聖家大教堂

座標: 41°24′13″N 2°10′28″E / 41.40361°N 2.17444°E / 41.40361; 2.17444

聖家大教堂由正面睇

聖家大教堂粵拼sing3 gaa1 daai6 gaau3 tong4西班牙文Basílica de la Sagrada Família,一般簡稱「Sagrada Família」)係位於加泰隆尼亞巴薩隆拿嘅一座哥德式羅馬天主教教堂,由加泰隆尼亞名建築師安東尼高第(Antoni Gaudí;1852-1926)所設計[1]。棟嘢係喺 1882 年 3 月 19 號喺另一位建築師下動工起嘅,後嚟喺 1883 年由高第接手同改成高第嘅風格,結合哥德式同新藝術運動嘅元素;高第將佢嘅餘生花咗喺聖家大教堂之上,甚至死後葬埋喺教堂墓室入面,所以聖家大教堂俾好多人認為係高第嘅代表作[2]

聖家大教堂嘅施工過程充滿咗波折:聖家大教堂初頭係齋靠私人捐獻籌錢起嘅,打後施工進展緩慢,而且又受到 1930 年代嘅西班牙內戰干擾-喺 1936 年,有西班牙革命份子喺教堂墓室放火,仲攻入工作室,局部噉破壞咗高第整嘅圖則建築模型,搞到後人要花 16 年時間重新建構返啲模型出嚟;而且聖家大教堂嘅建築設計頗為複雜,例如設計上包括咗 10 碌分別象徵一個新約聖經人物嘅高塔,就算用咗廿世紀尾嘅先進科技都仲係相當難搞,不過到咗廿一世紀頭,一般都預咗聖家大教堂可以喺 2026 年(高第逝世 100 週年)完工。聖家大教堂仲未完工經已俾人列咗入世界文化遺產[3],並且喺 2010 年 11 月 7 號俾教宗本篤十六世祝聖[4][5]

巴薩隆拿嘅居民對聖家大教堂不嬲充滿咗分歧嘅見解:有啲人驚聖家大教堂會同巴薩隆拿主教座堂爭風,又有人對高第嘅設計有意見,又有啲人怕棟教堂嘅設計會走樣偏離高第原先嘅設計[6]。不過一般人都會同意,聖家大教堂係人類建築學史上其中一件最重要、最出名嘅作品[7][8]

圖庫

睇埋

參考

  • Zerbst, Rainer (1988). Antoni Gaudi – A Life Devoted to Architecture. Trans. from German by Doris Jones and Jeremy Gaines. Hamburg, Germany: Taschen. ISBN 3-8228-0074-0.
  • Nonell, Juan Bassegoda (2004). Antonio Gaudi: Master Architect. New York: Abbeville Press. ISBN 0-7892-0220-4.
  • Hernandez SJ, Jean-Paul (2007). Pardes (ed.). Antoni Gaudi: La Parola nella pietra. I simboli e lo spirito della Sagrada Familia. Bologna, Italy. p. 114. ISBN 978-88-89241-31-8.

  1. "Història de la Basilica, 1866–1883: Origens". Fundació Junta Constructora del Temple Expiatori de la Sagrada Família (in Catalan). Retrieved 23 March 2019.
  2. Minder, Raphael (3 November 2010). "Polishing Gaudí's Unfinished Jewel". The New York Times.
  3. Works of Antoni Gaudí, UNESCO World Heritage Centre, accessed 14-11-2010.
  4. "The Pope Consecrates The Church of the Sagrada Familia". Vatican City: Vatican Information Service. 7 November 2010.
  5. Delaney, Sarah (4 March 2010). "Pope to visit Santiago de Compostela, Barcelona in November". Catholic News Service.
  6. Schumacher, Edward (1 January 1991). "Gaudí's Church Still Divides Barcelona". The New York Times.
  7. Goldberger, Paul (28 January 1991). "Barcelona". National Geographic.
  8. Rainer Zerbst, Gaudí - a Life Devoted to Architecture., pp. 190–215