邱汶珊

邱汶珊（英文：Cathy Yau，1983年—），係香港泛民主派社會運動人士，灣仔起步前成員，灣仔區議會銅鑼灣選區前任區議員。

邱汶珊2003年開始參加社會運動，做過民主倒董運動執委，又做過時任立法會議員劉慧卿嘅助理，2004年淡出社運，之後投考警隊。

2019年，邱汶珊因為唔滿意警方响香港修例風波向黑衫軍濫用暴力而劈炮，唔做差婆。之後佢得到楊雪盈嘅邀請，決定復出政壇，加入灣仔起步，並喺區議會選舉出選銅鑼灣選區，結果佢打低伍婉婷，成功當選，2021年7月頭宣布劈炮，唔撈區議員一職。