蘇惠德
蘇惠德（英文：So Wai Tak, Victor，1972年3月12號—，性別：男），香港裁判法院總裁判官，近年成為國安法指定法官，頒下唔少似乎政治迫害反政府者，以及枉法姑息官員嘅裁決，廣受非議。渠响2021年病危而又快得離奇噉醫返好，引來關於反人道器官移植嘅猜測。[1][2]
簡歷
編輯蘇惠德1996年喺香港大學取得法學士學位，1997年取得法學專業證書並獲大律師資格。1998年起私人執業，2009年被委任為香港裁判法院常任裁判官，2017年獲晉升為主任裁判官。2020年1月3號獲委任為總裁判官。[3][4]
器官移植爭議
編輯2021年10月5號，多間香港傳媒報道蘇惠德正喺瑪麗醫院深切治療部留醫，要靠移植個好嘅心臟來續命。香港長期有大把人排緊隊等做爾種手術，然而屍心捐贈供不應求。2021年12月30號，升旗易得道話收到報料，獨家披露蘇惠德換心成功，已經出院；由於等候時間短得離譜，質疑係靠唔人道嘅方法得到所需器官——政府可能准渠喺輪候名冊上面打尖，或者為此殺人掏心。[5][6][7]2022年2月28號，《星島日報》獨家報道，蘇惠德已經放完病假，當日復工。[8]
政治審判爭議
編輯蘇惠德喺香港逃犯條例爭議期間審理咗唔少案件，但都有部份聲音批評佢偏幫政府同高官，對抗爭者同被告唔公平有偏見。
2019年律政司夫婦僭建風波被指放生同埋鼓勵僭建
編輯律政司司長鄭若驊同埋佢嘅老公潘樂陶，捲入咗名下物業嘅僭建風波，案件去到2019年4月審議。蘇惠德最終判潘樂陶罪成，罰款兩萬。但呢個判決被部分人士質疑放生，其中公共專業聯盟政策黎廣德就話，潘樂陶僭建嘅水池，可以慳番每月約萬元，幾年夾埋就係數十萬，但係蘇惠德只係罰佢兩萬，即係話比外界聽，僭建者只要畀多兩萬多元就有「好大着數」，蘇惠德咁做即係鼓勵僭建。[9]時事評論員黃世澤就話，除咗有人係要擦權貴嘅鞋之外，搵唔到其他法理上嘅理由。[10]
突然修改光復屯門公園案被告控罪
編輯2019年9月21號，一個15歲少年喺「9.21光復屯門公園」遊行前，被搜出藏有鐳射筆、疑經改裝嘅長傘同埋行山杖等物品，本來被控「管有適合作非法用途的工具罪」同埋「在公眾地方管有攻擊性武器罪」兩條罪。但蘇喺裁決前提出修改控罪，將針對鐳射筆嘅「管有適合作非法用途的工具罪」，改作「有意圖而管有攻擊性武器」作檢控。
被告嘅律師直指蘇惠德咁做對被告唔公平，認為辯方一直以原本嘅控罪作抗辯，提出反對但係不被接納。少年最終喺蘇惠德自行理解被告動機嘅情況下，被裁定兩項罪名成立，喺同年11月被判入更生中心[11]，而被告之後上訴亦被駁回[12]。案件引起唔少公眾關注，其中本身係律師嘅民主黨立法會議員涂謹申就話，裁決影響巨大，擔心可能引發警方亂咁告人，又話如果因為管有防禦物件，就推斷佢藏有嘅另一件非攻擊性武器，係有意圖用嚟攻擊他人，呢個講法非常危險[11]。
審理「民主派初選47人」不人道同濫用司法程序安排
編輯2021年初，政府以國安法名義控告47個有參與民主派初選嘅人，案件去到3月1號開審，由蘇惠德主審。但蘇惠德就被指安排失當，將程序拖慢處理。當副刑事檢控專員都頂唔順要求放飯小休，但蘇惠德仍然堅持，結果導致好多被告身體不適，相繼送院。其中被告之一楊雪盈，仲因為蘇惠德嘅馬拉松式聆訊，搞到低血壓、食唔到嘢，要做腦部掃描[13]。有部分評論批評佢缺乏同理心，故意作弄一眾被告[14][15][16]。由於蘇惠德堅持一次過提堂，有被告4日3夜冇沖涼或者換衫，但係蘇惠德亦以唔同嘅理由拒絕[17]。有被告嘅代表律師批評佢刻意進行馬拉松式聆訊，係濫用司法程序[18]。
參考
編輯- ↑ "Telephone Directory of the Government of the HKSAR And Related Organisations - Chief Magistrate's Office". tel.directory.gov.hk. 喺2022-01-02搵到.
