華南師範大學附屬中學

(由華師附中跳轉過嚟)

 華南師範大學附屬中學粵拼waa4 naam4 si1 faan6 daai6 hok6 fu6 suk6 zung1 hok6 ,簡稱華師附中waa4 si1 fu6 zung1)或華附waa4 fu6),文革期間嗌過廣州市第61中學,開辦無耐嗌過格致書院gaak6 zi6 syu1 jyun2),係中國廣東嘅一間名牌中學,喺1888年開辦,位置喺廣州市天河區中山大道西1號。

華南師範大學附屬中學
勤奮 嚴謹 求實 創新
地址
校本部:廣州市天河區中山大道西1號
國際部:廣州市天河區中山大道西1號奧校樓
明細
校本部:省立中等學校
校國際部:民辦中等學校
分校:民辦中等學校
校訓勤奮 嚴謹 求實 創新
成立1952年合併出嚟
最早喺1888年
校區中國 中國廣東省廣州市
校本部:
 初中三年(奧林匹克班)
 高中三年
校國際部:
 高中三年(AP大學先修課程班)
一年IFY英澳預科班
學生人數初中部:每級2個班
高中部:每級11個班
校刊《聚清園》
其它書刊《飛絮》
電話校本部:86-020-38630561
國際部:86-020-38630695
網站
  呢篇文講嘅唔係華南師範大學附屬初級中學
搞清楚呢篇嘢講嘅係1952年中國高校院系調整咗之後合併出嚟嘅附屬中學。
  「華師附中」跳轉到呢度。有關華師附中屬下嘅民辦學校,請睇「華師附中 (搞清楚)」。

佢嘅校本部係成個廣州中考最難考嘅一間學校[1],亦係全省最有名嘅一間。

校服色 編輯

華南師範大學附屬中學嘅校服

呢間學校嘅校服色係呢啲品種:

  • 長袖: ,少部分係  
  • 短袖:大多數係 ,有少部分係    嘅漸變

編輯

呢間學校從開始成立一直到而家為止,經歷咗幾次改名同合併嘅變遷。其實呢間學校最早嗰時,可以追溯到1888年由美國長老會傳教士——安祖哈帕Andrew Patton Happer)醫生喺廣州嘅沙基金利埠(而家係六二三路)搞嘅格致書院。不過有部分校友話呢間學校嘅成立時間有得拗,佢哋話喺1952年搞嘅學校,而唔係1888年嘅所謂「格致書院」。[2]而嗰部分校友就話嶺南大學搞中學教育時間係同佢哋講嘅歷史有啲拉臣,但實際嶺大附中傳承嘅係格致嘅預科部,而大學部係後嚟先有嘅嘢。

格致書院 編輯

初期 編輯

喺1844年,嗰時嘅賓夕法尼亞大學醫學院畢業生——安祖哈帕喺1844年嚟咗中國之後就唔搞行醫,而係發展中國教育。[3][4] 喺1886年4月30號就喺美國紐約州紐約市曼克頓嘅中央街23號搞咗間學校董事會嚟辦學校。哈帕原先諗住喺北京上海度搞間學校,但由於嗰時400位廣東官員同鄉紳、學者一齊寫咗份請願函,結果哈帕就應承咗。就喺1888年,哈帕喺廣州嘅沙基金利埠嗰度搞咗間嗌「格致書院」嘅學校。而間學校喺1888年3月28號正式開課。[5][6],喺嗰時一個學年凈係得半年到。[6]不過到咗1890年8月20號就冇繼續辦落去,因為哈帕夫婦兩公婆都病咗,加上學校冇乜老師人手響度。[6]

學校重新開辦,同培英搞過拍檔。 編輯

 
1900年嗰時嘅格致書院全體學生嘅相

哈帕喺1901年返咗去美國同董事會開咗個會,諗住搵多啲單位喺其他城市搞返間學院,結果一直都係肥佬咗。就係噉,董事會先至喺1892年10月4號喺廣州嗰度重新恢復間學校。香便文就將格致書院同長老會屬下嘅寄宿神學學校——培英書院(而家係廣州市培英中學)合併咗,就喺原先培英嘅所在地——花棣(而家係芳村花地嗰帶)聽松園嗰度搞返間學校,而學校合併咗之後,名重係冇變到。[7]而新嘅學校俾美國紐約州教育部門——USNY[8]批准咗辦學,但除非特定條件係俾USNY同意咗,唔可以發學位出嚟。[9]。 到咗1894年,書院正式開始複辦,後嚟董事會秘書兼司庫——威廉亨利格蘭William Henry Grant)喺1897年春嚟咗廣州之後新嘅學校傾向神學,搞到大學部冇學生嚟上課。為咗繼承格致書院嘅目標先至喺1899年,呢間學校同培英分咗家。嗰時格致書院就搬到廣州嘅四牌樓福音堂(而家係解放中路中山六路惠福西路之間一帶)嗰邊。嗰時雖然書院冇乜錢,但由於格蘭成日向出面厝錢,甚至捐嗮冚唪唥啲錢嚟辦學都有。[7]

