張敬軒
呢篇文講廣州一創作人。想搵號敬軒嘅大西皇帝，請睇「張獻忠」。
張敬軒（粵拼：zoeng1 ging3 hin1；簡化字：张敬轩；英文：Hins Cheung；1981年2月1號—）係香港詞曲作者同唱片製作人，係繼四大天王後最成功嘅香港歌手之一。曾經同陳奕迅、古巨基同李克勤等歌手並列為新四大天王。祖籍北京，喺廣州出世，主要喺香港發展。除十大中文金曲頒獎音樂會嘅「最優秀流行男歌手獎」外，佢已獲得香港流行音樂業內所有最高認同嘅獎項，包括佢喺2014年度《叱咤樂壇流行榜》上攞到全數由樂迷票選嘅「我最喜愛的男歌手；2015年度同2016年度《叱咤樂壇流行榜》嘅「男歌手金獎」。佢都贏過2014年、2015年同2016年度TVB勁歌金曲頒獎典禮「最受歡迎男歌星獎」，同2014年同2015年度十大中文金曲頒獎音樂會「全國最佳男歌手獎」。
| 張敬軒 | |
|---|---|
 張敬軒（2016年1月） | |
| 男歌手 | |
| 羅馬拼音 | Zhang Jingxuan |
| 英文名 | Hins Cheung |
| 花名 | 軒仔、皇上、降兩度、Gonlando、將莖牽 |
| 國籍 |
 中國（香港） |
| 出世 |
1981年2月1號 中國廣東省廣州市 |
| 職業 | 歌手、詞曲作者、唱片製作人、演員 |
| 語言 | 粵語、國語、英語 |
| 教育程度 | 廣州市五羊中學五年級畢業 |
| 宗教信仰 | 基督教 |
| 音樂類 | 粵語流行、華語流行、節奏藍調 |
| 演奏樂器 | 歌唱、鋼琴、鍵盤 |
| 代表作品 |
粵語： 《餘震》 《笑忘書》 《酷愛》 《我的天》 《他的故事》 《櫻花樹下》 《披星戴月》 《春秋》 《青春常駐》 《靈魂相認》 《找對的人》 《過客別墅》 《緋荔榭·少年》 《羅賓》 《不同班同學》 《風起了》 國語： 《My Way》 《斷點》 《Hurt So Bad》 《只是太愛你》 《無能為力》 |
| 活躍年代 | 1998年－依家 |
| 唱片公司 |
香港： 幾何文化（2001年－2005年） |
| 經紀公司 |
香港： 幾何文化（2001年－2005年） |
| 網站 | Official Facebook |
| 網路電影資料庫（IMDb）資訊 | |
佢係極少數可以從中國大陸行到去香港發展嘅歌手，佢個人精選專輯My 1st Collection同第14張大碟Pink Dahlia分別成為全年最高銷量廣東唱片[1]。雖然喺香港定居，但佢一直以廣州人嘅身份自居，因此廣州傳媒稱佢叫「廣州驕傲」[2]。2009年7月3號佢成為廣州市青年聯合會第11屆委員會委員。 2010年4月，佢當選做第11屆廣州傑出青年。2010年11月11號佢擔任廣州亞運會火炬傳遞廣州站第115棒火炬手。喺2004年4月，2002年嘅舊作單曲《My way》攞咗第8屆共青團精神文明建設「五個一工程」優秀文化作品獎，呢首勵志歌曲重被團中央推薦擬入選中小學音樂教材。[3]
經歷改
初期：1998年－2001年改
讀中學時，佢喺暑假期間成日喺廣州啲酒吧唱歌，其中一個地點係廣東省人民醫院附近嘅西部牛扒城，嗰時候佢唱得最多嘅係蘇永康、陳曉東嘅歌，大概係60蚊至80蚊一晚[4]。
1998年，17歲嘅佢拎住3萬蚊，同香港一間皮具公司簽咗唱片合同。然而，簽約一星期後，騙子走咗。佢唔死心又同阿媽借咗5萬蚊，想自己出唱片，承諾如果失敗就投身家人心儀嘅金融行業。佢包辦填詞作曲監製，自己去版權局拿發行批號，自己聯絡音樂電台，唔靠任何唱片公司之下，出咗首張專輯《Hins' First》（第一版）[5]。
2000年，入娛樂圈前，佢曾經喺中樂達影音製作有限公司，做音頻製作部主管，呢份工作都間接令佢嘅左耳聽力得返20% [6]。 同年2月出咗個人作品單曲《太遠》，呢首歌同時係飛躍924南海電台同名廣播劇主題曲。2001年，佢被廣東地區嘅著名DJ彭力發掘，簽咗幾何娛樂，進入歌壇，彭力係佢首位伯樂同經理人，同年喺廣州出唱片《Hins' First》。同年8月出首張個人創作EP《Hins' First》（第二版） ，短短幾個月，喺廣州同鄰近區域銷售過2萬張。12月，張敬軒校園音樂巡禮暨公益簽唱會喺廣州市內幾間中學巡迴開展[7]。
來港發展：2002年－2006年改
2002年，《斷點》令佢出名，都畀佢帶嚟發展瓶頸。經理人陳濤指畀佢另一條路，被陳少寶發掘，同環球唱片簽約，即去香港發展。除《My Way》同《A.M/P.M》3張專輯嘅全部版權外，將張敬軒嘅其餘全部合約轉畀環球唱片。佢之後出首張大碟《Hins My Way》[8]，做咗創作歌手。環球唱片幫佢拓展海外同全球華語市場。《Hins My Way》嘅海外版唱片喺2002年11月首先喺香港發行，都畀佢帶嚟另一個事業上嘅高峰，入咗香港樂壇同全球華語市場，嶄露頭角。
2003年，專輯《My Way》嘅歌《期待》係佢喺香港嘅第一首冠軍曲，《孤單公園》一曲重幫佢再下一城，喺年尾成為佢喺香港嘅第一首三台冠軍曲。呢2首歌曲係佢喺嗰年四台頒獎典禮橫掃幾個新人獎，攞咗第26屆十大中文金曲最有前途新人獎男歌手金獎、CASH全球華語最佳新進作曲人獎同2003年度新城勁爆頒獎禮勁爆新人王等獎項。
2004年，大碟《A.M/P.M.》入面嘅《Blessing》係香港「鬼才」黃霑在世最後一份填詞作品。佢當年透過環球版權公司聯絡上黃霑太太，用誠意打動，而黃霑知道後即刻答應填詞，可惜歌曲完成幾日後，黃霑過世[9]。可惜《A.M./P.M》銷量唔好，佢喺2008年紅館開演唱會時透露，嗰個專輯剩係賣咗4千張，演藝生涯跌到去低谷。佢食咗抗抑鬱藥一年半，以對抗家族性遺傳嘅抑鬱癥[10]。
2005年，佢相繼出《春天》、《遇見神》等歌曲，重首次同女唱作歌手王菀之，出合唱歌《手望（守望版）》。
2006年3月，佢喺環球唱片嘅首張國語專輯《春夏秋冬》，其中《Hurt So Bad》係首隻國語四台冠軍歌曲。同年，佢幫商台森美小儀歌劇團創作《笑忘書》，同出同名專輯，係佢首張廣東大碟，重係佢喺香港最成功嘅大碟之一，開始受人關注。佢喺嗰年度嘅叱咤頒獎禮上攞咗唱作人金獎，重同王菀之、方大同同張繼聰被叫做「唱作四小強」。
走紅事期：2007年－2010年改
