；星期日 9：30AM～12：00PM。
  • 休息日：逢星期一同埋國定假日休館。
  • 入場費：免費參觀。

註

編輯
  1. ↑ 十六種獨創畫派叫做：一、超實派；二、抽象韻味派；三、文風派；四、放發派；五、朦朧派；六、鄉童派；七、繁卷派；八、潑墨線條寫真派；九、微印派；十、返璞派；十一、妙寫派；十二、潑墨微韻派；十三、獷細派；十四、游絲派；十五、版氣派；十六、厚堆色塊派。

參考

編輯
  1. ↑ 1.0 1.1 韻雕 第三世多杰羌佛文化藝術館
  2. ↑ 2.0 2.1 2.2 簡介 第三世多杰羌佛文化藝術館
  3. ↑ Barbara Ann Hall (2007). Covina. USA: Arcadia Publishing. p. 57. ISBN 9780738555553.
  4. ↑ 4.0 4.1 〈第三世多杰羌佛文化藝術館開幕　文化藝術瑰寶讓人驚艷〉。《新聞雲》。2014-06-13。喺2019-04-29搵到。
  5. ↑ 5.0 5.1 宗旨 第三世多杰羌佛文化藝術館
  6. ↑ 藝術上的成就 第三世多杰羌佛文化藝術館官網.
  7. ↑ 彩繪瓷磚 第三世多杰羌佛文化藝術館官網
  8. ↑ 8.0 8.1 紐約訊 (2012-12-24)。〈中國書畫漲勢如虹　限量版複製品也創拍價最高紀錄〉 (中文)。新聞雲。喺2019-04-29搵到。｢第三世多杰羌佛『蓮塘鯉魚』與『靈貓』的限量品，並非原件，也被兩人分別以近38萬美元與25萬餘美元搶拍成交，創下複製品限量版拍賣價之最高紀錄。｣
  9. ↑ 〈一張中國畫二百二十二萬五千三百二十七美金，威震世界〉 (中文)。星暹日報。2000-05-31。頁 4。
  10. ↑ 林緝光 (2018-11-12)。〈梵高、齊白石 PK 第三世多杰羌佛，看誰的作品厲害〉。中國網科創。原著喺2019-02-25歸檔。喺2019-04-29搵到。
  11. ↑ Wan Ko Yee (2003)。《《Yun Sculpture》》。Vancouver：International Arts Pub。ISBN 0974329304。
  12. ↑ 〈絕世珍寶 -「一石橫嬌」亮相 佛陀H.H.第三世多杰羌佛創作〉。《星島日報》。2017-06-03。原著喺2019-02-28歸檔。喺2019-04-29搵到。
  13. ↑ "Museum Debuts Unique, Unduplicable Sculpture Art, a Rock of Horizontal Charm, with Complimentary Admission". CISION PRWeb. 2017-06-02. 原著喺2018-07-20歸檔. 喺2019-04-29搵到.
  14. ↑ 〈【H.H.第三世多杰羌佛系列報導】"揭開真相"書中盡是不可思議 一柱擎天韻雕竟然說變就變〉。《中時電子報》。2018-02-12。喺2019-04-29搵到。
  15. ↑ 小凡 (2016-06-09)。〈「名畫家魚廳」將在美開展 匯聚當代水墨大師精品〉。《文匯報》。第B8號。原著喺2019-02-25歸檔。喺2019-04-29搵到。
  16. ↑ 盧威 (2016-06-19)。〈首届南加州高中青年藝術比賽揭曉 田博元館長向殘障學校頒發資助金〉。《環球東方網》。城市新聞網。原著喺2019-02-25歸檔。喺2019-04-29搵到。
  17. ↑ 盧威 (2017-06-23)。〈「特殊需求青少年藝術作品展」 柯汶納市展出〉。《城市雜誌周刊》。第927期號。原著喺2019-02-25歸檔。喺2019-04-29搵到。
  18. ↑ 〈銀發族 跨族裔 跨地區 洛杉磯長青畫家藝術作品展在考維納市開幕〉。《美洲華聯社》。2017-10-28。原著喺2019-04-27歸檔。喺2019-04-29搵到。
  19. ↑ 2018 Covina Bookmark Contest Award Ceremony
  20. ↑ 美洲華聯社 (2019-01-26)。〈洛杉磯長青畫家畫作展隆重幕〉。《美洲華聯社》。原著喺2019-04-27歸檔。喺2019-04-29搵到。

出面網頁

編輯
由「https://zh-yue.wikipedia.org/w/index.php?title=第三世多杰羌佛文化藝術館&oldid=2126791」收