- ↑ 〈蘇惠德確認負責審國安法案件 今處理首宗涉電單車男案 - RTHK〉。news.rthk.hk (臺灣中文)。喺2020-12-03搵到。
- ↑ 〈委任司法人員〉。《香港特別行政區政府新聞公報》。2020-01-03。喺2020-07-03搵到。
- ↑ 〈高勁修獲任命區院首席法官 蘇惠德為總裁判官 (17:06)〉。《明報》。2020-01-03。喺2020-07-03搵到。
- ↑ 〈國安法指定法官蘇惠德「消失」40日 司法機構確認病假：不評論健康狀況 | 獨媒報導〉。《獨立媒體》。2021-10-05。喺2022-01-01搵到。
- ↑ 〈【蘇惠德】消息：法官蘇惠德心臟病留醫瑪麗ICU 本港正有77人等候換心〉。《UrbanLife 健康新態度》 (中文)。喺2022-01-01搵到。
- ↑ 《（黃標冇廣告）12.30 獨家揭露【蘇惠德打尖換心！】港共政府優先替國安法官蘇惠德換心，是從囚犯身上取得的嗎？@主持：Tony Choi》 (英文)，喺2022-01-01搵到
- ↑ 星島日報。〈傳去年因心臟病留院放假近5個月 國安法指定法官蘇惠德今復工〉。std.stheadline.com (中文)。喺2022-06-18搵到。
- ↑ 〈有違工程師專業 業界促理事會召紀律聆訊〉。《東方日報》 (香港中文)。喺2020-12-03搵到。
- ↑ 黃世澤, Martinoei (2019-11-07)。〈鐳射筆 案由乜嘢狗官判〉。《MO's notebook 4G 黃世澤 的筆記簿》 (臺灣中文)。喺2020-12-03搵到。
- ↑ 11.0 11.1 〈眾新聞 | 藏鐳射筆15歲少年罪成 官改控罪為「有意圖而管有攻擊性武器」 議員憂引發濫告〉。《眾新聞》 (中文)。原著喺2021-06-29歸檔。喺2020-12-03搵到。
- ↑ 朱棨新 (2020-05-20)。〈逃犯條例｜少年不滿帶鐳射筆遊行被裁有罪 官指推斷穩妥駁回上訴〉。《香港01》 (香港中文)。喺2020-12-03搵到。
- ↑ 〈【47 人案】楊雪盈馬拉松式聆訊後暈倒送院 低血壓、無法進食、要做腦部掃描 | 立場報道 | 立場新聞〉。《立場新聞 Stand News》 (英文)。原著喺2021-03-03歸檔。喺2021-03-03搵到。
- ↑ 〈程序安排失當、不知所謂的總裁判官蘇惠德 | 讀者來論〉。《眾新聞》 (中文)。原著喺2021-04-16歸檔。喺2021-03-02搵到。
- ↑ 〈【初選47人案】馬拉松式提訊 三度因未準備好休庭 庭上屢傳談笑聲 | 獨媒報導〉。《香港獨立媒體網》。喺2021-03-02搵到。
- ↑ 〈【初選47人案】直踩至翌日凌晨 楊雪盈疑不適暈倒 官押後至今早11時半 | 獨媒報導〉。《香港獨立媒體網》。喺2021-03-02搵到。
- ↑ 〈47民主派提堂︱一直羈押4日3夜沒洗澡沒更換內衣褲 法官拒協助：可以就當然盡量就啦 ｜ 蘋果日報〉。《Apple Daily 蘋果日報》 (香港中文)。原著喺2021-03-03歸檔。喺2021-03-03搵到。
- ↑ 〈47民主派提堂︱大律師批評律政司濫用司法程序 法庭選擇馬拉松式聆訊「唔人道」 ｜ 蘋果日報〉。《Apple Daily 蘋果日報》 (香港中文)。原著喺2021-03-02歸檔。喺2021-03-03搵到。