楊雪盈Clarisse Yeung1986年11月14號[1]),係香港泛民主派政治人物,第六屆灣仔區議會前主席,灣仔大坑選區前任議員,文化組織「香港文化監察」主席,灣仔好日誌灣仔起步創始成員。

楊雪盈
出生日1986年11月14號 喺Wikidata改呢個 (37歲)
出生地英屬香港 喺Wikidata改呢個
國籍英屬香港中華人民共和國 喺Wikidata改呢個
母校香港中文大學 喺Wikidata改呢個
職業政治人 喺Wikidata改呢個
政黨灣仔好日誌、灣仔起步 喺Wikidata改呢個

簡歷 編輯

楊雪盈中學讀九龍文理書院,之後喺香港中文大學藝術系畢業,而家做緊中大專業進修學院文化管理系嘅兼任講師[2]

2014年雨遮革命期間,楊雪盈同其他藝術工作者發起「雨傘運動視覺文化庫存計劃」,將佔領區嘅藝術品做紀錄同保存。

2015年香港區議會選舉,楊雪盈參選大坑選區,對手係想接棒嘅新民黨王政芝,最終攞到1,398票,贏咗攞1,148票嘅王政芝[3]。雖然佢乘住雨遮革命個勢出選,但係當選之後多次話自己唔係「傘兵」, 因為促使佢參選嘅係東北發展事件,早過雨傘運動[4]

2016年,有中資地產商想喺大坑道重建一棟舊樓,同城規會申請話想拎埋隔離個綠化帶,用嚟起佢30層高豪宅嘅私家車道,諮詢期喺同年7月15號屆滿,但有居民發現諮詢期都未過,就已經有工程車喺嗰度搭嗮棚開工,重將個綠化帶既部分樹木斬嗮,嚟擺佢自己嘅建築材料。楊雪盈話,「未批先斬」嘅做法唔合理,亦都引來附近居民不滿,怕會立壞先例咁話:「犧牲公眾綠化地方,變為私人地方」,破壞嗮大坑原有綠油油嘅靚景。佢又話,原本棟舊樓有出入口直達銅鑼灣,依家為咗「墊高」住宅而要破壞綠化地帶嚟起私家車道,重將個出入口移到上大坑道70號嘅計劃唔理想,所以聯同南區區議員司馬文發起聯署,收集居民簽名去信反對[5][6]。同年12月,地產商撤回申請。但喺2017年,地產商將原本份申請改咗幾隻字之後再重新申請,楊雪盈今次夾埋立法會議員鄺俊宇羅冠聰一齊聯署,繼續收集市民簽名反對[7]

2019年第6屆香港區議會選舉,楊雪盈繼續响大坑選區尋求冧莊,結果攞到2340票,以907票之差鍊贏對手廖添誠(廖添誠攞到1433票,比四年前嘅王政芝多咗285票),成功連任。之後佢當選做灣仔區議會主席。

2020年6月,佢參與咗香港立法會選舉嘅泛民主派初選。但去到2021年,佢連同另外46名參與或組織初選嘅泛民主派人士被控「串謀顛覆國家政權」罪,主審法官蘇惠德喺3月安排14個鐘馬拉松式聆訊,結果令楊雪盈、梁國雄等四名被告凌晨過後不適送院,其中,楊雪盈因為蘇惠德嘅安排,搞到低血壓、食唔到嘢,要做腦部掃描[8]。之後有部份評論,批評蘇惠德刻意進行馬拉松式聆訊,係濫用司法程序[9]

2021年9月15號,佢同梁柏堅被裁定2021年香港區議員宣誓入面宣誓無效,即時冇咗區議員席位,而佢留低嘅區議會主席一職,就由黃宏泰繼承。

參考 編輯

  1. 2015年香港區議會選舉:候選人楊雪盈簡介 (PDF). 原先內容歸檔 (PDF)喺2018年6月13號. 喺2016年10月23號搵到.
  2. . 原先內容歸檔喺2016年3月5號. 喺2015年11月28號搵到.
  3. . 原先內容歸檔喺2016年2月26號. 喺2016年9月29號搵到.
  4. 新聞 | 戰友熱情減退漸離開 傘後新星楊雪盈:重新振作勿灰心. (中文). 原著喺2019-12-24歸檔. 喺2019-12-24搵到.
  5. 綠化地建私家車道 地產商未獲批先斬樹. 原先內容歸檔喺2017年3月5號. 喺2017年4月13號搵到.
  6. 資進駐砍樹起豪宅 楊雪盈斥疑先斬後奏. 原先內容歸檔喺2016年10月9號. 喺2017年4月13號搵到.
  7. 資大坑建豪宅再闖關 擬霸綠化地帶建車路. 原先內容歸檔喺2017年4月15號. 喺2017年4月13號搵到.
  8. 47 人案雪盈馬拉松式聆訊後暈倒送院 低血壓、無法進食、要做腦部掃描 | 立場報道 | 立場新聞. 場新聞 Stand News (英文). 原先內容歸檔喺2021-03-03. 喺2021-03-03搵到.
  9. 47民主派提堂︱大律師批評律政司濫用司法程序 法庭選擇馬拉松式聆訊人道 | 蘋果日報. Apple Daily 蘋果日報 (香港中文). 原著喺2021-03-02歸檔. 喺2021-03-03搵到.

出面網頁 編輯