迪士尼綫
提示：呢篇文講嘅唔係香港迪士尼樂園鐵路。迪士尼綫（粵拼：dik6 si6 nei4 sin3；英文：Disneyland Resort Line）係香港一條鐵路線，由港鐵營運。佢位於大嶼山連接陰澳打水灣嘅欣澳站，同竹篙灣香港迪士尼樂園嘅迪士尼站，屬於近郊鐵路線。呢個係全球第二條專為迪士尼樂園而設嘅鐵路線（第一條係喺日本千葉縣東京迪士尼樂園嘅迪士尼度假區綫）。
| ||||||||||||||||||||||||
 一列迪士尼綫列車正駛入欣澳站 | ||||||||||||||||||||||||
 | ||||||||||||||||||||||||
| ||||||||||||||||||||||||
|
| ||||||||||||||||||||||||
概要
編輯呢條線全長3.5公里，行車時間3分半鐘。全綫工程喺2005年4月完成，欣澳站喺2005年6月1號啟用，而成條迪士尼綫亦喺2005年8月1號正式通車。
呢條線由欣澳站3號月台作起點，列車會經過850米長嘅大陰頂隧道，然後喺竹篙灣公路橋底穿過，沿迪欣湖西面駛過，再喺神奇道下面穿過，去到香港迪士尼樂園北面嘅迪士尼站總站。
呢條線係香港第二條無人駕駛嘅鐵路（第一條係香港國際機場旅客捷運系統）。
路線圖
編輯
迪士尼綫全日通
編輯特別設計嘅迪士尼綫全日通，共有兩款設計，分別以米奇同埋米妮做主題，而喺2008年9月28號起設計將會不時更換；乘客可以喺買飛之後六個月內，首次使用起24小時內無限次搭港鐵來回迪士尼站（機場快綫、輕鐵、東鐵綫頭等、港鐵巴士同埋港鐵接駁巴士除外）。迪士尼綫全日通售價係每款HK$50，喺機場快綫同埋港鐵各站嘅客務中心有售。
車站設計
編輯欣澳站同迪士尼站同樣採用天幕式設計，以便自然通風同善用自然光，亦可以營造開揚嘅感覺。欣澳站以未來世界為主題，具科幻感同未來感。迪士尼站採用19世紀維多利亞時代風格。乘客搭迪士尼綫，就好似穿梭時光隧道一樣。
-
欣澳站 -
迪士尼站
用車
編輯
迪士尼綫嘅列車全線採用3列喺1995年買入，由GEC Alsthom生產嘅車卡（英製都城嘉慕列車第3代車卡），喺2003年將車廂內外改裝成富有迪士尼特色。而迪士尼綫係香港地鐵路線中首條用SelTrac訊號系統同埋無人駕駛列車嘅路線，全線以4卡列車行走，每卡可以載180人，其中48個係座位。以每4至10分鐘一班車嘅班次計算，繁忙時間每個鐘可以應付達10000人次。
迪士尼綫列車改裝後嘅外形設計簡潔而現代化，車窗係米奇老鼠頭形狀，並以紅邊裝飾。車身方面就以金色彩帶同埋星粉圖案點綴。車廂內嘅牆身，塗滿咗藍、紅、黃、紫等各種鮮艷色彩，天花亦滿佈繁星圖案。座位方面，係藍色布料嘅弧形設計梳化。此外，車廂內設有米奇老鼠、米妮老鼠、唐老鴨等16個迪士尼卡通人物嘅銅像，亦貼有一啲介紹迪士尼嘅懷念相片。至於扶手，亦係米奇老鼠頭形狀。由於連接扶手嘅膠帶係軍用物料，因此好難俾乘客整斷。
| 下行（往迪士尼） | 英國製列車車廂編組 | （往欣澳）上行 |
| P50X（單數號碼） - Q50X（單數號碼） - Q50X（雙數號碼） - P50X（雙數號碼） | ||
英國製迪士尼綫列車車廂編組註解：
- P50X - 有駕駛室負責操控嘅動力車廂
- Q50X - 裝咗集電弓嘅電力車廂
-
未完全上色嘅迪士尼綫車廂 -
迪士尼綫列車 -
迪士尼綫列車內部
車站一覽、接駁路線
編輯| 車站套色同埋名 | 喺邊區 | 車站接駁 | 啟用日期 |
|---|---|---|---|
| 迪士尼綫 | |||
| 欣澳 | 荃灣區[DRL] | 東涌綫 | 2005年6月1號 |
| 迪士尼 | 2005年8月1號 | ||
| 附註 | |||
| DRL 欣澳站同迪士尼站位於大嶼山東北部，因此所在區域唔係大嶼山大部份地區嘅離島區，而係屬荃灣區。資料根據區議會分界圖。 | |||
參閱
編輯