粗口

粗口（粵拼：cou1 hau2），有時又叫做語言暴力、粗言穢語，或者係某啲人好激氣、好燥、睇唔開，甚至小問題變唔好嘅大刺激搞到自己乜都冇晒嗰陣，發洩情緒講嘅嘢。

多數人覺得粗口係好低俗，而喺大眾媒體上重係頭號禁忌，傳媒想表達粗口，就會好似呢張卡通咁用啲魚蝦蟹符號代替

喺社會語言學角度，粗口係一種世界文化嘅社會現象，喺世界上唔同文化嘅社會交際之中，粗口都係一樣好普遍嘅嘢。粗口同交際環境、心境狀態、品行質素有關，每個地方講嘅粗口內容，又會反映當地次文化又叫做地痞話言。

喺心理學角度，講粗口除咗對人哋表達自己嬲之外，講粗口係一種心理攻擊行為，即係用語言去攻擊人嚟發洩自己，可以係唔使郁手打人嘅情況之下攻擊人，避免自己心理壓力爆煲。喺一定程度上係本能反應。

詈語同穢語

粗口有分兩種，一種叫「詈語」，喺一個人好激氣、好嬲嗰陣，就會講啲嘢出嚟鬧人，呢種就叫「詈語」，唔同民族文化背景，鬧人講嘅嘢都會唔同。

另一種粗口係一種無意識咁講，個人又唔係話好嬲好激氣，又唔係鬧人，但係就講句嘢入面夾幾句粗口，只係好似習慣咁順口就講，呢種叫做「穢語」。對住習慣講粗口嘅人，會話佢哋係爛口。

主要粗口單字

• 屌(diu2)(扚)解作：男性陰莖(名詞)/性行為將男性生殖器插入女性器官嘅動作(及物動詞)

例(名詞)：(唔用於句子)

例(及物動詞)：屌你老母。同你老母發生性行為(有辱人至親嘅意思)(非常俗)

• 屄(hai1)常用字為閪解作：女性性器官(陰唇)(名詞)/形容人樣貌唔好(形容詞)/女性(貶義詞)

例(眨義詞)：臭屄(指人陰部發臭，帶指女性濫交發姣嘅意思)

例(名詞)：屌你個屄(指同你發生性行為)(有性侵犯意思)

例(形容詞)：屄面(指人樣衰或黑面(板面)(人心情唔好))

• 㞗(gau1)解作：男性性生殖器(陰莖連陰囊)(名詞)/過度瘋癲(形容詞)

例(名詞)：你條/碌㞗(句子入面意於陰莖)

例(形容詞)：你個朋友好㞗(帶友善語氣：指你個朋友過度瘋癲/興奮/活躍)(帶唔友善語氣：指你個朋友白痴/蠢/智障)

• 撚(lan2)解作：男性性生殖器(陰莖)(名詞)/

例：你乜撚嘢啊？

• 柒(cat6)解作：你好樣衰。你好白痴。

例(名詞)：柒頭。

例(形容詞)：柒吓柒吓。

粗口種類

咒死咒災類

命就得一條，所以咒人死就最毒，就算唔死，生勾勾但無運行都好大鑊。所以好多文化之中都有咒人死咒人衰嘅粗口，例如粵語話人「死仔」、「死仆街」，「仆街」即係話人行步路都仆低，咒人黑仔，再衰啲就話人「仆街死」，即係仆親都唔夠，重要仆死喺路邊都冇人收屍。再惡毒啲又會話人冚家剷，即係咒人全家死晒。英文因為受耶教影響，佢哋咒人死咒人衰都交畀神去做，例如話「God damn it!」即係話神會玩死你，喺西洋社會嚟講都好毒。

性行為類

屌：將男性生殖器官插入女性生殖器官中，亦叫做「屌屄」。

貶低人格類

成碌𡳞咁，形容人哋係𡳞，帶有貶意。

動物類

老虎係百獸之中算得上係凶殘，所以如果用粗口要加強本身嘅語氣，可以講「屌你老虎」。呢句完全可以帶出凶狠嘅意思，打交時一句「屌你老虎啊」，人哋隨時未打都已經驚咗。所以呢句除咗加強語氣，重可以強調自己有幾凶狠。

粗口手勢

例子：「凸」即係用中指對住人，喺香港一般被理解為「屌你」。

參考

• 《民俗文化中的語言奇趣》 沈錫倫者 ISBN 9570516984 (802)

相關

• 廣東話粗口
• 普通話粗口
• 英文粗口