荷葉飯

荷葉飯係廣東點心嘅一種。製法係用新鮮荷葉包住香米，入面放魚、雞肉、冬菇等餡料，蒸熟而成。

荷葉飯

荷葉飯嘅歷史悠久，明末屈大均《廣東新語》中記：「東莞以香粳雜魚肉諸味，包荷葉蒸之，表裏香透，名曰荷包飯。」而相傳喺更早嘅南北朝時已開始有用荷葉包住米飯嘅做法。

荷葉飯所用嘅餡料無一定，而家一般飲茶時通常用「鮮蝦荷葉飯」作招徠，以蝦配合荷葉嘅香味。

同糯米雞唔同，荷葉飯用嘅唔係糯米，而係普通粘米或絲苗米。此外，好嘅荷葉飯要有荷葉嘅清香，因此宜用新鮮嘅荷葉。