2007年，憑《酷愛》流行一時，喺樂壇頒獎典禮上攞咗幾個歌曲獎，係三台冠軍歌，都係香港樂壇嘅經典金曲之一，佢重攞咗叱咤樂壇男歌手銅獎，成功進入香港一線男歌手，同樂壇霸王－歌手陳奕迅、古巨基同李克勤等人平起平坐，4人都咁樣被叫做香港樂壇嘅新四大天王。佢重出埋《酷愛》嘅國語版《吻得太逼真》，係兩岸三地好流行嘅經典金曲。
2008年，《他的故事》係首隻粵語四台冠軍歌曲，《櫻花樹下》都係三台冠軍歌，2首歌都係佢喺香港嘅粵語代表歌之一，後者重係香港樂壇嘅經典金曲之一。2008年4月5號至7號，佢喺香港紅磡體育館舉行佢首個個人演唱會，邀請咗陳奕迅等前輩參加，亦係內地首位男歌手喺嗰度舉行演唱會[11]。年尾，佢攞咗商業電台叱咤樂壇流行榜頒獎典禮叱咤樂壇男歌手銀獎、新城電台新城勁爆頒獎禮勁爆男歌手獎同香港電台十大中文金曲頒獎音樂會優秀流行歌手大獎，《櫻花樹下》重攞咗叱咤樂壇流行榜頒獎典禮專業推介·叱咤十大第5位、十大中文金曲頒獎音樂會十大中文金曲、新城勁爆頒獎禮勁爆播放指數大獎等獎項。
2009年，佢出咗《Love & Living》大碟，同幾位80、90年代音樂人合作，令人有耳目一新嘅感覺。其中邀請前輩林子祥合作嘅《相對論》都係四台冠軍歌。而同倫永亮合作嘅歌曲《披星戴月》都係三台冠軍歌。另外，《Yes & No》就係佢喺2009年嘅第2隻三台冠軍歌。同年9月，佢喺廣州星海音樂廳舉行Unplugged第一樂章音樂會，呢個場地原本多數用嚟做古典音樂會，佢喺首位入呢個場地嘅華語流行歌手。2009年，《Yes & No》攞咗叱咤樂壇流行榜頒獎典禮專業推介·叱咤十大第4位、新城勁爆頒獎禮勁爆原創歌曲、十大中文金曲頒獎音樂會全國最佳中文歌曲獎。
2010年，佢喺農曆新年檔期喺紅館舉行4場《軒動心弦演唱會》，同大家過新年同情人節。經歷失聲困擾後，4月出第11張專輯《No. Eleven》同《春秋》等歌曲都好受歡迎。佢喺暑假期間同王菀之、W創作社合作，演出共18場音樂劇《柯迪夫Octave》。佢積極回饋社會，熱心公益，同年以香港環球唱片公司歌手嘅身份喺第11屆廣州傑出青年評選中獲「廣州十佳青年」[12]。同年做咗香港演藝人協會第9屆理事會理事，係香港演藝人協會首位內地理事。
2010年尾，佢憑專輯《No. Eleven》第2次攞咗叱咤樂壇男歌手銀獎、十大中文金曲頒獎音樂會優秀流行歌手獎、新城勁爆男歌手等幾個大獎。
低潮時期：2011年－2013年改
2011年，佢喺香港住夠7年後，以優秀人才入境計劃攞咗香港身份證同香港特別行政區護照。
2013年，佢喺廣州芳村以5000萬港幣去起全亞洲最大嘅世界級錄音室「江土岸錄音製作公司」（The Village Studios），佔地達3萬呎，屬獨立樓房，施工3年，錄音室工程主要由美國WSDG設計集團公司名師John Storyk主理。整個錄音室畀人感覺務實而溫和，主要錄音區有5個，重有2個配套完善嘅音響控制室，可應付編製交響樂嘅需要。除錄音區外，仲包括舞蹈室、音樂教室、休閒區、康樂室，同埋廚房用膳、休息淋浴間全部都有。錄音室備受唱片製作人嘅推崇，被列做世界頭20名錄音室之一。但係喺2014年年尾，因廣州市政府城市規劃需要，錄音室被收徵準備拆遷，佢接受政府賠償[13]。但後期喺2015年8月27號一間微博帳號叫 「The101Studio 廣州壹零壹文化傳播」嘅公司話已接手呢間錄音室，同埋話裝修就嚟完，進行試營業。之後廣州壹零壹文化傳播有限公司喺微博發表官方聲明，指出公司現接手嘅原VS錄音室與原經營者冇任何關係，同通過合法途徑攞咗經營權[14]。2013年7月28號都畀歌迷參加廣州錄音室 TheVillageStudios嘅開放日。
喺2011年至2013年間，佢雖然唔停咁出新歌，但係受HKRIA版權風波影響，攞獎數量急速下降。
巔峰時期：2014年－2016年改
環球唱片結約後，張敬軒2014年轉投英皇娛樂，開始踏入歌唱事業嘅巔峰時期，成為新一代嘅樂壇一哥同風靡香港、廣東各地同馬來西亞等粵語地區嘅樂壇天王。喺呢段時間能夠同張敬軒鬥攞歌曲獎嘅男歌手，除咗前輩陳奕迅，就只有偶像派藝人周柏豪。
2014年《青春常駐》雖然係四台冠軍歌曲，但聽眾初期普遍剩係當做普通派台歌看待，直至10月24號至26號一連3場喺香港紅磡體育館舉行嘅演唱會入面邀請譚玉瑛做表演嘉賓演唱呢首歌之後引起唔少聽眾嘅共鳴，重有聽衆表示聽完後都忍唔住喊，叱咤樂壇流行榜隨即重新上榜，相隔17星期後持續2星期上榜，重令呢首歌喺叱咤樂壇流行榜推上年度最高播放率第2位。而佢喺新城同商台攞獎時多次表示唱呢隻歌時會聯想起香港多啦A夢配音員林保全。2015年1月2號，林保全病逝，佢喺Instagram撰文懷念林保全，其中重引用咗第一句歌詞「叮噹可否不要老 伴我長高」，再次引起共鳴，喺2015年嘅第2個禮拜，喺叱咤樂壇流行榜第2次重新上榜，呢個情況屬於罕見。Youtube方面，截至2017年1月，歌曲《青春常駐》有超過4,000,000點擊率同超過14,000讚好嘅成績，係張敬軒Youtube點擊率極高嘅歌曲之一，都係出名同經典嘅代表作之一。
2014年，佢憑《青春常駐》喺年尾嘅叱咤樂壇流行榜頒獎典禮入面攞咗專業推介．叱咤十大第2位同叱咤樂壇我最喜愛嘅男歌手，《青春常駐》重獲提名做叱咤樂壇我最喜愛嘅歌曲大獎。另外，佢重喺年尾嘅十大中文金曲頒獎音樂會奪得優秀流行歌手大獎、全國最佳歌手男歌手獎同全年最高銷量歌手男歌手大獎，《青春常駐》都係十大中文金曲之一，正式做咗香港樂壇一線歌手。
踏入2015年，佢繼續強勢，出咗最新大碟《Felix》，主打歌曲《找對的人》、《過客別墅》同《緋荔榭‧少年》都攞咗各台音樂排行榜，其中《找對的人》同《過客別墅》都係四台冠軍歌。《緋荔榭‧少年》就係兩台冠軍歌。同年11月，佢喺廣州舉行HINS LIVE IN PASSION 世界巡迴演唱會，又喺10月同11月分別舉行KKBox Live 張敬軒OneDay音樂會同王菀之 × 張敬軒 × 林嘉欣 903拉闊音樂．劇場版音樂會，都有好評。
喺2015年尾嘅各台音樂頒獎禮入面，佢繼續以王者姿態攞咗各個獎項。喺叱咤樂壇流行榜頒獎典禮入面，佢成功贏咗上一屆得主周柏豪同陳奕迅，攞咗歌唱生涯中第一個叱咤樂壇男歌手金獎，歌曲《找對的人》係專業推介．叱咤十大第4位同時獲提名為叱咤樂壇我最喜愛嘅歌曲大獎5強。喺十大中文金曲頒獎音樂會入面，《找對的人》係十大中文金曲之一，佢亦都連續幾年攞咗優秀流行歌手大獎同全國最佳歌手男歌手獎，重攞埋2015年度勁歌金曲頒獎典禮最受歡迎男歌星獎，憑歌曲《找對的人》同《過客別墅》一次攞咗2個勁歌金曲獎 。至於新城電台新城勁爆頒獎禮入面，佢就攞新城全球勁爆歌手同新城勁爆年度歌手大獎，成為四大頒獎典禮中嘅大贏家。
