路氹城

路氹城（葡文：Cotai；簡稱：路氹）；以前叫路氹新城，係澳門地方，喺路環同氹仔之間，本嚟係海，1990年代填海後變做地。將兩個海島連接一齊，個名亦係由佢哋各取一字組合而成；葡文名來源同理。路氹城唔係一個堂區，最獨特係呢區無住宅同商業區。1960年代起完路氹連貫公路後，西側水流減緩，形成咗紅樹林生態奇觀，而東面一度出現生蠔養殖場，到1980年代結束。

路氹城地圖

歷史

由於澳門土地不敷應用，澳門政府填海，連埋路環同氹仔，將呢塊地起名做路氹新城（現已改名做路氹城）。原本規劃呢塊地起新市鎮，作為鄰近嘅聯生工業村後勤支援城區，而廣珠鐵路澳門段更會喺呢度做落腳點。

之後經濟環境差，而博彩業開放，令到原來新市鎮規劃被擱置。最終將呢塊地用嚟搞酒店、賭場同會展。

路氹城係新興發展區域，出名建築包括澳門科技大學、澳門蛋（2005年東亞運動會場館之一）、澳門銀河、威尼斯人、澳門新濠影滙、永利皇宮、皇庭海景酒店等。

大型旅遊項目

已落成旅遊項目
項目名	圖片	設施
澳門國際遊艇會		皇庭海景酒店 遊艇會娛樂場（娛樂場已停業） 氹仔遊艇碼頭
澳門百老匯 （前稱：金都酒店）		百老匯酒店 百老匯舞台 百老匯大街
澳門威尼斯人度假村酒店		澳門威尼斯人度假村酒店 大運河購物中心 金光綜藝館 澳門威尼斯人會議中心 金光會展 澳門威尼斯人娛樂場
澳門百利宮		四季酒店 四季·名店 百利沙娛樂場
新濠天地		皇冠度假酒店 迎尚酒店The Countdown Hotel（以前叫硬石酒店） 君悅酒店 新濠大道 水舞間
澳門銀河		澳門銀河酒店 澳門大倉酒店 澳門悅榕莊 UA銀河影院 澳門JW萬豪酒店 澳門麗思卡爾頓酒店 天浪淘園 時尚匯
澳門倫敦人 （前稱：澳門金沙城中心）		康萊德酒店 假日酒店 喜來登酒店 澳門倫敦人酒店 金沙廣場
澳門巴黎人		澳門洲際酒店 澳門麗都酒店 澳門帝豪酒店 威尼斯人（澳門）股份有限公司轄下娛樂場 會展中心 購物商場
澳門新濠影匯		澳門萬豪酒店 澳門麗嘉酒店 澳門W酒店 新濠博亞博彩（澳門）股份有限公司轄下娛樂場影滙之星 電視/電影製片場 購物商場
新濠天地（第二期）		新濠天地第五間酒店 澳門君悅酒店
永利皇宫		永利皇宮渡假酒店 永利渡假村（澳門）股份有限公司轄下娛樂場
美獅美高梅
十三酒店		2018年8月31號開幕
落實咗/起緊嘅旅遊項目
項目名	圖片	設施
葡京人		葡京人酒店 歐舒丹酒店 LINE FRIENDS主題酒店 葡京人酒店改名上葡京綜合度假村
路易十三酒店		十三集團 改名做 南岸集團 路易十三酒店改名做十三酒店