西門口站 (廣州)

西門口站（粵拼：sai1 mun4 hau2 zaam6；英文：Ximenkou Station）係廣州地鐵1號綫嘅車站，1999年6月28號開放，位置喺越秀區中山六路同埋紙行路、光孝路嘅交界。

西門口 Ximenkou
西門口站嘅站名
概覽
冧巴	108
位置	越秀區中山六路嘅紙行路同光孝路交界
座標	23°07′30.81″N 113°15′20.4″E
車站色
經過路線	1
啟站	1999年6月28號
月台數	1
站口數	4
營運資訊
車站服務時間	06:14～23:46
列車服務時間	06:00～23:30
廣州地鐵1號綫 西塱　◄陳家祠 （940m） （850m）公園前►　廣州東站

結構

樓層

呢個站一共有2層樓嘅地下區域，其中地下1樓係站廳，有票務設施，客務中心同商鋪；地下2樓係1號綫嘅月台。同大多數嘅1號綫車站一樣，冇休息室同廁所、母嬰室響度。

打掂

地面	-	出入口
地下 １樓	站廳	站廳、售票機、車站嘅商舖、警務室
地下 ２樓	2月台	←1號綫列車去陳家祠站（行西塱嗰邊）
	島式月台，開左邊門
	1月台	1號綫列車去公園前站（行廣州東站嗰邊）→

打橫

西門口站嘅站廳，喺2015年1月8號影。

西門口站嘅月台，喺2014年10月17號影。

柱上啲字

站廳

西門口站嘅收費區喺站廳嘅中間偏北嘅位，而南邊係人行通道，而車站嘅商舖方面，都喺嗮車站嘅南北兩邊嘅收費區入面；而自助服務喺嗮車站東西兩邊；收費區有好多部扶手電梯同樓梯往返月台都得。而專用𨋢喺車站嘅西邊免費區域入面，乘客如估有需要嘅話，可以向車站嘅工作人員查咗車飛之後嚟協助用。

站廳全景（喺2014年10月17號影）

月台

呢個站有一個島式月台，喺中山六路（紙行路同光孝路嘅交界）地底。

西門口站嘅月台全景
（呢啲月台全景講嘅都喺同一層樓！！！）

註：呢兩張相都喺2014年10月17號影。其中上面嗰張係行廣州東站嗰邊，下面嗰張係行西塱嗰邊。

商舖同自助服務

而家嘅西門口站入面有好多唔同類嘅鋪頭畀乘客買嘢同埋食嘢，好似有便利檔、麵包檔同洗衫舖、手機檔、涼茶舖等。

另外，西門口站入面重有好多自助服務設施畀乘客用，包括咗自動櫃員機、自動販賣機、自動影相機同羊城通充值機等；重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。

商舖 7-Eleven 美心西餅 天天洗衣

自助服務 中國建設銀行自動櫃員機 自助影相機 M-Touch地鐵資料查詢 好易（Hotye）多媒體自助服務終端 羊城通充值機 自動販賣機 共享雨遮

出入口

西門口站冚唪唥嘅出入口
A出入口，喺2009年開。 A出入口，喺2009年開。  B出入口 B出入口  C出入口附近 C出入口附近  D出入口，喺2007年開。 D出入口，喺2007年開。

呢個站一共有4個出入口，分別係A、B、C、D。

冧巴	標記	方位	去到邊度
出入口A	中山六路	西南	中山六路、人民中路、紙行路、西門口甕城遺址、廣州市婦嬰醫院、廣州市兒童醫院、美國銀行中心、廣州市第24中學、越秀上品軒（佳潤地產）
出入口B	中山六路	東南	中山六路、光塔路、朝天路、惠福路、紙行路、海珠中路、詩書路、中國郵政、西門口（中山六路）巴士站（向東行）、倫文敘紀念廣場
出入口C	人民北路	東北	中山六路、光孝寺、光孝路、海珠北路、珠海特區大酒店、西門口(中山六路)巴士站（向西行）、中六電腦城
出入口D	中山七路	西北	人民北路、中山七路、光復北路、廣州市第一人民醫院、西華路、廣州地鐵房地產事業總部、越秀新都會大廈、廣州高山文化培訓學校、安信證券廣州中山六路營業部、頤高數碼廣場、西門口（人民北路)巴士站
註： 有盲人引導徑 | 有斜道 | 有輪椅升降台

頭尾班車信息同配線圖

配線圖
█ 1號綫 ▲公園前站
▼陳家祠站

行去邊頭	頭班車	尾班車
每日
1號綫
西塱站	06:17	23:46
廣州東站	06:14	23:08
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

規劃

車站附近嘅西門口甕城遺址。呢個站係因為好多老街坊同而家廣州本土後生仔女同細路都知呢度之前係廣州城嘅西門先至改咗噉嘅名。

喺1988年嘅地鐵路網規劃入面就出現咗中山路同人民路交界地區嘅車站——西門口站，而車站嘅位就係喺而家呢度。如估講佢嘅改名，因為車站隔籬有個已經喺1920年拆咗嘅明、清兩代廣州城嘅正西門（好多老街坊同而家廣州本土後生仔女同細路都知嘅西門口），就係喺而家嘅中山七路、中山六路同人民中路、人民北路交界嗰頭。所以「西門口站」嘅名就係噉嚟。而所謂廣州正西門後嚟喺1996年，廣州市文物考古研究所就喺車站工地嗰度發現咗大明嘅西門甕城遺址。

施工

1994年8月，1號綫全路線段正式開始逳手，到咗1996年嗰陣，就喺車站工地嗰度發現咗明朝嘅西門口甕城遺址先至更加肯定咗呢個站絕對係「西門口站」嘅名，之後重整咗個區嚟保護西門口甕城遺址，而地鐵工程一直到1999年初先至搞掂。

