糧船灣
糧船灣（英文：High Island，原本叫糧船灣洲，以前又叫高洲[1]），屬香港西貢區，響萬宜水庫西南面，糧船灣海東面，大頭洲、雞洲、老虎吊排、滘西洲、吊鐘洲東面，匙洲、南風洲、伙頭墳洲、小破邊洲、黃泥洲、光頭排、橫洲北面，破邊洲、飯甑洲西面。
糧船灣洲原本係香港第四大島，同西貢半島隔住條官門海峽[2][3]。
1969年，香港政府響糧船灣洲北岸起萬宜水庫，連埋糧船灣洲同西貢半島，地圖上改名叫糧船灣。北面有條西貢萬宜路連接島嘅東西部，行西貢東郊野公園必經。西壩底下有創興水上活動中心。
史
編輯喺起個水庫之前，糧船灣洲同西貢半島隔住官門海峽，直到起萬宜水庫嗰陣將糧船灣洲同西貢半島連接起嚟。
土木工程拓展署話，喺1億幾年前，香港同成個華南東部都係位於火山帶。經過拓展署多年嘅地質調查發現，喺2012年確認糧船灣伸延到果洲群島一帶曾經有一座超級火山，叫做糧船灣超級火山，直徑長18公里，係香港以至中國東南部第一座被發現嘅古代超級火山。
約莫400年歷史嘅糧船灣天后宮，經過重修之後喺2013年1月2日舉行開光典禮，又喺宮前搞咗個百席盆菜宴，吸引咗過千人參與。今次重修後，天后宮加咗個文物館，展示以前嘅祭品[4]。
海灣
編輯
參考
編輯- ↑ 《香港九龍兼新界形勢圖》，香港中華書局，1940年
- ↑ "Colony of Hong Kong, New Territory, Kowloon Extension agreement dated 9th June 1898 (Sheet no. 8)". 《香港公共圖書館 - 多媒體資訊系統》. 2008年11月3號.
{{cite web}}: CS1 maint: url-status (link) - ↑ "Colony of Hong Kong 1922 (Sheet 6)". 《香港公共圖書館 - 多媒體資訊系統》. 2008年11月3號.
{{cite web}}: CS1 maint: url-status (link) - ↑ 〈糧船灣天后宮開光筵開百席〉。新報。2013年1月3號。
{{cite web}}: CS1 maint: url-status (link)