喺2016年，佢作出新嘗試，出新大碟《Vibes》，唔再唱好似《櫻花樹下》或《青春常駐》呢尐慢嘅抒情歌，出由黃偉文填詞、cleanup hitter 1 2 3作曲嘅快歌《羅賓》，雖然曲風唔同，但係歌迷同電台都非常受落，《羅賓》派台幾星期就做咗三台冠軍曲。佢又喺《Make Me Proud》入面玩電音，向歌迷展示另一面。另外，《Vibes》入面嘅《不同班同學》都做咗三台冠軍曲，而《風起了》就做咗兩台冠軍曲。除此之外，佢同王菀之合作，出咗《友誼的小船》，都係一首快歌，都係冠軍曲。佢喺同年7月就繼續佢喺馬來西亞舉行嘅張敬軒HINS LIVE IN PASSION 世界巡迴演唱會。另一方面，佢以2000萬接管喺香港佐敦嘅雅旺錄音室Avon Recording Studios，擔任錄音室嘅行政經理，重將錄音室打造成50年代火車卡廂[15][16]。
喺年尾嘅四大音樂頒獎典禮，佢憑《羅賓》攞咗叱咤樂壇流行榜頒獎典禮專業推介叱咤十大第2位同勁歌金曲頒獎典禮勁歌金曲奬，《不同班同學》攞咗十大中文金曲頒奬音樂會十大中文金曲，《風起了》攞咗勁歌金曲頒獎典禮勁歌金曲奬。佢就連續第2年攞咗叱咤樂壇流行榜頒獎典禮叱咤樂壇男歌手金獎，重攞埋十大中文金曲頒奬音樂會優秀流行歌手大獎、銷量男歌手大獎、新城勁爆頒獎禮勁爆男歌手金獎同勁歌金曲頒獎典禮最受歡迎男歌星，再次係四大頒獎典禮中嘅大贏家。
休養時期：2017年改
2017年1月，張敬軒分別喺Instagram、微博同個人Facebook宣布成為新一季湖南衞視節目《歌手2017》嘅首發歌手。《歌手2017》微博公布上載節目宣傳海報，以「他的音樂治癒而勵志；他的音樂純粹而清心」介紹張為新一季節目嘉賓。張敬軒都喺微博上載片段，表示自己「即將參與節目，希望樂迷關註，不見不散」。[17]文章上載幾日後，因陳淨心喺佢嘅微博號召網民向中國廣電總局抗議，話張敬軒「不是港獨卻比港獨更可惡」。之後，微博賬戶「共青團中央」發佈文章「輿情觀察：張敬軒相關言論梳理」[18]，話佢因為之前嘅佔中言論畀中國大陸網友抵制，呢篇文發佈後輿論爆發。之後，張敬軒所屬嘅英皇作出回應，話電視台同英皇共同決定終止合作，張敬軒退出節目[19]。
同年2月完成同王菀之嘅「The Magical Teeter Totter張敬軒•王菀之演唱會2017」後，張敬軒有意暫別樂壇鑽研古典音樂[20]。
平穩復出時期：2018年－依家改
2018年第一日，張敬軒推出新派台歌曲《缺》，成為休養之後復出嘅頭砲。
2018年，舉行「張敬軒降兩度演唱會2018」演唱會，先後加開3場，成為佢喺紅磡體育館開辦嘅演唱會以嚟最多嘅場數。而喺宣傳海報上亦穿上由川久保玲所設計嘅Comme des Garçons S/S 2018的玩具頸鏈[21]。
屋企改
張敬軒出身中國內地公務員之家，係屋企獨生仔，阿爺係清華大學工程系畢業生，精通5國語言，但最後因為文革被批鬥過，含鬱患肺結核而死。阿嬤曾經係一名國企職員同埋京劇愛好者。張敬軒阿爸嘅繼父係當年廣東京劇界嘅首鼓大師，好鐘意軒仔成日帶佢去睇京劇。阿爸曾係廣州市東山區嘅街道黨委書記，阿媽曾經係交通糾察，喺1989年「下海」創業，做咗汽車運輸個體戶，依家已經退休。胡蓓蔚係張敬軒嘅契姐，關楚耀係佢嘅契弟，張繼聰係佢冇直屬血緣關係嘅表舅父，佢嘅契爺係經營牆紙生意嘅陳鼎禮[22]。佢同關智斌嘅同性戀情緋聞被媒體廣泛報導達10年咁耐，但佢同性戀情緋聞已經俾當事人否認[23]。
2012年12月至2015年5月，張敬軒月花18幾萬蚊租住香港三級歷史建築，喺摩星嶺嘅緋荔榭（Felix Villas）[24]。佢外借過緋荔榭畀好友容祖兒拍攝《七不思議》音樂影片（MV）[25][26]，同埋將緋荔榭佈置成十五世紀法國古屋。張敬軒本人嘅《靈魂相認》微電影、《找對的人》MV、《過客別墅》MV，都曾喺屋內拍攝。
經歷改
- 2000年11月：幫飛利浦嘅《純平彩電、顯示器》推廣DVD作音效合成。
- 2001年3月：簽約Square Entertainment。
- 2001年6月：創作2001年廣東校際音樂節主題曲《Power in your hands》。
- 2002年3月：張敬軒影像實錄首發簽唱（喺廣東省多個重要城市巡迴開展）。
- 2002年4月：張敬軒校園音樂巡禮暨公益簽唱會；「澎湃動力．軒起有情」慈善義賣。
- 2002年6月：擔任由廣州市教育局主辦的「音樂由我創．2002廣州青少年校園歌曲創作大賽」活動形象代言人並負責創作、主唱大賽主題曲《聲音》。
- 2002年8月：
- 發表首張個人專輯《My Way》。
- 「八面聲勢」活動，當日喺廣州同城8個場地舉辦專輯首發簽名會。
- 2002年12月：
- 參加《Channel V》面對面節目錄影。
- 參加《我們的聲音》廣東原創音樂百名歌手大型演唱會。
- 2003年1月：
- 《My Way》攞咗香港電台第25屆十大中文金曲頒獎音樂會嘅「全國最受歡迎中文流行歌曲獎銅獎」。
- 2003年12月：
- 攞咗第26屆十大中文金曲頒獎音樂會「最有前途男新人（金獎）」。
- 攞咗新城勁爆頒獎禮「新城勁爆新人王」一獎。
- 2004年11月：發行專輯《A.M/P.M.》，4月24號起接受預訂，直到5月25號，但銷量慘淡，佢喺紅館開演唱會時承認，嗰個專輯剩係賣出4千張。
- 2005年：幾何文化喺中國唱片業內引起爭議，喺同張敬軒重有一年合約的前提下，突然同環球唱片達成協定，除《My Way》同《A.M/P.M.》2張專輯嘅全部版權外，將張敬軒的其餘全部合約轉讓給環球唱片。
- 2005年4月：參與香港青春勵志偶像電影《擁抱每一刻花火》嘅拍攝。張敬軒扮演箍牙大學生，暗戀吳日言所扮演嘅野蠻女生，為咗追求佢不惜忍受其無理、苛刻嘅要求，飽受佢嘅野蠻、任性嘅一面，不惜對佢千依百順、百般忍讓，希望獲得佢嘅芳心。最後一幕，牙套仔拿掉牙套，深情款款地唱咗自己創作嘅情歌《Hurt So Bad》（佢重新編曲嘅完整版本收錄喺專輯《春．夏．秋．冬》入面）。
- 2005年8月：出專輯《我的夢想我的路（新曲＋精選）》，呢個係張敬軒喺幾何文化嘅告別之作。
- 2006年3月：出咗喺環球唱片的第一張專輯《春．夏．秋．冬》。
- 2006年10月：出首張粵語專輯《笑忘書》。
