蛇腹劍

蛇腹劍（粵拼：se4 fuk1 gim3；日文：ガリアンソードgarian sōdo；英文：Garian Sword）係一種虛構刀劍，出現喺1984年播出嘅機械人動畫《機甲界》。佢係動畫主角鐵巨人嘅裝備，個樣似一般嘅劍，不過劍刃部分割到似蛇肚噉曲折，可以變成有刃嘅鞭。喺官方設定度嗌做「ガリアンソード」，不過佢有啲唔正式嘅名，比如動畫製作方嗌佢做「ジャラジャラ剣（jarajara ken）」。而喺設定畫中又有寫成「劍」或者「ガリアンの剣」。

呢個創意影響咗之後好多嘅作品，有類似構造嘅刀劍喺好多嘅漫畫、動畫作品度出現，呢個創意亦可以喺日本之外嘅特攝影片度見到。因爲呢陣時喺語境上同《機甲界》無關，所以亦就唔會用諸如「ガリアンソード」、「ガリアン剣」之類嘅名，而係叫做「蛇腹劍」（蛇腹剣（じゃばらけん））、「鞭劍bin1 gim3」（鞭剣（むちけん）），而喺唔同作品中，又畀人作咗諸如「Snake Sword」、「連接劍」、「多節劍」、「Whip Sword」、「連結刃」嘅名。