學校搬到澳門 編輯

1900年,由於發生咗庚子事變,搞到學校一定要搬去澳門甚至租荷蘭園二街嘅張家花園嚟搞學堂先至得。[6][4]喺1903年3月31號,學校改名做「岭南學堂」[10][7]。喺澳門辦學嗰時,嗰時陳廷甲考咗去西點軍校變咗第一個喺呢間學校畢業嘅中國人。而1904年,學校重喺珠江南邊嘅康樂村嗰度買咗嚿地返嚟,結果學校喺嗰年10月正式開課。[4]呢間學校本嚟諗住搞間大一部嘅,但由於學生太少先至冇搞到。[11]

中大附中時期 編輯

喺1905年6月,由於兩廣速成師範館成立咗,之後就改名做「兩廣師範學堂」。第二年又改名做「兩廣優級師範學堂」,而學校就喺廣東舊貢院(而家係廣東省立中山圖書館廣東實驗中學廣東省博物館越秀分館一帶)。後嚟喺1910年7月搞咗間附中。1924年6月9號,孫中山大總統嘅身份,嗌咗鄒魯做校長,將廣東高等師範學校、廣東公立法政大學、廣東公立農業專門學校三間學校合併咗,變成國立廣東大學。而附中又改名做「國立廣東大學附中」。

喺1925年3月12號孫中山死咗之後,廖仲愷將廣東大學改名做中山大學,結果嗰年10月俾國民政府批准咗。1926年7月17號正式改名做「國立中山大學」,變成廣東嘅最高學府。而附中就畀咗廣東省教育廳嚟睇住,甚至重改埋名做「省立中山中學」。喺1927年7月就畀返大學嚟睇,學校又改咗嗌國立中山大學附中。而學校校址就喺惠愛東路(而家係中山四路)嗰頭。但喺廣州淪陷咗之後,學校就停辦。中山大學喺1941年搬到坪石嗰時又搞返間附屬中學出嚟,由中山大學師範學院睺實。喺日本仔投降之後先至搬返廣州嘅惠愛東路嗰頭。

喺1950年,由於中華人民共和國教育部將呢間學校充公,結果「國立」兩個字冇咗,甚至連附中都改埋名。

廣東文理學院附中 編輯

1921年10月12號,由於之前嘅師範學校啲畢業生已經唔啱嗰時嘅小學老師需求,廣州市教育局先至喺雙門底粵秀書院舊址搞咗間師範中學。甚至喺1923年秋將原有嘅舊制師範班改成初中三年級,同時重搞埋中學部。

1934年,嗰時做緊廣東省主席嘅陳濟棠,為咗記得中國國民黨元老古應芬,先至將廣東工業專門學校同廣州市立師範學校合併成廣東省立勷勤大學,而之前嘅廣州市立師範學校同佢嘅師範學院,附中都改埋名做廣東省立勷勤大學師範學院附中。1935年3月又改名做教育學院,甚至連附中都改埋名。而抗日戰爭爆發咗之後,學校搬到開平嘅蘆村嗰邊。而勷大喺1938年9月解咗散之後,教育學院單獨變成廣東省立教育學院,附中都改埋名,而學校搬到開平嘅百合圩入面。1939年8月,廣東省立教育學院改咗嗌省立文理學院,甚至連附中都改埋名,而學校就搬到韶州(而家係韶關)嘅乳源嗰邊。甚至喺1939年底搬到連縣東陂。1944年,附中又獨立變成省立粵秀中學。直到抗戰勝利之後,學校又再一次搬到惠陽豐湖嘅省立惠州中學嗰度。1946年,省立文理學院又搬返到廣州河南嘅石榴崗嗰邊無耐又恢復返附中出嚟。

1950年,由於中華人民共和國教育部將呢間學校充公,結果「省立」兩個字冇咗,甚至連附中都改埋名。

華南聯大附中 編輯

私立廣東國民大學附屬中學 編輯

 
舊時私立廣東國民大學附屬中學嘅一間教學樓(越秀區惠福西路嗰邊)