- 2007年1月：首次攞咗叱咤樂壇流行榜頒獎典禮「叱咤樂壇唱作人金獎」。重同王菀之、方大同同張繼聰被叫做「唱作四小強」。
- 2007年8月：出第2張粵語專輯《酷愛》。
- 2007年12月：憑《我的天》攞咗新城勁爆頒獎禮「新城勁爆年度歌曲大獎」同首次做咗「新城勁爆男歌手」。
- 2008年1月：
- 攞咗叱咤樂壇流行榜頒獎典禮「叱咤樂壇男歌手銅獎」，重憑《酷愛》首次攞「叱咤樂壇至尊歌曲大獎」同「叱咤樂壇我最喜愛歌曲」。
- 憑《酷愛》首次奪得無綫電視十大勁歌金曲頒獎典禮的「十大勁歌金曲」同埋攞咗「傑出表現獎金獎」。
- 憑《酷愛》首次奪得香港電台十大中文金曲頒獎音樂會的「十大金曲獎」同埋做咗「十大優秀流行歌手」。
- 2008年8月：擔任奧比斯光明大使，到瀋陽同哈爾濱探訪。
- 2008年10月：到廣州擔任《天生快活人》十周年之林頤「搞唱會」演出嘉賓。
- 2009年2月：舉行《情軒一發音樂會》。
- 2009年4月18號－19號：以「饑饉之星」嘅身份出席饑饉三十。
- 2013年10月：到廣州擔任《天生快活人》十五周年「大愛有聲2013繼續快活我撐你.林頤慈愛演唱會」演出嘉賓。
- 2013年張敬軒正式宣佈加盟英皇娛樂，與環球唱片結束十年賓主關系。7月30號，簽約儀式「情軒英皇‧強勢加盟 發佈會」喺香港舉行，佢簽約6年，酬勞高達8位數字，儀式唔單止獲集團主席楊受成博士夫婦親自出席，公司高層吳雨、霍汶希、四台媒體代表都撐場，藝人謝霆鋒同容祖兒都出席歡迎張敬軒加入大家庭。公司表示希望幫軒仔推出廣東同國語專輯，同埋喺2014年開佢第3次紅館演唱會。
- 早喺2009年時，張敬軒就向媒體透露，已喺廣州芳村江邊揾到一塊地，要起「具有世界水準的錄音棚」。但喺2013年5月27號，佢所屬在廣州地區嘅錄音室面臨拆遷嘅風險 [27]。面對數額好大嘅還款預算，重係勇者無懼。同時該人透露呢次被清拆估計會虧損幾百萬蚊，同時都損失咗心機同時間。而相關嘅設備同器材都透露會搬到香港，至於錄音室具體何時拆遷，連佢嘅身邊工作人員就透露呢個唔清楚，但周圍建築都會拆遷係一早定落嘅事情 [28][29]。
- 2015年1月：
- 首次攞咗叱咤樂壇流行榜頒獎典禮「叱咤樂壇我最喜愛的男歌手」，首位幫所屬公司英皇娛樂攞咗嗰個大獎嘅歌手。
- 首次攞咗香港電台十大中文金曲頒獎音樂會嘅「全年最高銷量男歌手」同「全國最佳男歌手」。
- 首次攞咗無綫電視十大勁歌金曲頒獎典禮嘅「最受歡迎男歌星」。
- 以13.5個獎，首次做咗四台主要電台頒獎禮嘅大贏家。
- 2015年12月－2016年1月
- 憑《找對的人》第3次攞咗新城勁爆頒獎禮「新城勁爆年度歌曲大獎」同首次做咗「新城勁爆年度歌手」同「新城勁爆全球歌手」。
- 首次奪得叱咤樂壇流行榜頒獎典禮「叱咤樂壇男歌手金獎」，係第11位攞咗嗰個獎嘅歌手。
- 以12個獎，再次做咗四台主要電台頒獎禮嘅大贏家。
爭議改
出席2008年香港立法會選舉揭幕禮時，張敬軒批評「長毛」梁國雄「博出位」，重表示曾經以當上香港特首做志願。此話一出，張敬軒即被各方批評大言不慚，身為廣州人唔了解香港政治卻大放厥辭。此舉都引起梁國雄嘅支持者爭論，重有網友喺Facebook社交網站發起聲討張敬軒嘅行動[30]。
近年張敬軒因支持撤回德育及國民教育科，同聲援2014年香港雨傘運動、旺角騷亂而獲得網民讚賞。[31]張敬軒喺2014年同黃秋生同舞台劇《Equus》團隊合唱歌曲《問誰未發聲》。佢表示，「這首歌我希望以後香港有大是大非的時候，就拿出來鼓勵民眾」。[32]，另外因張敬軒曾稱「香港是中國民主的最後一片淨土」，隨即有香港人陳凈心舉報張敬軒「港獨」，「令稍微有點愛國心的港人都會感到心寒」。2014年，張敬軒公開表示自己只為學生安全，先喺公開場合作出言論，但被人斷章取義，強調自己完全冇觸及港獨同國家分裂嘅言論。[33]有傳言事後張敬軒被內地當局封殺，但佢之後多次返廣州上台、上電視台節目都無事，一度受邀請參加《歌手2017》[34]。
2017年1月，張敬軒宣佈參加湖南衛視《歌手2017》之後，又被香港親共人士陳凈心指「港獨」。盡管佢喺微博發表千字文，強調同重申自己唔支持港獨，重受到中國大陸多家主流媒體嘅集中批判，《環球時報》刊發題做《 敬軒啊，祖國媽媽的大腿不是你想抱就能抱！》嘅報道，以「網友」之口把「吃飯砸鍋」嘅張敬軒譏諷咗佢[35]；《中國國防報》就刊文《決不允許藝人吃中國飯砸中國鍋》，援引合肥軍事法院副院長何南傑嘅言論，對張敬軒評論道「對於那些餵不熟的白眼狼」，掉進湯鍋嘅「老鼠屎’，不能手軟。」[36]。湖南衛視重將佢從《歌手》節目除名，連之前錄影好嘅視頻，都被刪除。2017年1月17號，張敬軒所屬嘅英皇作出回應，指退出節目，呢個係電視台同英皇共同決定終止合作，又指「外間的聲音」對張敬軒同電視台都造成巨大壓力[37]。
人物評價改
張敬軒被叫做「E世代全才唱作人」，作詞、作曲、編曲、錄音、製作、演唱無嘢唔識。佢年紀細細就試到出名嘅滋味，但喺佢身上就根本睇唔到外界評論80年代出生者嘅自傲同浮躁，反而感覺有一種特別嘅純淨氣質。生活入面嘅張敬軒，一雙深邃嘅大眼睛靈氣逼人，顯得輕鬆、隨意，十足嘅鄰家大男孩一個。佢唔單止健談，而且思路清晰，沈穩而唔失率真，自信而唔狂妄，言談舉止都透出同齡人冇嘅一份成熟（騰訊評）[38]。
佢嘅演藝水平，喺香港做戲10年以上嘅都未必做得到（黃秋生評）[39]。
佢係一個好歌手。好歌手其中一個特質係，有佢自己嘅諗法（林夕評）[40]。
音樂作品改
派台歌曲成績改
| 派台歌曲成績 | |||||||
|---|---|---|---|---|---|---|---|
| 大碟 | 歌曲 | 903 | RTHK | 997 | TVB | 備註 | |
| 2002年 | |||||||
| My Way | My Way | 8 | 2 | 3 | - | ||
| 2003年 | |||||||
| My Way | 聲音 | - | 6 | - | - | ||
| My Way香港版 | 期待 | 15 | 1 | 2 | 6 | 首支冠軍歌 | |
| 孤單公園 | 孤單公園 | 15 | 1 | 1 | 1 | 首支三台冠軍歌 | |
| 2004年 | |||||||
| A.M/P.M. | 無能為力 | 19 | 1 | - | 2 | ||
