紅A
紅A（英文：Red A）係香港一個膠質產品嘅牌子，生產嘅公司星光實業有限公司喺1949年創立，早期主要銷售塑膠製造嘅家庭用品，現時生產嘅各類產品產品包括：酒店用品、餐飲廚房用品、工業用品、醫療用品、家庭用品等，係香港最大嘅塑膠製造商。「紅A」係現時少數仍然維持產品由香港製造嘅牌子，更以「上等質素，紅A做到，100%香港製造」為口號。過往「紅A」產品只有紅、藍兩種顏色，近年先至提供多種顏色畀顧客選擇。集團有三個頂級品牌：「紅A」、副線「Cre-a」、「A-Ware」。
| Red A | |
 | |
 紅A經典紅色同藍色嘅軟膠水殼 | |
| 類型 | 有限公司 |
|---|---|
| 開檔 | .svg){kind=small} 英屬香港 1949年 |
| 口號 | 上等質素，紅A做到，100%香港製造 |
| 總部地址 | 新蒲崗大有街25號、 |
| 產業 | 塑膠製造產品 |
| 東主 | 星光實業有限公司 |
| 網址 | reda |
牌子名嘅由來
編輯當1949年星光實業成立嘅時候，創立一個名為「ACE」嘅牌子。到咗1950年代當時開始商標註冊制度，由於已經有一個啤牌嘅牌子已經用咗「ACE」，星光實業唯有更改牌子嘅名，只係用單一個「A」字，刪除咗「C」同「E」兩個字母，先至能夠成功註冊。之後消費者喺購買產品嗰陣見到紅底白色「A」字嘅標誌，就順口叫做「紅A」。根據星光實業嘅董事兼總經理梁鶴年講，「紅A」可能係全世界唯一採用單一個英文字母註冊嘅商標。
歷史
編輯戰後香港人口急劇增加，塑膠製品剛開始喺美國同日本流行，塑膠家品嘅成本同售價都比木製材料平，喺香港嘅需求日漸增加，星光實業因而由日本引進機器製造塑膠製品。1960年代香港多次實施食水管制（制水），家家戶戶以至工廠食肆需要容器儲存食水，「紅A」膠水桶因為比鐵罐同木桶輕而大行其道，令「紅A」成為家傳戶曉嘅品牌，而紡織同塑膠業令到香港就業人口同工業區增加[1]。
近年「紅A」唔再以只係售賣家庭用品為重點，而逐漸將市場開拓至大型客戶，例如政府機構、酒樓食肆、酒店、銀行等。