暖男爸爸》(英文Single Papa )係香港電視娛樂ViuTV製作嘅電視劇,預計喺2020年下半年喺ViuTV首播。套劇由鄭中基張可頤Crisel Consunji陳俞希強尼陳子豐駱振偉邵仲衡章尾而文凱玲主演,由戚家基身兼監製、導演同編劇,同埋何劍雄譚靜顏聯合監製。故仔用單親爸爸做主題。

演員一覽

濕碎事

  • 呢套劇係鄭中基自2002年無綫電視劇集《我要Fit一Fit》相隔18年後頭一套主演嘅劇集。據傳媒報道,因為ViuTV原先搵鄭中基主持綜藝節目《辣伙頭》但最後傾唔成,鄭中基參演呢套劇可以算係還ViuTV一個人情[1]
  • 呢套劇女主角原本計劃由方皓玟飾演,後尾因為搵到張可頤加盟,所以就放棄咗方皓玟[2]
  • 呢套劇開拍嗰陣,經常畀傳媒同無綫電視劇集《多功能老婆》比較,話佢係「男版《多功能老婆》」[1][2][3]

參考