袁莎妮
袁莎妮，JP（英文：Shirley Yuen，1969年11月5號—）係香港總商會總裁，香港政府前政務官，被稱為前政務司司長唐英年嘅「愛將」[1]。
簡歷
編輯袁莎妮喺嘉諾撒聖心書院畢業，再喺英國牛津大學一級榮譽畢業[2]，1991年加入香港政府做政務主任。
2002年7月，唐英年做工商及科技局局長，袁莎妮做唐英年嘅政務助理，2003年唐英年獲委任為財政司司長，袁莎妮繼續做佢嘅政務助理至2006年。其後做過副行政署長[3]，2010年9月離開政府，最後任職運輸及房屋局副秘書長，當時人工一個月約莫14萬港元[4]。
香港總商會總裁招聘爭議
編輯2011年8月，袁莎妮獲香港總商會請做總裁，接替提早離職嘅方志偉，成為香港總商會頭一位女總裁同埋最後生總裁[5]。傳媒報導指袁莎妮並唔係按香港總商會嘅慣例公開招聘[1]，而係由香港總商會主席胡定旭揀過再經理事會確認，惹來爭議。2011年9月20號嘅《明報》訪問袁莎妮，佢否認加入總商會係為唐英年參選第4屆香港行政長官選舉「拉票」，並強調「不存在種票」。又否認同胡定旭為唐英年助選有關。
被懷疑婚外情
編輯袁莎妮未婚，2011年9月19號《明報》報道，詹培忠問過唐英年佢嘅「婚外情」，並指「唐英年回應話係『過去式』」。《明報》提及袁莎妮嘅名，暗示有關。第二日《明報》訪問袁莎妮，佢強烈否認同時任政務司司長唐英年有婚外情，又讚前上司唐英年係一「尊敬嘅上司」[6]。
2017年4月，王維基同袁莎妮一齊現身曾俊華66歲生日派對，正印女朋友身份曝光。2018年10月，王維基同袁莎妮入紙登記結婚。
攷
編輯- ↑ 1.0 1.1 〈唐愛將掌總商會惹反彈 無依慣例公開招聘 理事反對無果〉。《明報》 (繁體中文)。香港。2011年9月19號。原著喺2011年10月10號歸檔。喺2018年10月12號搵到。
- ↑ 〈政情：袁莎妮任總商會CEO遭非議〉。《東方日報》 (繁體中文)。香港。2011年8月3號。
- ↑ 〈四常秘六署長升級〉。《星島日報》 (繁體中文)。香港。2008年5月22號。原著喺2020年3月28號歸檔。喺2021年12月31號搵到。
- ↑ 〈不滿問責制官員低水平管治 政務主任爆發離職潮〉。《蘋果日報 (香港)》 (繁體中文)。香港。2010年6月18號。原著喺2020年3月28號歸檔。喺2018年10月12號搵到。
- ↑ 〈41歲袁莎妮創兩紀錄 總商會最後生CEO〉。《明報》 (繁體中文)。香港。2011年9月19號。
- ↑ 明報 互聯網檔案館嘅歸檔，歸檔日期2011年9月23號，. 袁莎妮：與唐英年無婚外情
出面網頁
編輯 |