能力值nang4 lik6 zik6英文statistic / attribute)係遊戲入面用來模擬現實世界嘅一種簡單嘅數學模型,用數值代表遊戲角色喺虛擬世界入面嘅能力。如果係 RPG,個模型會模擬埋學習鍛練,所以遊戲嘅唔同部分會俾角色嘅能力值喺某啲事發生咗之後(最通常係升級,亦有例如用咗某樣嘢某啲次數之後,又或者做咗某樣嘢某啲次數之後)會增長。

是但一個遊戲角色嘅能力,都係用多種屬性(attribute)代表,而各種屬性嘅唔同數值(statistic)就代表各種能力嘅強弱,夾埋一齊,呢啲屬性就代表遊戲角色嘅整體能力,影響佢喺遊戲入面可以做乜嘢,同做嘢嘅時候做成點。例如,某隻電子遊戲嘅模型可能有三個屬性,一個數代表每個角色慢慢行嘅速度,一個代表佢好快咁走嘅速度,一個代表佢嘅攻擊會造成幾多傷害呀噉,呢啲屬性就係所謂嘅能力值。能力值呢家嘢喺絕大多數遊戲當中都會用到。

一隻 TRPG 入面用嚟記住個角色嘅能力值嘅紙;包括《D&D》在內嘅 TRPG 都有噉嘅紙畀玩家攞嚟記住自己角色嘅特性。

能力值通常分兩類,一種係百分比,另一種係唔係百分比嘅實數。百分比代表嘅係機會率,例如出招嗰陣打中目標嘅機會;但係喺遊戲嘅數學模型,事件嘅實際機會率可能設咗上限,例如喺某個遊戲入面,角色嘅命中率能力值可能係 90%,但係喺個模型入面,命中率其實唔會高過 70%。

喺電腦嘅 RPG,能力值好多時會受遊戲道具影響,除咗武器裝甲(或者可能可以計埋或者騎得嘅動物)影響能力值講得通之外,有好多影響能力值嘅嘢其實都好唔合理,例如着leng3、戴頸鍊、養寵物等等通常都會提升能力值。

相關 編輯

有啲 RPG(包括好多嘅 MMORPG)喺能力值嘅增長方面,玩家可以決定升級帶來嘅能力值增長可以點樣分配,爾啲未決定點用嘅能力值增長叫能力點skill point)。能力點 係 RPG 先會有嘅角色數值,同經驗值類似,都係角色會隨住達成工作累積嘅,但係可以攞嚟「買」異能。

唔少 RPG 有技能樹嘅機制,用來模擬現實世界中嘅 「基礎知識」,即係要學識某樣嘢之前,一定要首先學咗基礎先。技能樹嘅機制局住個玩家決定角色要向邊個方向發展,而玩家喺得到能力點之後可以用能力點買技能樹上嘅異能俾自己嘅角色用。喺現實世界,學咗一樣技能冇得變第種技能,喺 RPG 能力點亦通常用咗之後就冇,而且多數冇得退,不過有啲 RPG 會俾用家用相當代價退返能力點[1]

另外,好多電腦嘅 RPG 會有一個代表估計中嘅總體戰鬥能力嘅數值,唔同遊戲可能唔同名,但係好多時會係戰鬥力(CP)或者類似叫法。CP 並唔係一種真嘅能力值,只係一種估計,係由部分能力值經過某種算式計出來。

睇埋 編輯

編輯

  1. Heinimäki, Teemu J. (2015). Technology Trees and Tools: Constructing Development Graphs for Digital Games - dissertation (PDF). 1349. Tampere, Finland: Tampere University of Technology.