董嘉儀
董嘉儀（英文藝名：LuLu，花名：大埔Lulu、燈神，英文原名：Nicole[4]，1993年8月4號—）係香港now TV節目主持人、兼職模特兒同埋香港地區足球會大埔足球會嘅足球大使，屬505聯合製作（505 United）旗下嘅一分子。
| 董嘉儀 | |
|---|---|
 董嘉儀響SEGA創造球會盃賽，MegaBox（2014年9月13號） | |
| 女藝人 | |
| 羅馬拼音 | Tung Ka-Yee |
| 英文名 | Nicole、Lulu |
| 花名 | 大埔LuLu |
| 國籍 |  中國（香港） |
| 出世 | 1993年8月4號[1].svg){kind=small} 英屬香港 |
| 屋企 | 香港 |
| 職業 | 模特兒、主持 |
| 語言 | 粵語、英文、國語 |
| 教育程度 | 高級文憑 |
| 母校 | 嶺南大學香港同學會小學[2] 香港青年協會李兆基小學 天水圍循道衛理中學[3] 香港酒店旅遊學院 |
| 出道地 | 香港 |
| 出道日期 | 2010年 |
| 活躍年代 | 2010年到而家 |
| 經紀公司 | Zmodel.com Unique Model Limited Pure Models 屬505聯合製作（505 United） Sunny Idea（2017年3月至2022年） |
| 相關團體 | Lady_R |
簡歷
編輯董嘉儀有香港酒店旅遊學院高級文憑，讀緊書嗰陣已經做兼職模特兒。
2010年，董嘉儀做咗賣運動器材產品嘅「FitBoxx元氣館」代言模特兒，而「FitBoxx元氣館」就做咗嗰時香港甲組足球聯賽地區球會大埔足球會新贊助商，所以董嘉儀就做咗大埔足球會嘅足球大使，喺每場大埔有份打嘅港甲賽事入面打氣同派宣傳嘢，又做過大埔球會官方月曆嘅主角，所以畀人叫做「大埔Lulu」，開始有唔少香港球迷識得佢。教過大埔嘅張寶春，更大讚Lulu加入大埔咁耐以嚟，每次有賽事舉行，都一定出席支持同打氣，大大刺激咗場內同場外嘅士氣，更成功令大埔球迷更有凝聚力，Lulu功勞好大。
大埔補時降班，激動落淚
編輯2013年5月4號，香港甲組聯賽出現前所未見嘅「護級生死大亂鬥」，大埔要同太陽飛馬、橫濱FC(香港)、公民及日之泉JC晨曦，都一定要贏波，至可以護級成功，留喺甲組。香港足總亦破天荒將4場重要大戰，喺同一時間，喺唔同嘅球場舉行。大埔作客小西灣運動場，迎戰橫濱FC(香港)。Lulu帶領大埔球迷打氣，令場內氣氛升溫。90分鐘，因當時公民同埋晨曦都贏波，護級成功，令大埔同橫濱FC(香港)，將肯定有一隊降班。安達為大埔射成2:1，Lulu同大埔球迷一度興奮慶祝，點知短短1分鐘之後，被主隊嘅福田健二門前射入，扳平2:2，令大埔喺最後一刻，宣告護級失敗，乙組再見。Lulu喺賽後泣不成聲，但亦喺訪問中揚言，會全心全意繼續為大埔打氣，睇大埔嘅比賽，一日係大埔Lulu，一定唔會離棄大埔。2013/14年度乙組聯賽，大埔表現出色，Lulu亦真係有口齒，盡量出動為大埔打氣。
變成「燈神」－捧邊隊，邊隊輸
編輯Lulu由2011年開始，幫「波波池」做足球大使，最初著起波衫影相，做賽事預告，其後更喺每個星期推出Video版本嘅大戰預告，惡搞當時流行嘅話題，作為Video題材，包括「十四巴港女」、「吃漢堡包的女朋友」、「朗誦示範」等等。Lulu生動又鬼馬嘅演出，令「波波池」瀏覽及Like人數急劇上升。家陣「波波池」嘅Like人數，已經突破90,000人。
Lulu喺大部份影片中，都會着上同賽事有關嘅球隊波衫，但喺2013年，佢嘅推介經常出事，強如佢嘅愛隊阿仙奴，或其餘班霸包括曼聯、曼城、車路士、利物浦、皇家馬德里、巴塞隆拿、拜仁慕尼黑等，無一隊倖免。只要Lulu着上佢哋嘅波衫，球隊即輸，着邊隊，邊隊輸。因而被網民稱為「燈神」，即係話佢「燈死」晒啲球隊，買波嗰陣就買Lulu愛隊嘅對手，「買對面」。好彩，佢喺2013/14年度嘅歐聯十六強首回合，力挽狂瀾，貼中晒2月18號同2月19號嘅巴塞隆拿、巴黎聖日耳門、拜仁慕尼黑同埋馬德里體育會，全部作客贏波，總算一吐烏氣，但佢仍然係唔少賭波人士嘅「明燈」。
