逗號

逗號係正常情況下句中間停頓用到嘅標點，形狀係一個實心圓圈右下向左下伸出一條尾。

形狀

全形

• 喺中國大陸咁寫「，」，橫排時置喺方格左下，直排時置喺右上。
• 喺台灣、香港就「，」咁寫，統一放喺方格中間。
• 喺日文叫做「讀點」（頓號），逗號（逗號）係種類之一。日本官方公文以往直式文書用「、」，改用橫書之後，文部省規定用「，」，但自治省頒布嘅就係「、」，「，」用喺數字（全形）千位分隔。而家除咗文化廳同裁判所之外，日文嘅讀點橫排嗰陣放喺方格左下，直排嗰陣放喺右上。

半形

• 英語逗號（comma「,」同撇號（apostrophe）「'」同右引號「’」嘅外形好似，但係逗號貼底線寫。
• 韓文橫排嗰陣用半形逗號。