行人專用區
行人專用區，又叫做步行街、徒步區，係唔准車輛駛入嘅馬路，行人可以放心行嘅路。步行街方便城市商廈發展大購物區。步行街成日出現嚮最繁華、遊客多嘅商業區。
步行街有好多種，由小販集中區發展出嚟嘅，會有小販攤檔為主，比如香港嘅女人街。不過嚮北京王府井係冇小販賣嘢，兩邊都係名店商場，而步行街中心嘅攤檔由當局出租畀可口可樂呢啲名牌公司做展銷場。而步行街原本真係用嚟畀行人行，例如星期日香港中環嘅遮打道，有小販管理隊巡邏，唔准乞錢同賣嘢，除非已經申請咗批准，租場都係搞吓文娛活動、宗教活動、政治集會示威之類咁。而香港旺角西洋菜南街就畀人野雞式表演、或者開論壇、幢個易拉架賣手機通話月費計劃咁，不過旺角行人專區，聲浪因為太滋擾居民，已經廢除咗。