鄧紹斌
鄧紹斌（斌仔，1969年5月16號—2012年12月9號）係香港人，喺2003年、2004年先後去信當時嘅香港特別行政區行政長官董建華、香港立法會表示希望「有尊嚴噉結束生命」，要求安樂死，事件喺香港社會引起關注。
生平
編輯- 1988年喺聖言中學預科文組畢業，之後入羅富國教育學院（家下香港教育學院）修讀體育同社會科學。
- 1991年6月19號喺排練畢業禮表演時唔覺意跌傷背部，頸椎第一、二節斷裂，搞到頸部以下癱瘓。
- 2004年3月，佢寫信畀行政長官董建華要求安樂死。其後信件被公開，佢備受社會各方面嘅關注，有好多人[邊個？ ]寫心意卡慰問佢。
- 2006年3月28號，斌仔喺畢業近18年後，返到聖言中學，校方為佢舉行歡迎禮，全校師生熱烈咁招待佢。斌仔喺聖言為佢安排嘅演講上講咗一番勵志嘅說話，香港各大傳媒機構都有報導。
- 2006年6月13號，英國物理學家霍金訪問香港，喺香港科技大學舉行記者會。當日在場嘅鄧紹斌獲得霍金鼓勵，就算生命遇上困難，只要肯努力就會成功。
- 斌仔喺2007年出版個人著作–《我要安樂死》。
- 2010年8月19號，斌仔搬入獲分配嘅深水埗富昌邨公屋單位，離開住咗19年嘅瑪麗醫院病房。
- 2012年12月8號，斌仔因急病入醫院，第二日死。
著作
編輯- 《我要安樂死》，鄧紹斌自傳，三聯書店（香港）有限公司，2007年5月第一版，ISBN：9789620426728
出面網頁
編輯 |