| A.M/P.M. | Blessing | 9 | 3 | 3 | 2 | 跨年上榜 黃霑最後遺作 | |
| 2005年 | |||||||
| A.M/P.M. | Dear U | - | - | - | - | ||
| A.M/P.M. | 春天 | 10 | 8 | 14 | - | ||
| 笑忘書 | 遇見神 | - | 16 | - | - | ||
| I Love My Name | 手望（守望版） | 2 | - | - | - | 同王菀之合唱 | |
| 有心人 | - | 16 | - | - | 同王菀之、梁奕倫合唱 | ||
| 2006年 | |||||||
| 春夏秋冬 | 過雲雨 | 2 | 1 | 2 | 2 | ||
| 春夏秋冬 | Hurt So Bad | 1 | 1 | 1 | 1 | 首支四台冠軍歌 | |
| 春夏秋冬 | 絕頂愛情 | 16 | 14 | - | - | ||
| 笑忘書 | 餘震 | 13 | 1 | 2 | 3 | ||
| 笑忘書 | 老了十歲 | 20 | 4 | 2 | - | ||
| 笑忘書 | 笑忘書 | 1 | - | - | - | ||
| 笑忘書 | 騷靈情歌 | 2 | 1 | 4 | - | 跨年上榜 | |
| 2007年 | |||||||
| 笑忘書 | 兩座位跑車 | 17 | 9 | - | - | ||
| 笑忘書 | 第二次愛你 | 15 | - | 10 | - | ||
| 酷愛 | 放榜 | - | - | - | - | ||
| 快樂地圖Let's Go | - | 1 | - | - | 太陽計劃2007主題曲 同衛蘭、曹格合唱 | ||
| 酷愛 | 酷愛 | 1 | 1 | - | 1 | 三台冠軍歌 | |
| 酷愛 | 迷失表參道 | 1 | 1 | - | 2 | ||
| 酷愛 | 我的天 | - | 6 | 1 | - | ||
| 2008年 | |||||||
| 酷愛 | 悔過詩 | - | - | 2 | - | ||
| Urban Emotions | 他的故事 | 1 | 1 | 1 | 1 | 四台冠軍歌 | |
| Urban Emotions | 櫻花樹下 | 1 | 1 | 1 | - | 三台冠軍歌 | |
| Urban Emotions | 不吐不快 | - | 18 | 2 | - | ||
| LOVE 08 情歌集 | 同心同路 | - | 1 | - | - | 同謝安琪、關楚耀、孫耀威合唱（VO：譚詠麟） | |
| Urban Emotions | Déjà vu | - | - | - | - | ||
| Love & Living | 曝光 | 2 | 1 | 1 | - | 跨年上榜 另派改編版本《心意興隆》 | |
| 2009年 | |||||||
| Love & Living | 披星戴月 | 1 | 1 | 1 | 2 | 三台冠軍歌 | |
| Love & Living | 相對論 | 1 | (1) | (1) | 1 | 四台冠軍歌 | |
| Cheer Up! | - | 1 | - | - | 太陽計劃2009主題曲 群星合唱[42] | ||
| Love & Living | 無名指的光環 | - | - | 2 | - | ||
| Love & Living | 故園花茶 | - | - | - | - | ||
| Unplugged第一樂章音樂會Live | Yes & No | 1 | 1 | 1 | 2 | 三台冠軍歌 另派Live版本 | |
| Uni-Power 合唱造大力量 | 人人英雄 | 4 | - | - | - | 同香港環球唱片群星合唱 | |
| 2010年 | |||||||
| No. Eleven | 春秋 | 2 | 1 | 1 | × | ||
| No. Eleven | 茶想曲 | 1 | 3 | 1 | × | ||
| No. Eleven | 襯 | - | 10 | 3 | × | ||
| No. Eleven | 詩郵寄 | 10 | - | - | × | ||
| No. Eleven | 石徑 | - | - | - | × | 同麥家瑜合唱 | |
| No. Eleven第二版、Octave | 高八度 | 2 | 3 | - | × | 同王菀之合唱 | |
| P.S. I Love You | Deadline | 1 | 1 | 1 | × | 三台冠軍歌 另派Why Not A Remix版本 | |
| P.S. I Love You | P.S. I Love You | 2 | 1 | (1) | × | 跨年上榜 | |
| 2011年 | |||||||
| P.S. I Love You | 壯舉 | 2 | 1 | 1 | × | ||
| P.S. I Love You第二版 | 惜愛 | 6 | 6 | 4 | × | 「戀LoveLove劇場」Part 2主題曲 | |
| P.S. I Love You第二版 | 只是太愛妳 | - | - | - | × | ||
| Why Not? | Stop The Time（Orchestra version） | 2 | 3 | 2 | × | 港樂 × 張敬軒交響音樂會主題曲 | |
| Why Not? | 井 | 2 | 1 | 1 | × | 另派Piano Version版本 跨年上榜 | |
| 2012年 | |||||||
| 定局 | - | - | - | - | 電視劇《盛世仁傑》主題曲 | ||
| 難忘時刻 | - | - | - | - | 同香港環球唱片群星合唱 | ||
| Why Not? | 我和秋天有個約會 | 10 | 1 | 3 | - | 舞台劇《我和秋天有個約會》主題曲 | |
| Why Not? | 蟬 | - | - | - | - | 舞台劇《我和秋天有個約會》插曲 | |
| 2013年 | |||||||
| Pink Dahlia | 完全因你 | - | - | - | - | 翻唱彭羚作品 | |
| Pink Dahlia | 夜機 | 1 | 3 | 3 | - | 翻唱陳慧嫻作品 | |
