羅哲琛

羅哲琛（英文：Jason Law，2004年 9月21號—）係香港鐵路愛好者，2021年因為喺屯馬綫通車嗰陣接受傳媒訪問唱出自己改編嘅歌《屯馬開通真的很興奮》而出名，跟住開始做YouTuber。

簡歷

2021年6月27號屯馬綫全線通車，無綫新聞喺宋皇臺站採訪搭頭班車嘅人，搵咗羅哲琛受訪（電視台顯示佢個稱呼做「羅先生/羅同學」），佢喺鏡頭前面調寄《綠袖子》唱咗一句「屯馬開通真的很興奮」而引起廣泛迴響。佢亦有自己嘅YouTube個人頻道。

到第二年東鐵綫過海段通車嗰陣，港鐵公司受呢件事啟發，再用《綠袖子》做旋律製作宣傳MV《東鐵過海真的很興奮》，由羽毛球手謝影雪、藝人李司棋、歌手鄭融合唱，更搵返羅哲琛本尊壓軸獻唱^[1]。5月15號東鐵綫過海段頭班車喺會展站開出，羅哲琛亦有現身同接受傳媒訪問^[2]。

2022年7月文憑試放榜，羅哲琛亦被傳媒追訪，報道佢去香港樹仁大學及香港恒生大學報讀新聞與傳播學系獲取錄。宜家讀緊香港恒生大學。