西樵山
22°55′38″N 112°58′22″E / 22.92722°N 112.97278°E
.jpg)
西樵山（樵讀潮，粵拼：sai1 ciu4 saan1）係中國廣東佛山西南邊一座山，喺南海區西樵鎮；東南西靠環山大道；北靠江浦西、東路。西樵係座死火山，山齡四五千萬年。距廣州市區68千米。個山雖然唔算高，不過就俾共和國劃做國家重點風景名勝區、國家森林公園同埋國家地質公園。西樵山佔地14平方千米，有72峰。佢主峰高346米。西樵自然山秀，古人類曾經住過呢處，而且亦有唔少文人到過，亦係宗敎聖地，文化底藴深厚。
西樵山一帶，好多時就咁叫西樵。北便原本叫官山墟嘅小鎮，都改咗名叫西樵鎮，管住西樵山周圍，即係西江，同埋接住北江嘅順德官窰涌之間嘅地方。
地質
編輯珠江三角洲一帶，遠古係個海灣。四五千萬年之前，有次海底火山爆發，噴出大量溶岩，溶岩喺海中間凝結，造咗個錐形山，呢個就係西樵山嘅雛形。之後呢一帶火山爆完又爆，溶岩變成72峰，火山亦都逐漸變成死火山，再經幾千萬年風化侵蝕，先變成今日咁樣。西樵山周圍原本嘅海，經過咁多年，都變晒成沖積平原，即係家下叫嘅珠江三角洲。所以西樵山就好似喺平地突起嘅山。山上面生晒啲花草樹木，所以先咁蒼翠。
史
編輯景色
編輯
西樵山至特色係佢奇峰怪石同埋流泉飛瀑。西樵山有72峰，主峰大秤峰高海拔346米，成個峰羣喺珠江三角洲百里平川拔起，直聳空庭，清幽秀麗。西樵山上重有42洞，同無數奇崖怪壁，比較有名嘅有九龍岩、冬菇石、燕岩等，姿態萬千，精美絕侖。西樵山林深苔厚，岩石裂隙縱橫，儲水豐富，泉眼共232處同瀑布28處，比較出名係“雲崖飛瀑”同“飛葉清泉”。其中大清時，“雲崖飛瀑”重係“羊城八景”之一，稱之為“兩樵雲瀑”。
寶峯寺
編輯北邊景區之一，亦係南粵四大名寺之一。早期喺景區中部，後嚟喺2005年移到大仙峰下蛇崗一帶。中軸線有天王殿、大雄寶殿，兩邊有鐘鼓樓、觀音地藏殿、文殊普賢殿方丈樓同僧舍。
天湖公園
編輯舊名“廣朗坪”，西北邊景區之一。之前係古火山口，中共執政後整堤壩改成儲水形式嘅湖泊。其中湖東邊有九曲橋、南邊有觀龍樓；西北邊有表演臺，每年5月1號同10月初嘅國慶假期都有大型活動。
半山亭
編輯北邊隱蔽景區之一，大明嘉靖年間起好。舊時喺每年夏秋季節有山水茗茶。後嚟經歷戰亂而冧咗，結果附近嘅嶺上村當地村民發現佢嘅廢墟殘渣而嗌社會人士幫手而喺1988年重新起返出嚟。
人文
編輯6000到8000年前，西樵山就有人類活動，考古學家叫佢做“西樵山文化”，又叫做“雙肩石器文化”。啲人整出來嘅細石器同埋雙肩石斧精細實用，影響咗珠江流域嘅原始文明。大明同大清嗰時，包括湛若水、何白雲在內一大批文人先後隱居西樵山，喺度探求理學，吟詩作畫，西樵山成為南粵理學探究之地。當中最出名嘅莫過於康有為，佢後生嗰時，就係西樵山出來，及後搞咗百日維新。西樵山重係南拳宗師黃飛鴻發源地，黃飛鴻百幾年前就喺呢處出世，苦煉武功，修心養德，成為武術宗師。現代文人墨客好似秦牧、黃施民、郭沫若等，都喺處留過詩。
文化
編輯西樵山宗教上，集合咗佛、道、儒三敎。山上有尊高61.9米觀音座像，係世界至高嘅觀音座像。觀音坐正喺西樵山第二高峰，即係大仙峰上便。西樵山嘅民俗，以廣府文化為代表，村民婚嫁習俗，生活習俗都好特別，民風古樸，民間藝術最特色嘅有“半山扒龍舟”，“阿婆扒龍舟”、“新年獅藝”等。西樵山飲食文化係正宗粵菜文化，全魚宴同西樵蛇宴都係出名嘅粵菜。野菜係西樵另一種山野特色，西樵野菜有走馬風、紫貝菜、佛手瓜等。除此之外，西樵嘅竹、茶、陶、中藥都好有當地特色。
景區開放時間同門飛、入場須知
編輯開放時間
編輯- 每日07:30～17:30
- 黃飛鴻獅藝美術館、觀光車每日08:00開業
- 觀光索道每日09:00～17:30營運
- 每日17:30搞清場處理
門票
編輯| 類 | 費用 | 對象 |
|---|---|---|
| 全票 | ￥55 | |
| 免票 | —— | 年紀≤6 兒童身高≤1.2m（要度身高） 年紀≥65（要有身份證或佛山當地嘅老人證） 殘疾人（要有殘疾證） 現役軍人（要有有效軍官證或士兵證） 宗教人士（要有指定有效證件） |
| 半票 | ￥25 | 60≤年紀＜65（要有身份證或佛山當地嘅老人證） 6＜年紀≤18 1.2m＜兒童身高≤1.5m（要度身高） 全日制大學本科及以下學歷嘅學生（要有有效學生證） |
另外，搭觀光車或觀光索道都可以同樣享受到以上優惠。
入場須知
編輯- 景區實行咗實名制賣飛，入景區前必須要畀本人有效身份證兼配合現場工作人員搞實名登記先至入得。
- 門票一經賣出後冇得退換，當日賣出嘅門票僅限當日遊玩。若果唔見咗或搣爛咗門票嘅，必須要補辦。
- 門票同山頂嘅寶峯寺互通
攷
編輯