RPG 系統
(由角色扮演遊戲系統跳轉過嚟)
概論
編輯隨住檯上 RPG 遊戲進行，玩家要輪流做決定，再用把口描述自己個角色採取咩行動，「有啲咩行動可以選擇」呢點就隻隻 TRPG 規則都唔同。正常嚟講，GM 會跟規則決定「啲行動有乜結果」。响《D&D》裏面，玩家採取行動嗰時，要擲骰仔，跟住 GM 就會睇住骰仔擲到嘅數、角色嘅能力值同埋遊戲規則，判定行動嘅結果，即係好似噉[1]：
- GM：你哋嚟到鎮上面嘅酒吧，搵到你哋嘅目標人物阿蟲。你哋行埋去，問阿蟲可唔可以將重要情報講畀你哋知，佢唔睬你哋。
- 玩家 A：我兇神惡煞噉行埋阿蟲度，我凶佢話我係縣治安官嘅死黨，佢唔出聲就係同縣治安官過唔去，諗住靠噉嚟嚇到佢開聲。（望住手上張紙記低咗嗰個反映『凶人嘅能力』嘅能力值，然後擲粒 20 面骰）我擲到嘅數值係 18。
- GM：（按照骰仔擲到嘅數同遊戲素材嘅內容）阿蟲真係畀尼古拉斯（玩家 A 嘅角色個名）凶到，於是就爆料，講出... [註 1][2]
場冒險行到咁上下，情節仲有可能提到戰鬥，而啲玩家可以用棋盤等嘅架生模擬情節提到嘅戰鬥。基本做法通常都係一樣：GM 提供情境，玩家做決定同埋描述自己角色嘅行動，當中玩家好多時要郁手用擲骰仔等嘅方法產生隨機性，然後 GM 按遊戲規則決定「啲行動有乜結果」[3]。
睇埋
編輯註釋
編輯攷
編輯- ↑ 1.0 1.1 "Narrative" or "Tabletop" RPG's.
- ↑ On Being a (Game) Master Storyteller. The Angry GM.
- ↑ Chapter 9: Combat. D&D Beyond.