近水灣泳灘
(由近水灣跳轉過嚟)
近水灣泳灘，香港泳灘之一，喺荃灣近水灣，喺汀九以東，油柑頭以西，青山公路十咪半，英文叫Approach Beach。行政上歸荃灣區。設施有泳灘、燒烤場。歸康樂及文化事務署管。泳灘受過污染，曾停開，後尾水質改善，喺2011年6月15號重開。
簡介
編輯近水灣係最接近荃灣西站同荃灣市中心嘅海灘，喺1987年夏季正式由香港政府刊憲。佢嘅灘長過汀九灣，但都係石灘，因為海邊鋪滿石塊，沙地中重有硬物。
喺都會區下荃灣海岸線以汀九橋以東為界線嘅維港範圍內唔准游水條款中，呢度同汀九灣喺唯一可以喺法例下豁免嘅海灘（目前香港法例第313章附屬法例《船舶及港口管理規例》下，未經海事處處長批准，任何人都唔准喺維港游水），不過汀九灣已經係維港範圍最西北角位置啦。