| 年度熱愛2013 | 聲音再遠都是愛 | - | - | - | - | 同泳兒、李代沫、大山合唱 | |
| 是時候... | 塵埃落定 | 9 | - | - | - | 跨年上榜 | |
| 2014年 | |||||||
| 是時候... | 溫馨提示 | - | - | 6 | - | ||
| Morph | 青春常駐 | 1 | 1 | 1 | 1 | 四台冠軍歌 新城勁爆勵志‧兒歌榜：1 | |
| Morph | 最卑微的願望 | 8 | 1 | 2 | 1 | ||
| Hins Live In Passion 2014 | 青春常駐（Hins Live In Passion 2014） | 6 | - | - | - | Feat. 譚玉瑛 跨年上榜 | |
| 2015年 | |||||||
| Morph | 靈魂相認 | 3 | 5 | 3 | 1 | ||
| 就手軒羊咩咩咩 | 就手軒羊咩咩咩 | 12 | - | - | - | 同泳兒、洪卓立、鍾舒漫、羅力威、鍾舒祺合唱 | |
| Morph | Do What You Want | 16 | 1 | 4 | - | Featuring 馮允謙 | |
| 英皇15周年 和華麗有約 | 和華麗有約 | - | - | - | 5 | 英皇群星合唱 | |
| 英皇15周年 和華麗有約 | 和華麗有約（國） | - | - | - | - | 英皇群星合唱 | |
| Colour Your Life | x | 1 | x | x | 同馮允謙合唱 太陽計劃2015主題曲 | ||
| Felix | 找對的人 | 1 | 1 | 1 | 1 | 四台冠軍歌 RTHK全球華語歌曲排行榜：1 | |
| Felix | One Day | - | - | - | - | 《找對的人》國語版 新城國語力：2 TVB8：1 | |
| Felix | 過客別墅 | 1 | 1 | 1 | 1 | 四台冠軍歌 音樂先鋒榜：1 | |
| Felix | 緋荔榭‧少年 | 4 | 1 | 1 | 2 | 跨年上榜 DBC華語歌曲流行指數：6 | |
| 2016年 | |||||||
| Felix | 叮噹可否不要老 | 17 | - | 8 | - | DBC華語歌曲流行指數：2 | |
| Vibes | 羅賓 | 1 | 1 | 1 | 2 | 三台冠軍歌 另派CP Up version版本 DBC華語歌曲流行指數：1 | |
| Vibes | 不同班同學 | 1 | 1 | 1 | - | 三台冠軍歌 | |
| The Whimsical Voyage | 友誼的小船 | 1 | 3 | 16 | - | 與王菀之合唱 | |
| Vibes | 風起了 | 2 | 1 | 1 | 2 | ||
| 2017年 | |||||||
| The Whimsical Voyage | 下次愛你 | 2 | 3 | 4 | 2 | 翻唱王菀之作品 hmv PLAY 本週新歌排行榜：2 | |
| The Whimsical Voyage | 好時辰 | - | - | - | 2 | 翻唱王菀之作品 | |
| 各台冠軍歌總數 | ||||
|---|---|---|---|---|
| 903 | RTHK | 997 | TVB | 備註 |
| 18 | 34 | 22 | 10 | 四台冠軍歌總數：6 四台與三台冠軍歌總數：14 |
（*）表示重喺榜上
（×）代表由於TVB同包括所屬環球唱片嘅四大唱片公司嘅版稅紛爭而冇派上TVB
粗體表示四台冠軍歌、TVB同包括所屬環球唱片嘅四大唱片公司嘅版稅紛爭時的三台冠軍歌同十大得獎歌曲
(1)表示2週冠軍
專輯改
專輯
雜錦碟改
雜錦碟
單曲改
- 2008年：定局（電視劇《盛世仁傑》主題曲）
- 2009年：心意興隆、龍珠'09（動畫《龍珠》新版主題曲）
- 2012年：The Everlasting Da同Razel（張敬軒的菲律賓傭人）合唱
- 2013年：Streets of Berlin（舞台劇《Bent 屈獄情》主題曲）
- 2015年：不夜場（舞台劇《杜老誌》主題曲）
- 2016年：我本人（係咁升兩度降兩度你俾我唞陣得唔得唧世界無限輪迴演唱會2016 BONUS TRACK）（原唱：吳雨霏）
- 2016年：友誼的小船同王菀之合唱（張敬軒王菀之2017演唱會《The Magical Tetter Totter》主題曲）
- 2017年：下次愛你翻唱王菀之2011年作品
演唱會改
演唱會
音樂會改
音樂會
歌曲創作同參與改
歌曲創作同參與
演出作品改
電影改
| 年份 | 電影 | 角色 |
| 2004年 | 《我的大嚿父母》 | 客串 |
| 2005年 | 《擁抱每一刻花火》 | Ronald |
| 2007年 | 《十分愛》 | 張同祖（Joe） |
| 《女人本色》 | 吳大宇 | |
| 《醒獅》 | 小張 | |
| 2008年 | 《分手公司》 | |
| 2010年 | 《葉問前傳》 | 曹公子 |
| 2013年 | 《超級經理人》 | 劫匪 |
| 2014年 | 《金雞SSS》 | 敬軒 |
| 2015年 | 《燦爛這一刻》 | 余夢輝 |
微電影改
| 年份 | 微電影 | 角色 |
| 2015年 | 《靈魂相認》 | 啓緣(名字來自張敬軒一位離世的舅父) |
配音改
| 年份 | 電影 | 角色 |
| 2008年 | 《風雲決》 | 聶風 |
| 2015年 | 《小王子》 | 小王子 |
| 2017年 | 《LEGO蝙蝠俠英雄傳》 | 羅賓 |
音樂劇改
| 年份／地點 | 名 |
| 2006年9月7號－11號 | 《903森美小儀歌劇團：Big Nose》 |
| 2008年10月17號－21號／Starhall | 《903森美小儀歌劇團：小孖俠》 |
| 2010年7月3號－18號（7月5號、12號休演）／香港演藝學院歌劇院 | W創作社《Octave 柯廸夫》飾 軒仔／柯廸夫 |
舞台劇改
| 年份／地點 | 名 |
| 2012年7月28號－8月19號（7月30號、8月6號、13號休演）／香港演藝學院歌劇院 | 香港話劇團《我和秋天有個約會》飾演Danny |
