蒲崗(Po Kong),或者蒲岡,係香港地方同移平咗嘅村,屬於林氏。村喺香港新九龍東翼,家下黃大仙警署對面馬路個位[1]。舊時係九龍灣海皮,背面靠住個113,即係山仔

編輯

蒲崗個蒲,係指福建莆田,因為佢哋嘅祖先鶴佬。而崗係條村北便背住個崗。所以夾埋叫蒲崗。

地理 編輯

蒲崗喺官富山前,落係九龍灣嘅冲積平地上便,而村就靠個113呎嘅山仔。周圍有涌流入九龍灣。

蒲崗西便有條沙田坳道。西南近有隔坑村,遠啲有衙前,再遠啲有九龍寨城;西有石鼓壟,北沿沙田坳道可以到竹園。東便過涌可以去到元嶺嗰幾條村[1]。之後亦有條蒲崗村道,由村嘅東面,一直向北伸入慈雲山區南便。

編輯

家下維多利亞港,以前係中國南方同南洋海運必經之路。而佢嘅九龍灣,有唔少船停泊。而熟水性嘅福建人來到九龍一帶開村,以為業。

而開村嘅林氏族譜有講,大中祥符元年戊申(1008年),原藉福建莆田,以艚運為業嘅林松堅、林栢堅響佛堂門遇險,浮到去南佛堂山崖甩難。佢哋子孫有經商致富,響九龍彭蒲圍定居,之後搬到大磡窩蒲岡。考古發掘有唔少磁器響呢一帶搵到,好可能同海上貿易有關。

條村南便,1910年代到20年代,九龍灣有填海,變成啟德填地。家下叫呢笪填地北便邊邊,文理書院左近,同埋同村之間一帶,就做新蒲崗,畀彩虹道太子道包住。

條村去到1940代,畀當時佔領香港嘅日本人拆咗,用來加大啟德機場跑道,開帶走雨水,而清水灣道(家下呢段叫彩虹道)起喺渠邊。村個位就沙田坳道尾嘅渠同馬路。之後機場搬南啲,改呢塊地叫新蒲崗,變成工業區同住宅區,原蒲崗就變成新蒲崗一部份。

編輯

  1. 1.0 1.1 Lion Hill Sheet No. 8. War Office. 1924.