芳村站

  想搵第二個意思嘅話，請睇芳村站 (搞清楚)。

芳村站（粵拼：fong1 cyun1 zaam6；英文：Fangcun Station），規劃時期嗌過芳村花地站fong1 cyun1 faa1 dei6*2 zaam6（Fangcun Huadi Station），係廣州地鐵1號綫車站，1997年6月28號開放，位置喺荔灣區芳村嘅芳村大道中同花地大道北嘅交界。

芳村 Fangcun
芳村站嘅站名
概覽
位置	荔灣區花地大道北、芳村大道中嘅十字路口交界地底
座標	23°6′5.7″N 113°13′48.6″E
車站色	大理石
經過路線	1
啟站	1997年6月28號
月台數	1
站口數	6
營運資訊
車站服務時間	06:01～00:00
列車服務時間	06:06～23:55
廣州地鐵1號綫 西朗　◄花地灣 （1.3km） （1.4km）黃沙►　廣州東站

呢個站嘅1號綫區域曾經係亞洲最長嘅地下車站，全長689米。

結構

樓層

打掂

地下 一樓	站廳	站廳、售票機、萬象商業街
地下 二樓	月台	←1號綫列車去花地灣站（行西朗嗰邊）
	島式月台，開左邊門
	月台	1號綫列車去黃沙站（行廣州東站嗰邊）→

打橫

芳村站嘅站廳

芳村站嘅月台

柱上啲字

站廳

芳村站嘅收費區喺站廳嘅中間偏西嘅位，而東邊係人行通道。車站嘅商舖都喺嗮站廳嘅東西兩邊，而自助服務喺站廳嘅南北兩邊。而收費區有好多部扶手電梯同樓梯往返月台。而專用𨋢喺車站嘅北邊免費區域入面，乘客如估有需要嘅話，可以向車站嘅工作人員查咗車飛之後嚟協助用。

月台

呢個站有個島式月台，喺花地大道北同芳村大道中嘅交界地底，芳村大道高架嘅東邊。

商鋪同自助服務

而家嘅芳村站入面有好多唔同類嘅鋪頭畀乘客買嘢同埋食嘢，好似有便利檔、麵包檔、書檔同洗衫舖等。

另外，芳村站入面重有好多自助服務設施畀乘客用，包括咗建設銀行嘅自動櫃員機、自動販賣機、自動影相機等；重有充羊城通，交水電費同交通嘅罰錢、查地鐵路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品都得嘅自助服務。

商鋪 7-Eleven 日閱堂 美心西餅 天天洗衣

自助服務 自動影相機 自動販賣機 中國建設銀行自動櫃員機 好易（Hotye）多媒體自助服務終端 M-Touch地鐵資料查詢

出入口

芳村站冚唪唥嘅出入口
A1出入口 A1出入口  B2出入口 B2出入口  C出入口附近 C出入口附近  D出入口 D出入口  A2出入口 A2出入口  B1出入口 B1出入口

呢個站有6個出入口。分別係A、B、C、D，其中A同B出入口各有2個。喺車站南邊重有條通道去到萬象商業街，跟住去到花蕾路同花地大道北以南嘅地區。

冧巴	標記	方位	去到邊度
出入口A1	花地大道北	東南（東）	花地大道北、芳村大道中、廣州市機電技師學院、芳村(東行)巴士站
出入口A2	花地大道北	東南（南）	花地大道中、窩嘜芳村店
出入口B1	花地大道北	東北（北）	花地大道北、珠江隧道、芳村隧道口（北行）巴士站
出入口B2	陸居路	東北（東）	陸居路、芳村大道東、芳村（西行）巴士站
出入口C	花地大道北	西北	花地大道北、芳村大道中、廣汽本田芳村店、廣東芳村茶業市場、珠江隧道口（南行）巴士站、花地巴士站
出入口D	芳村大道北	西南	花地大道北、芳村大道中、黃大仙祠、醉觀公園、廣東省中醫院芳村醫院、花地灣巴士站、花地巴士站
註： 有盲人引導徑 | 有輪椅升降臺