喺1925年,嗰時做緊廣東省財政廳長陳其瑗辦嘅私立廣東國民大學嘅中學部,而校址就喺惠福西路廣東省人民醫院惠福分院隔籬。喺抗日戰爭嘅廣州淪陷嗰年,國民大學嘅大學部搬咗去開平嘅樓岡鄉,而中學部就搬咗去台山,雖然猛咁俾日本仔喺度搞搞震,但係學校重喺開平。後嚟因為戰事嘅發展而搬到茂名陽春等地。直到日本仔投咗降之後先至搬返廣州嗰頭。

私立廣州廣大中學 編輯

而私立嘅廣州大學喺1927年開辦之後嘅第二年就喺廣州嘅天香街(而家嘅小北路法政路口)搞咗間附屬中學,後嚟又喺港澳同台山搞咗間廣大中學分校。廣州淪陷之前,私立廣州大學就搬到香港。直到香港淪陷之後又先後搬到曲江羅定連平興寧等地。直到日本仔投咗降之後先至搬返廣州嘅東橫街(北京南路嗰邊)重新搞返。喺1949年10月1號嘅中華人民共和國成立咗之後,廣州軍管會接咗私立廣州大學嘅辦學權。

私立廣州法學院附屬中學 編輯

1913年,廣州律師公會喺文德路搞咗間私立廣州法政專門學校(唔冇同1924年同國立廣東大學合併咗嘅廣東公立法政專門學校搞亂)。之後喺1929年改名做私立廣州法學院。到咗1932年8月就搞咗間附屬中學出嚟,而校址喺而家文德路69號。喺抗日戰爭嗰時停辦咗,直到日本仔投咗降之後先至搞返出嚟。

四間學校嘅合併 編輯

到咗1951年2月,私立廣州大學、私立廣東國民大學、私立文化大學、私立廣州法學院呢4間私立高校一齊合併,變成華南聯合大學。而入面幾間附中都合埋一齊,嗌咗「華南聯大附中」。到嗰時為止,呢4間學嘅附屬中學都冇嗮。直到1952年因中國高校院系調整,之前嘅嶺南大學附中、中山大學附中、華南聯大附中、廣東文理學院附中呢四間中學都合埋一齊,組成華南師範學院附中出嚟。而四間學校合併咗之後,學校嘅高中部都喺嗮廣州市東山區(而家係越秀區)嘅文明路嘅中大附中嘅學校(而家係廣東實驗中學嗰頭)入面辦,而初中部就喺永漢路(而家係北京路)嘅仰忠街入面嗰度搞。

而家喺中山大道西嘅華師附中校本部,其實之前係1956年8月成立嘅華南師院附中石牌分校。而華南師院附中校本部搬到石牌嗰時係1958年8月嘅事,嗰時石牌分校已經幾有規模吓,後嚟無耐石牌分校就取消咗,原嚟嘅校本部就變成華南師院附中廣州分校。其實呢間學校喺1960——1961年改過一次名做「廣東科技學院附中」。

喺四間中學合併之前,至少有三間係嗰時廣州市比較出名嘅中學。[12]合併咗出嚟嘅學校之後嘅華附,一直係成個廣東省入面比較出名嘅重點中學,嗰時嘅出名程度凈係得佢一間。

分拆成幾間中學出嚟 編輯

喺1952年嘅幾間中學合併嗰時,得一少部分之前中山大學附中同嶺南大學附中嘅老師跟住中山大學搬走而另外搞咗間中山大學附屬學校出嚟。而文化大革命期間就改名做廣州市第六中學之後一直冇再改返之前嘅名。而中大附校重新搞返中學部係1999年嘅事。而家嘅中大附中係1993年成立嘅民辦中學。

喺1962年7月,華南師院附中廣州分校就改名做廣東實驗學校,變成另一間獨立嘅學校。而華師附中喺文革因破四舊思想影響而改名做廣州市第六十一中學,直到1983年3月改返同之前嗌過差唔多嘅名——華南師範大學附屬中學[13][14]

學校全面改革 編輯

 
而家嘅華南師範大學附屬中學本部正門,喺2007年6月9號影。

到咗1990年代,由於華附攞到好多錢返嚟,先至將學校搞過大規模嘅更新。首先係填平咗學校嘅湖同埋拆嗮學校周邊嘅工廠同商舖,而崗頂樓就變成辦公樓,紅樓變成聚清園,學校附屬醫院就變成奧校樓……。喺嗰時,學校未裝修之前嘅大樓喺1990年代開始就 消失嗮,除咗少部分嘅建築搞過大規模嘅翻新。