開通

1999年6月28號，1號綫全線通車之後，呢個站正式開放。

加裝月台幕門

喺2005年，地鐵公司為咗慳能源同防止乘客墮軌，所以就喺行緊嘅成條1號綫入面加裝月台幕門、半高式安全門。而呢個站嘅月台幕門方面，就喺2007年起好重開始用。

出入口

呢個站喺1999年6月28號開通咗1號綫嘅延長段之後先至開放。而出入口方面，喺1999年6月28號開通咗1號綫延長段之後，一直到2007年6月4號之前，呢個站凈係得B同C兩個出入口。後嚟到咗2007年6月4號嘅越秀新都會起好咗之後就開埋D出入口；而之前成日俾人猛咁投訴話嘅A出入口喺幾時開通嘅問題，直到2009年10月1號嘅越秀上品軒起好咗嗰陣先至開埋。

A出入口試過因牆面裝修而喺2018年1月15～18號閂咗門三日

D出入口試過因牆面裝修而喺2018年1月26～29號閂咗門三日

2018年1月15～29號，A同D出入口嘅牆面裝飾變化前後個樣。

2018年1月15～18、26～29號，A、D出入口試過因為牆面裝修而臨時閂咗三日，家下已經重新開放返。而牆面裝飾原先從光滑嘅搪瓷風格統一改成長方形馬賽克嘅風格。

2018年9月4號～2018年11月30號，專用𨋢冇辦法用。

呢個站開通之後一直到2018年9月3號晚黑收車為止，由於專用𨋢喺免費區入面，啲傷殘人士好多時要將車飛畀黃衫黑褲啲工作人員睇先至畀用。不過喺2018年9月4號嗰日，地鐵方開始圍蔽咗唯一嘅專用𨋢位，令傷殘人士用專用𨋢出入站好唔方便。後嚟經地鐵方得知，原嚟呢個站嘅專用𨋢已經用咗超過廿年，部份元件出現損壞情況，要圍蔽施工2個月嚟換𨋢先至得。

商舖、自助服務

喺1999年6月28號開通咗1號綫嘅延長段之後，呢個站除咗凈係喺而家A出入口附近有間銀行響度之外就乜商舖同自助服務都冇喇。到咗2009年，呢個站由於馬上開A出入口關係，之前有嘅銀行已經變咗間麵包檔；而商舖先至越嚟越多，而銀行就得返個自助服務響度，而其他嘅自助服務先至陸續開始出現。呢個站自動販賣機喺2014年7月初先至有，就喺A出入口附近。喺2014年10月，之前距離A出入口最近嘅舖頭變咗一間涼茶舖，之後先至多咗手機檔出嚟。

利用狀況

由於呢個站冇幾遠都係一片居民嘅聚集同住宅區，附近有好多條巴士路線接駁；再加上車站隔籬又有捷泰廣場、越秀新都會、越秀上品軒、中六電腦城、樂購超市響度。另外，有唔少喺廣州市第廿四中學、廣州市貿易職業高級中學同埋廣州市南海中學、廣州市第卅七中學入面讀書嘅學生都成日嚟呢個站落車返放學。重有嘅係，喺農曆新年期間，光孝寺都係做咗拜祭祖先嘅熱門地區；喺每年7——8月嘅開齋節期間，懷聖寺都做咗拜祭穆斯林嘅熱門地區。佢重係算比較繁忙嘅廣州地鐵車站。呢個站主要服務畀住喺呢度冇幾遠嘅西門口地區居民、同埋人民中路（惠福西路以北）、人民北路同埋紙行路、光孝路、光塔路、同埋海珠北路、海珠中路（惠福西路以北）嘅返放工學嘅人。

高峰客流控制

呢個站嘅高峰客流控制時間係：

星期一到星期五（工作日期間）8：00——9：00

附近嘅建築同景區

美國銀行中心

中六電腦城

廣州市第24中學

光孝寺

基督教錫安堂

懷聖寺

大型住宅

• 越秀上品軒
• 西門口廣場
• 安富花園

寫字樓

• 捷泰廣場
• 美國銀行中心
• 美東大廈
• 大晟華廈
• 櫻花大廈

商場

• 中六電腦城
• 越秀新都會
• 富邦中心

學校

• 廣州市第廿四中學
• 廣州市南海中學
• 淨慧路小學
• 七株榕小學（紙行校區）
• 廣州滿族小學

醫院

• 廣州市婦幼保健院

參拜地區

• 光孝寺
• 懷聖寺
• 光孝堂
• 錫安堂

遺址

• 倫文敘紀念廣場
• 西門口甕城遺址
• 寶生大押

酒店

• 珠海特區大酒店
• 新世界大酒店
• 維也納酒店（廣州惠福分店）
• 椰城賓館
• 豐寧賓館
• 春田家家青年旅舍

辦事處

• 珠海經濟特區政府駐廣州辦事處
• 海口市人民政府駐廣州辦事處

餐廳

• 廣州回民飯店

接駁交通

日班車：

西門口（人民北路）站：

一般巴士：

2、4、31、38、103、109、134、186、260、556、823

高峰巴士：

36、38、44、45

西門口（中山六路）站：

一般巴士：

旅游1、74、85、88、102、104、107、193、233、250、286、527

高峰巴士：

8、39、52

夜班車：

西門口（人民北路）站：

夜7、夜16、夜26、

西門口（中山六路）站：

夜2、夜20、夜27、夜30

上一站•下一站

上一站⇚⇚　　　　廣州地鐵　　　　⇛⇛下一站
陳家祠站 西塱站←	西門口站 1號綫	公園前站 →廣州東站