| 2012年11月23號－25號／台北新舞臺 | 香港週2012@台北 香港話劇團《我和秋天有個約會》飾演Danny |
| 2013年3月15號－3月24號（3月18號－20號休演）／葵青劇院 | 風車草劇團《Bent 屈獄情》飾 Greta |
| 2014年5月9號－6月1號（5月12號、19號、26號休演）／香港演藝學院賽馬會演藝劇院 | 神戲劇場《馬 EQUUS》飾演Alan（同黃秋生一齊主演）[44] |
廣播劇改
| 廣播 | 角色 |
| 叱咤903《最好的時光Season 1、3》 | 陳裕恆 |
| 叱咤903《爆炸糖劇場》 | 李嘉誠 |
| 叱咤903《黃金少年Season 1》 | 阮欣欣前男友 |
| 叱咤903《黃金少年Season 4》 | 班長 |
| 《軒之物語》 | Hins |
| 新城廣播劇團《長夜不眠》 | Hins |
| 《Hins & Ivana 偶像事件簿》 | Hins |
| 新城廣播劇團《愛讓右手作主》 | 楊超 |
| 叱咤903《發條象之翼》 | 張軒 |
| 香港電台第二台《結婚花車》 | Joe |
電視劇改
| 年份 | 電視台 | 劇集名 | 角色 |
| 2007年 | 佛山電視台 | 都市萬花筒之有緣兜個圈 | 梁炳 |
| 2007年 | 無綫電視 | 森之愛情 第5集《我的病人》 | 軒仔 |
| 2008年 | 無綫電視 | 盛裝舞步愛作戰 |
節目改
| 日期 | 電視台 | 節目 | 戲份／角色 |
| 2013年7月20號 | 無綫電視 | 新聞透視（歷史有價） | |
| 2013年9月8號 | 無綫電視 | 星光熠熠耀保良 | 軒動迷情之心友（皇上皇后華麗合唱） |
| 2013年9月11號 | 無綫電視 | 東張西望 | |
| 2013年9月22號 | 無綫電視 | 星夢傳奇 | 擔任星級評判 |
| 2014年3月8號 | 無綫電視 | 博愛歡樂傳萬家 | 演唱歌曲－《籬笆》 |
| 2014年4月12號 | 無綫電視 | 勁歌金曲 | 推動廣東歌文化 |
| 2014年5月5號－7號 | 無綫電視 | 新家園協會特約：愛心家園 | 主持 |
| 2016年11月27號 | 無綫電視 | 我愛香港 | 嘉賓 |
綜藝節目改
- 2017年：《歌手2017》
《歌手2017》改
2017年1月，加盟湖南衛視《歌手2017》、為首發歌手，因節目開播前遭到中國大陸網民抵制而退賽[45]。
歌手2017 張敬軒競演排名
| ||||||||
| 期數 | 輪數 | 播出日期 | 演唱歌曲 | 原唱 | 歌曲介紹 | 排名 | 得票率 | 備註 |
| 1 | 第一輪排位賽 | 2017年1月21號 | 《吻得太逼真》（國語） | 張敬軒 | 詞：陳耀川 曲：周炳輝 編曲：Johnny Yim |
7 | 不詳 | — |
網劇改
| 年份 | 劇集名 |
| 2007年 | 《Goodmood好心情劇場》飾演 Steven Cheung |
MV改
書籍著作改
- Hins Cheung X Patt Sham《THE VILLAGE》散文同影集
廣告改
| 年份 | 廣告品牌 |
| 2002年 | 廣州東海堂冰皮月餅 |
| 2003年 | 環球唱片中文精選碟《存為愛》（電視廣告） |
| 2007年 | Lipton 奶茶 |
| OTO Master Relax音樂按摩椅 | |
| 跑online（配音角色軒少） | |
| 2008年 | 雀巢淳茶舍烏龍茶 |
| 嘉勳教育中心（巴士車身同電視廣告） | |
| 2009年 | 四洲紫菜（平面同電視廣告） |
| 雀巢淳茶社大紅袍烏龍茶 | |
| 嘉勳教育中心（巴士車尾同電視廣告） | |
| Sennheiser（HD800同IE系列平面廣告） | |
| 2010年 | 豐澤3D電視 |
| 嘉勳教育中心（巴士車尾同電視廣告） | |
| Sennheiser（PX200-ii、iPhone手機耳機、無線耳機同表現系列平面廣告） | |
| 2011年 | 嘉勳教育中心（巴士車尾同電視廣告） |
| 2012年－2015年 | Sennheiser |
| 2013年－2015年 | 珠江純生（電視廣告同廣告歌 是時候放鬆一下） |
| 2016年 | The Body Shop |
擔任大使改
| 年份 | 廣告品牌 | 大使名銜 |
| 2005年 | 中(國)馬(來西亞)文化交流大使 | |
| 信息時報 | 愛心大使 | |
| 2006年 | 青年文化形象大使 | |
| 香港電腦通訊節 | IT大使 | |
| 第9屆粵港澳普通話大賽 | 普通話推廣大使 | |
| 廉潔新生代創明Teen | 廉潔新生代大使 | |
| 耆康麵義賣月 | 活動大使 | |
| 2007年 | 版權之星 | |
| 匡智關懷大使 | ||
| 職安Power全起動07/08啟動禮 | Teen Power職安大使 | |
| 2008年 | 香港音樂匯展2008 | 香港音樂匯展大使 |
| 奧比斯 | 光明大使 | |
| 第7屆香港傑出少年選舉 | 傑出少年選舉之星 | |
| 廉潔新生代創明Teen | 廉潔新生代大使 | |
| 誇啦啦職業特攻 | 零售業職業特攻 | |
| 2009年 | 飢饉三十 | 饑饉之星 |
| 太陽計劃 | 榮譽太陽大使 | |
| 基本法嘉年華大使 | ||
| 香港成報 | 慈善大使 | |
| 廣東嘉佳卡通頻道 | 暑期推廣大使 | |
| 國慶60周年青年大使 | ||
| 2010年 | 世界水日「杯中願」行動 | 行動大使 |
| 第10屆華語音樂傳媒大獎 | 十週年形象大使 | |
| 廣州亞運會 | 廣州亞運會香港地區志願者大使 | |
| ERB 創‧新‧TEEN | 體驗日大使 | |
| 2011年 | 2011全球同抗愛滋病運動 | 活動大使 |
| 麥王爭霸 | 形象大使 | |
| 2012年 | 飢饉三十 | 饑饉之星 |
| 羊城地鐵報 | 環保大使 | |
| NetY 互聯網教育種子先導計劃聯合國網絡大使選拔大賽 | NetY聯合國網絡管治論壇榮譽大使 |
獎項改
獎項
參考改
- ↑ [1]
- ↑ "張敬軒:鐵了心做廣州特色的個人演唱會". （原先內容喺2016年12月30號歸檔）. 喺2017年5月12號搵到.
