葛來分多英文Gryffindor),係J·K·羅琳嘅奇幻小說系列《哈利波特》入面,霍格華茲嘅四大學院之一[1]。呢個學院由高錐客·葛來分多創立,代表顏色係紅色金色(領呔同頸巾係栗色同金色),代表動物係獅子,以勇氣仗義嚟做招生條件。葛來分多嘅學院導師係變形學教授兼副校長麥米奈娃,之後她做咗霍格華茲嘅校長,而學院幽靈係花名「差啲無頭嘅尼克」嘅尼古拉斯·德·明西-波平頓爵士。根據羅琳嘅說法葛來分多學院大致係對應四大元素入面嘅[2]

葛來分多徽章
葛來分多學院徽章
葛來分多
學院創立者 高錐客·葛來分多

學院代表物 金獅
學院顏色
葛來分多所屬顏色與圖案。
葛來分多所屬顏色與圖案。
紅色金色
學院院長 米奈娃·麥

選擇學生方式 勇氣、氣魄同騎士精神

葛來分多學院培養咗許多出名嘅巫師例如校長阿不思·鄧不利多同埋副校長麥米奈娃,仲有小說入面嘅主角哈利·波特妙麗·格蘭傑,同榮恩·衛斯理。《哈利波特》系列小說同電影嘅主軸環繞住葛來分多嘅角色展開,裡面嘅好多學生都加入咗鄧不利多的軍隊同鳳凰會嚟抵抗佛地魔同食死人包括咗主角哈利·波特同埋佢父母就話唔晒驚有男孩會入學分多和鳳凰社成员。

特質

編輯

葛來分多學院嘅價值觀著重勇氣嘅特質,仲有「膽識、氣魄同騎士精神」。呢個學院嘅巫師同女巫雖然有時莽撞,或者脾氣暴躁,但大部分都勇敢仗義仲有成就。

按照非尼呀·耐吉·布萊克所講,其他學院(特別係史萊哲林學院)嘅人都認為葛來分多學生有時會搞「毫無意義嘅英雄主義」。賽佛勒斯·石內卜亦都曾經話葛來分多自以為是同傲慢,而且無視紀律。事實上葛來分多同史萊哲林兩個學院自成立嘅初期就激烈對抗,而兩個學院嘅創辦人高錐客·葛來分多同薩拉札·史萊哲林甚至因為後者嘅純種優越主義而反面。

喺史萊哲林學院嘅角度嚟睇,哈利同其他葛來分多嘅學生有時喺魁地奇比賽入面贏得並唔公平。例如麥教授為咗俾一年級嘅哈利加入葛來分多魁地奇球隊,俾佢擁有飛天掃把,但係一年級新生係唔准擁有掃把;喺1991-1992學年,鄧不利多校長喺學期尾嘅結業宴會嘅最後一刻幫葛來分多加咗十分,但係無扣除果晚違反校規嘅分數,俾佢哋嘅分數超過史萊哲林學院仲贏到學院盃。

其他學院嘅學生有時都會認為學校偏心葛來分多嘅學生,例如哈利喺三巫鬥法大賽入面成為咗第四名鬥士果陣,大部分學生都覺得哈利犯規仲搶咗赫夫帕夫學生──西追·迪哥里嘅風頭。但整體嚟講,雷文克勞赫夫帕夫嘅學生都係會企喺支持葛來分多果邊,將史萊哲林睇成為對手;葛來分多喺1991-1992學年贏咗學院盃果陣,雷文克勞同成為最低分嘅赫夫帕夫學院嘅學生同葛來分多一齊好高興咁將頂帽拋向空中,只得沉默嘅史萊哲林學院學生格格不入。另外,喺第二次巫師大戰果陣,鄧不利多的軍隊嘅成員都係嚟自葛來分多、赫夫帕夫同雷文克勞學院,史萊哲林學院嘅學生一個都無。

位置

編輯

葛來分多嘅交誼廳喺霍格華茲城堡入面其中一座最高嘅塔樓(葛來分多塔)入面,而入口喺東城堡嘅七樓,由一幅個身著粉紅色絲綢長裙嘅的肥女士的油畫守衛,佢淨係會俾通關密碼啱(成日變)嘅人入去,例如奈威·隆巴頓喺《神秘的魔法石》入面唔記得密碼,就一定要喺油畫附近等,直到其他葛來分多嘅師生返嚟為佢開路;喺《阿茲卡班的逃犯》,當天狼星·布萊克試吓夾硬入去塔樓果時,因為俾唔到啱嘅密碼而俾肥女士阻止佢入去。

肥女士油畫背後通去葛來分多交誼廳。葛來分多嘅交誼廳係一個好舒服嘅圓形房,牆上面掛有肖像,仲有一個壁爐,學院嘅成員可以喺呢度讀書、聚會或者休息。交誼廳裡面有兩個階梯台階,分別通向男女生嘅睡房,通向女生睡房嘅台階上有防止男生入去嘅符咒,不過創辦人相信女生更加可靠,因為咁通去男生睡房嘅階梯無防止女生入去嘅符咒,女生可以隨意入去。

相關物品

編輯

葛來分多嘅傳承物品係葛來分多劍。呢把寶劍由妖精製造,係高錐客·葛來分多嘅遺物。葛來分多寶劍淨係會喺真正傳人嘅面前出現,但傳人並唔係淨係指佢嘅後裔,亦都包括咗佢學院裡面嘅學生,當展現到足夠嘅勇氣果陣,呢把寶劍就會出現喺果個學生面前,例如哈利·波特奈威·隆巴頓

代表人物

編輯
  1. 大衛·巴格特、蕭恩·克萊因 (2006年9月). . 臺北: 麥田出版. ISBN 978-986-173-124-7.
  2. Rowling, J.K. (10 August 2015). "Colours". wizardingworld.com (英文). 原先內容歸檔喺2023-01-27. 喺1 March 2022搵到.