開辦番禺、南海、新世界分校 編輯

到咗2001年,華南師範大學附屬中學就喺番禺嗰邊,同合生創展嘅地產商一齊搞咗間華師附中番禺分校嘅民辦學校出嚟。後嚟喺2002年開始,又搞咗佢嘅南海實驗高中、新世界學校同佢嘅國際基礎課程中心,2006年甚至喺汕尾嗰邊搞咗間分校。如估唔講清楚,街坊大多數講嘅「華南師範大學附屬中學」都喺中山大道西入面嗰間。

開辦國際部同先修班 編輯

呢間學校嘅國際部方面,就喺華師附中本部嘅奧校樓入面,喺2004年由華附同英國北方大學聯合會一齊搞嘅一年制IFY英澳預科班,重喺2009年3月俾美國大學理事會授權批准而開辦嘅美式高中班。而先修班喺2014年9月份先至開始搞。

廣東省奧林匹克學校 編輯

除咗喺一般嘅中學教學道攞到好成績之外,華師附中亦係廣東省奧林匹克學校嘅所在。華師附中喺校本部取消普通初中教學之後,衹保留初中奧班,教學地點設喺奧校樓。高中部亦設有奧林匹克班。廣東省奧校生源來自全省,初中部一、二年級主要搞數學奧賽培訓,初三同高中就有數學、物理、化學三個組,目標係喺全國賽同埋世界奧賽裡面攞獎。另外廣東省奧林匹克學校重包括生物地理信息學競賽嘅培訓。

華師附中學生多次喺全國同世界奧賽道攞獎,有60幾人次入到國家中學生奧林匹克集訓隊。攞過國際奧賽金牌18枚,銀牌8枚,銅牌3枚[15]

舊生 編輯

校園文化同生活 編輯

校刊 編輯

華師附中嘅校刊係《聚清園》,個名得自本部校園中心區嘅標誌性建築。

青春旋律藝術節 編輯

華師附中每年12月會喺學校體育館搞青春旋律藝術節,並且通過喺網絡道提供全球直播服務。會有好多華附嘅學生喺藝術節上面表演。華附嘅青春旋律藝術節係中國國內第一個提供網上直播嘅中學大型校園文化活動。

睇埋 編輯

編輯

  1. 睇呢5個連結:
    2008-2011广州中考华师附中录取分数线
    2012年广州市普通高中学校提前批录取分数公布 中考网(广州)
    2013广州市示范高中中考录取分数线 互聯網檔案館歸檔,歸檔日期2014年4月11號,. 卓越教育广州中考频道
    2014年广州中考录取分数线汇总 南方网 (2014-07-10)
    從以上呢啲連結可以話自2008年嚟,呢間中學嘅錄取分數綫喺每屆中考都係最高嘅。但其它附屬學校就唔係噉。
  2. http://club.edu.sina.com.cn/thread-344750-1-1.html
  3. 岭南通讯 Lingnan Newsletter 第74期,1973年[失咗效嘅鏈]
  4. 4.0 4.1 4.2 "Szto Wai: Portraits of Lingnan University 1937-1944". 原著喺2009年3月12號歸檔. 喺2015年4月27號搵到.
  5. "History and Development of Lingnan University". 原著喺2010年4月16號歸檔. 喺2015年4月27號搵到.
  6. 6.0 6.1 6.2 6.3 Charles Hodge Corbett, "Lingnan University, a short history based primarily on the records of the university's American trustees", New York, Trustees of Lingnan University, 1963
  7. 7.0 7.1 7.2 岭南通讯 Lingnan Newsletter 第6期,1955年[失咗效嘅鏈]
  8. 唔冇同紐約州立大學搞亂,呢度講嘅係紐約州教育廳屬下嘅一個部門
  9. USNY Chancellor Anson Upson 1893年12月13號嘅信件
  10. 有第個講法係喺澳門嗰時凈改咗英文名而冇改中文名,而「嶺南學堂」嘅中文名喺學校搬返咗廣州之後先至開始用。
  11. 岭南通讯 Lingnan Newsletter 第16期,1958年[失咗效嘅鏈]
  12. 校長吳穎民係呢間學校成立120周年校慶嗰時嘅講話
  13. 名校巡礼: 走进华师附中
  14. 华南师大附中沿革一览表 华南师范大学附属中学
  15. . 2010年6月26號. 喺2015年10月25號搵到.

出面網頁 編輯