- ↑ [2]
- ↑ "獨家專訪張敬軒：廣州人在香港". （原先內容喺2017年8月24號歸檔）. 喺2017年5月12號搵到.
- ↑ 張敬軒 港漂10年
- ↑ http://hd.stheadline.com/ent/ent_content.asp?contid=37231&srctype=g&int_split_from=1 張敬軒 不如做份政府工
- ↑ "張敬軒". （原先內容喺2017年8月24號歸檔）. 喺2017年5月12號搵到.
- ↑ 張敬軒‧怕夢醒一場空，明報，2008年1月25號
- ↑ 【肺癌期間全心工作】霑叔咳住填詞打氣 軒仔：辛苦程度從未聽過
- ↑ http://eastweek.my-magazine.me/main/30631 說故事的人 張敬軒
- ↑ 張敬軒四月紅館開個唱[失咗效嘅鏈]，東方日報，2008年1月25日
- ↑ 第十一屆廣州傑出青年評選活動特刊 p.18
- ↑ 【世界級，又如何？】內地政府收地 張敬軒五千萬錄音室要拆！
- ↑ http://www.weibo.com/p/1001603880441194147415?from=page_100606_profile&wvr=6&mod=wenzhangmod]
- ↑ http://nextplus.nextmedia.com/news/latest/20160402/380541/%E5%BC%B5%E6%95%AC%E8%BB%92 新錄音室玩懷舊 張敬軒舊錄音室有睡房仲堅
- ↑ http://kicksound.com.hk/avoninterview/ 互聯網檔案館嘅歸檔，歸檔日期2017年7月10號，. 【AVON Remastered】重塑香港錄音殿堂－“AVON”雅旺錄音室專訪
- ↑ http://www.hk01.com/%E5%A8%9B%E6%A8%82/64664/%E5%BC%B5%E6%95%AC%E8%BB%92%E7%AA%81%E8%BD%89%E8%BB%9A%E5%8F%83%E5%8A%A0-%E6%88%91%E6%98%AF%E6%AD%8C%E6%89%8B5-%E7%B6%B2%E6%B0%91%E5%A4%B1%E6%9C%9B-%E9%BB%9E%E8%A7%A3%E5%92%81%E5%86%87%E9%AA%A8%E6%B0%A3 張敬軒突轉軚參加《我是歌手5》 網民失望：點解咁冇骨氣
- ↑ "Sina Visitor System". www.weibo.com. 喺2017-01-30搵到.
- ↑ 張敬軒被消失《歌手》 英皇回應：雙方決定終止合作
- ↑ https://www.hk01.com/%E9%9F%B3%E6%A8%82/73290/%E5%BC%B5%E6%95%AC%E8%BB%92%E6%9A%AB%E5%88%A5%E6%A8%82%E5%A3%87%E5%8E%BB%E8%AE%80%E6%9B%B8-%E8%8B%B1%E7%9A%87-%E6%9C%83%E5%8E%BB%E7%BE%8E%E5%9C%8B%E9%80%B2%E4%BF%AE%E9%9F%B3%E6%A8%82 張敬軒暫別樂壇去讀書？ 英皇：會去美國進修音樂
- ↑ "又一名穿「久保玲」的人！〡張敬軒演唱會海報的Comme des Garçons Spring 2018 頸鏈". （原先內容喺2018年5月17號歸檔）. 喺2018年5月31號搵到.
- ↑ "陳鼎禮與張敬軒曖昧 非常投緣要認契仔". 新浪娛樂. 2010年1月14號. （原先內容喺2014年7月26號歸檔）. 喺2017年11月16號搵到.
- ↑ "張敬軒終極回應 與關智斌緋聞：全屬虛構". 東周網. 2016年10月17號.
- ↑ "【專題】張敬軒古老別墅曝光！想住古蹟有咩計？". 地產站. 2013年5月30號.
- ↑ 容祖兒七不思議MV 訪問
- ↑ 容祖兒 - 七不思議
- ↑ 張敬軒打造皇宮級錄音室面臨拆遷危機 新浪音樂2013年06月05日
- ↑ 張敬軒廣州豪華錄音室遭拆遷政府賠償六成費用 3158財富廣州2013年11月29號
- ↑ 張敬軒錄音室將被清拆開業僅兩年或虧損幾百萬 金鷹網2013年11月29號
- ↑ 選舉揭幕禮 「長毛」博出位 王菀之現場上一課 - 香港文匯報 [2008-07-20]
- ↑ 新城知訊台《還看今天》
- ↑ 黃秋生張敬軒唱《問誰未發聲》 軒仔撐長毛批林鄭
- ↑ 張敬軒被轟「漢奸」 澄清只關心學生
- ↑ 參加《我是歌手5》 張敬軒對決林憶蓮 互聯網檔案館嘅歸檔，歸檔日期2017年2月19號，. - 東方網 [2017-01-09]
- ↑ 邢曉婧 (2017-01-16). "敬軒啊，祖國媽媽的大腿不是你想抱就能抱！". 環球時報. 喺2017-01-30搵到.
- ↑ 周海良 (2017-01-25). "決不允許藝人吃中國飯砸中國鍋". 中國國防報. （原先內容喺2017-01-30歸檔）. 喺2017-01-30搵到.
- ↑ 張敬軒被消失《歌手》 英皇回應：雙方決定終止合作
- ↑ "張敬軒". （原先內容喺2012年5月7號歸檔）. 喺2017年5月12號搵到.
- ↑ 黃秋生讚張敬軒100分:演戲10年的都不及他
- ↑ [3]
- ↑ 張敬軒：用好音樂去治愈觀眾
- ↑ 同容祖兒、鄧紫棋、林俊傑、泳兒、陳偉霆、徐子珊、倉木麻衣合唱
- ↑ 張敬軒宣佈演唱會將喺12月27號夜晚8點喺廣州體育館舉行
- ↑ "黃秋生x張敬軒 EQUUS 全面優先訂票". （原先內容喺2014年1月10號歸檔）. 喺2017年5月12號搵到. 文字" 神戲劇場 "已忽略 (詳情)
- ↑ 蘋果日報 (2017-01-14). "【不斷更新】錄完第一集即被消失！ 傳張敬軒《我是歌手》排名尾二". 喺2017-01-14搵到.
出面網頁改
- 張敬軒嘅Instagram頁
- 張敬軒嘅Facebook頁
- 張敬軒 英皇娛樂網站
- 張敬軒嘅新浪微博（需要註冊）