頭尾班車信息同配線圖

配線圖
█ 1號綫 ▲黃沙站
	珠江
▼花地灣站

行去邊頭	頭班車	尾班車
每日
1號綫
西朗站	06:25	23:55
廣州東站	06:06	23:00
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

1號綫

喺1987年嘅「十字線網」規劃入面出現咗而家嘅芳村站出嚟

規劃

喺1987年，嗰時嘅廣州市人民政府準備引入德國資本嚟起地鐵，份方案出咗好多個版。嗰時嘅方案1出咗而家1號綫嘅樣。而西南邊嗰橛整咗個芳村花地站嘅車站，位置喺而家呢度。後嚟地鐵方考慮呢個站嘅所屬地區喺芳村入面，加上準備入場施工時考慮到附近啲巴士站都係嗌「芳村站」而改成芳村站嘅名。

施工

到咗1994年8月份，1號綫全路線段正式開始逳手起，嗰時廣州係第一次起地鐵，要搞試驗段重確定將來嘅發展。而車站起到1997年初封咗頂。

開通

1997年6月28號，1號綫首通段通車之後，呢個站嘅1號綫區域正式開放。

11號綫

2017年8月14號，11號綫重喺度起緊。

規劃

1997年份《廣州市城市快速軌道交通線網規劃研究（最終報告）》嘅B方案出現咗嗌「5號綫」嘅環線，經芳村大道兼喺芳村站停，但嗰時屬1987年方案嘅2號綫一分為二之後嘅產物，後嚟由於5號綫向北移到經珠江大橋同環市路一帶之後而唔再經過呢個站。直到2008年，嗰時規劃8號綫嘅方案雖然維持拆走嗰時嘅2號綫南段（曉港⇄萬勝圍）揀咗大環方案時，亦經過呢個站，但因為喺琶洲地區要拆畀第啲路線又拗咗一餐，直到2010年份規劃方案話唔拆解。雖然車站位置冇變到，但規劃路線改成11號綫重將成條環整大咗。份規劃直到2015年7月先至最後決定搞成噉。

施工

• 2016年9月28號，11號綫正式動工時亦開始起呢個站。

利用狀況

呢個站主要畀去芳村附近地區（尤其係黃大仙附近）啲人上落。喺1號綫開通咗無耐，呢個站重冇乜人流，啲人唔係坐船就係坐巴士出芳村。客流直到1999年6月28號嘅成條1號綫開通嗮之後先至多咗起身，佢重解決咗點解芳村來回珠江河北地區成日凈係坐船或巴士呢啲嘢。而家人流都好多下。

喺農曆新年或黃大仙誕嗰陣，個站都幾逼下，由於呢個站冇幾遠就係黃大仙祠，所以有好多人成日嚟呢個站落車，跟住去黃大仙祠度上香。

高峰客流控制

呢個站嘅高峰客流控制時間係：星期一至星期五（工作日）8：00~8：45

附近嘅建築同景區

白鵝潭風情酒吧街

芳村碼頭

黃大仙祠

醫院

• 荔灣區人民醫院芳村分院
• 廣州市腦科醫院（廣州市精神病院）
• 廣州女子醫院

學校

• 康有為小學
• 廣州市花地中學

特色街道

• 廟前直街
• 白鵝潭風情酒吧街

公園

• 醉觀公園

道觀

• 廣州黃大仙祠

碼頭

• 芳村碼頭

商場

• 金逸影城森多利店
• 芳村萬象購物街

工廠

• 芳村糧食加工廠

體育場

• 花力會

上一站·下一站

上一站⇚⇚　　　　廣州地鐵　　　　⇛⇛下一站
花地灣站 西朗站←	芳村站 1號綫	黃沙站 →廣州東站
芳村大道東站 逆時針←	芳村站 11號綫	石圍塘站 →順時針
提醒：雖然話11號綫已經確定咗係噉行，但係佢重起緊。