城市規劃（英文：urban planning），又叫都市規劃，係處理城市入面（包括市區、市郊同郊區）各種基建同土地用途嘅佈局同規模嘅學問，喺20世紀中開始畀各地政府重視。
由於城市嘅地價相對比較貴，所以好嘅城市規劃建築物容積率要妥善利用。但係另一方面，若果過份提高容積率，可能會對周邊環境構成影響，亦會對附近交通造成衝擊壓力，甚至不勝負荷而導致land use conflict（地域衝突）。即使城市發展相當重要，但係同時間亦要考慮歷史因素同古蹟保留。