喺2014年FIFA世界盃第一輪，Lulu推介咗克羅地亞同埋西班牙兼着埋佢哋嘅波衫，結果兩隊都分別以1-3同1-5慘敗畀巴西同荷蘭。其後英格蘭同埋日本都同樣避唔過呢個「Lulu效應」，喺第一場小組賽事輸畀對手，令人對佢更加深信不疑，係指路明燈。其後推介德國贏葡萄牙2-1，Lulu一講出貼士好多人都覺得德國今次實死冇生，但最後德國以4-0大炒葡萄牙。雖然唔中波膽，但大部分人留言Lulu終於「破燈」。不過有傳由於Lulu鍾情德國，所以係德國對葡萄牙期間着住葡萄牙波衫「邪」住葡萄牙，令「破燈」說法存疑。
榮封高登女神 做埋MV女主角
編輯Lulu人氣急升，香港高登討論區更侵埋佢玩，候選「第二屆高登女神總選」，結果Lulu得到30票，當中7票屬於首名票數，以70分，成為第12位嘅高登女神。Lulu更獲得「Cool魔」張智霖嘅邀請，聯同另外五位高登女神：謝安琪、陳法拉、杜小喬、黃美棋同埋魯芬，參與《你是如此難以忘記》MV製作，係Lulu首個擔任女主角嘅音樂MV。
《球分》VT GO深入民心
編輯Lulu嘅電視生涯，最早係喺有線電視球彩台《英超有局》做嘉賓，後嚟亦喺now TV嘅互動遊戲節目《撳錢》做嘉賓。2013年8月，佢正式同now TV簽約，做now 101台《球分》嘅節目主持，負責問問題，佢嘅「VT Go！」口號，更成為她嘅標誌。《球分》節目結束之後，Lulu喺now TV主持《巴克萊英格蘭超級聯賽》開波前嘅預告賽事環節。
負面新聞
編輯自成名後，佢嘅背景就被起底。最轟動嘅莫過於被網民發現佢影過裸照。其後，佢喺社交網站表達感受。到2014年中，愈來愈多網民指佢借足球上位，特別係大埔足球隊同阿仙奴。有人更喺Facebook成立一啲反lulu專頁，指佢經常唔接受批評，見到負面留言就即刻刪除。到2014年9月，更有反lulu專頁發現佢曾經為自己個胸作出改圖，更俾多間傳媒雜誌報導。
演出
編輯電視
編輯- 《英超有局》嘉賓
- 《撳錢》嘉賓
- 《球分》主持
- 《巴克萊英格蘭超級聯賽》主持
- 2017年：《挑機》（第14集嘉賓）
- 2020年：《暖男爸爸》 飾 BeeBeeBB（第4集）
- 2021年：《最後一屆口罩小姐選舉》（參賽者）
- 2022年：《IT狗》 飾 何姑娘（第4集）
電影
編輯- 2021年：《二次人生》 飾 天心朋友Connie
廣告
編輯短片/微電影
編輯音樂MV
編輯參考
編輯註解
編輯- ↑ 〈想挑戰拍戲 24歲生日想二人世界 「大埔LuLu」董嘉儀男友竟然...〉 (香港中文)。蘋果日報。2017-08-04。原著喺2017-08-06歸檔。喺2022-01-29搵到。
- ↑ 就讀嶺南大學香港同學會小學時的董嘉儀
- ↑ 〈董嘉儀facebook帖文〉。facebook。2015-12-17。
- ↑ 〈【壹週刊】LuLu點解叫LuLu？董嘉儀：我係Nicole〉。蘋果日報。2014年7月21號。原著喺2014年9月3號歸檔。
- ↑ 〈點解Lulu影相咁靚皮膚咁好？因為佢用左喜療疤暗瘡疤痕配方嘅除疤啫喱！塊面無暗瘡印影相都唔洗美圖秀秀啦！ 想唔想同體驗下lulu都用嘅去印啫喱呢？即刻去：http://rsvp.aimedia.hk/projects/hiruscarhk/拎試用裝啦！〉。原著喺2020年8月5號歸檔。喺2014年8月5號搵到。
- ↑ 〈Wehelp劇場版 (買凶殺人)｜Ming仔x Lulu x 泰臣〉。喺2014年8月5號搵到。
{{cite news}}: CS1 maint: url-status (link)