翕和
翕和（Hop Wo，Hap Wo）係香港一地，亦係一鄉，喺大埔。翕和鄉係鄉盟，歸雙魚約，其西爲林村鄉，其東爲船灣鄉，其北係蔡坑鄉同船灣鄉，其南爲九龍約九約鄉。
史
編輯翕和大族，主要係大埔頭鄧氏，喺大埔頭定居，有墟大埔墟。翕和亦包埋碗窰、大埔滘、鳳園等地。
一八九八年，大清租地畀英國，拓展香港。香港政府未有卽時接手，揀咗運頭角山做差館。當時問過附近泮涌，伴涌係翕和一村，話無風水問題。而另一邊太和市，係大埔七約，同翕和大族，大埔頭鄧氏不和，當中蔡坑、林村同粉嶺，就借風水阻止接收。七約喺錦山等地置礮臺，轟擊運頭角，是爲新界六日戰之始。雖然是次戰場喺翕和，翕和亦受威脅要參加，但始終堅拒參戰。英軍由沙田，過翕和地，入大埔支援。最終擊退鄉勇。
香港政府喺一八九九年四月十六號，運頭角山升旗接收新界。戰後，分地而治，翕和鄉歸雙魚約，有村大埔頭、湴涌、大埔滘、碗窰、黃宜凹、鳳園、南坑、園墩下、燕巖、打鐵岌、半山州。