語言合流

語言合流jyu5 jin4 hap6 lau4（language convergence）係語言接觸成日會產生嘅一個效果，指兩隻或者以上嘅語言，隨住語言接觸而慢慢變到似對方。

好似語言威望，就被指係合流嘅重要原因：想像有笪地方，啲人係以一隻叫 L1 嘅語言做母語嘅，佢哋接觸到嚟自另外一笪地方嘅人，後者講嘅語言叫 L2，講 L2 班人地位高啲有錢啲，所以 L2 威望高過 L1，自然講 L1 嗰班人有唔少都會走去學 L2，然後嗰啲母語係 L1 但對 L2 有返咁上下認識嘅人，有可能會（例如）由 L2 攞啲字詞去 L1 度用，甚至用 L2 嘅文法加埋 L1 嘅 morpheme 砌句子，令 L1 開始變得比較似 L2 ^[1]。

可以睇吓英屬香港嗰陣港式廣東話（L1）由英格蘭話（L2；一隻威望高嘅語言）度勁攞借詞，令到港式廣東話（最少响 lexicon 上）有啲似咗英格蘭話。