聖言中學

聖言中學（Sing Yin Secondary School，簡稱聖言或SYSS）係香港一間天主教英文男子中學，喺九龍新清水灣道38號。佢係觀塘區Band 1名校之一。

聖言中學
克明峻德
位置
九龍新清水灣道38號
明細
類	津貼中學 （教學語言：全英文）
校訓	克明峻德
宗教聯繫	天主教
成立	1970年
校監	甘百德神父 （1970-1993） 羅禮善神父（Fr. Brian Lawless S.V.D.） （1993-2002） 林永基神父（Fr. Emilio Lim） （2002-2013 ）張明德神父 (Fr. Johnson Dhos)（2013-）
校長	甘百德神父 （1970-1993） 黃慧賢女士（Ms Wong Wai Yein） （1993-2001） 郭弼先生（Mr. Kwok But） （2001-2014 ） 黃志強先生（Mr. Wong Chi Keung） （2014- ）
教師人數	65位
註冊學生人數	大嘅1000人（30班）
辦學團體	聖言會（Divine Word Missionaries）
創校人	甘百德神父（Rev. Fr. Patrick Canavan）
網站	http://www.singyin.edu.hk/

聖言中學

歷史

聖言中學係由甘百德神父籌辦同監建嘅，甘神父其後更出任該校校長同校監二十幾年。

「聖言」呢個名係源自若望福音第一章「在起初已有聖言」。

「聖言」係指天主聖子降生成人，即係耶穌基督。作為基督徒嚟講，佢就係道路、真理、生命。作為一間天主教學校，聖言中學特別注重道德教育同社區服務。該校嘅辦學目標係「扶助學生確立一套圓滿嘅價值觀，以活得富有意義，並且成為社會嘅真正棟樑。」

大事

1966年，聖言會準備成立聖言中學，派甘百德神父到任。

1970年，學校正式成立，重收咗 370 個中一同中二學生。同年，藍田聖保祿中學建校，校舍借畀佢開辦中一。

1971年，聖言中學校舍落成啟用，校舍又借畀觀塘瑪利諾書院上堂。

1974年，聖言中學第一屆 135 個中五生畢業。

1975年，成立學生會。

1976年，開始喺中六招收女仔。

1977年，第一屆24個中七理科同學畢業。

1978年，第一屆中七文科同學畢業。1980年，成立舊生會，首任會長係鄭炎潘。

1990年，衛奕信夫人到訪聖言中學。

1993年，甘百德神父榮休。羅禮善神父接任校監，黃慧賢接手做校長。

1993年，因為新中六收生辦法，唔收得女仔讀中六。

1995年，胡振中樞機到聖言中學主持感恩祭。

1997年，教育署批准學校繼續用英語授課。

1998年，中四開多一班理科（三理二文），重推行文中有理，理中有文嘅課程改革。

1999年，成立家長教師會，第一屆主席係陳策樑。

2001年，黃慧賢離任校長，移民澳洲，由原本嘅副校長郭弼接任。

2002年，羅禮善神父離任校監，由林永基神父接任。

2003年，聖言會創立人楊生神父同聖言會第一位傳教士福若瑟神父封聖大典。同年，陳日君主教、湯漢輔理主教同陳志明副主教蒞臨主持封聖典禮。

2003年，中六開多一班理科（二理一文），下年中七都係二理一文。

2004年，學會同學生組織多到五十五個。

2005年，三十五周年校慶。

2006年，學校外評。

2009年，聖言申請遷校成功，並喺2011年9月由藍田安田街11號舊校舍搬入佐敦谷新校舍。

2010年，四十周年校慶。

2013年11月，聖言中學畀美國綠色建築物委員會評為兩間「2013年全球最綠學校」之一。

2015年，四十五周年校慶。

2020年，金禧校慶。

環境同設施

聖言中學嘅舊校舍係一座5層高（唔計地下同天台，計埋就有7層）嘅U字形校舍，向平田邨方向有一個3層高嘅附翼（禮堂）。體育設施有2個籃球場（其中一個同時為手球場同小型足球場），2個羽毛球場，1所健身室同一面三層高嘅攀石牆。

課室唔夠

由於聖言中學嘅校舍係按照1960年代嘅標準建造，但中六同中七分別喺2003年同2004年每級開多一班，而且有啲課室被改作其他用途，例如電腦室（201室）、音樂室（301室）同多媒體學習室（MMLC），所以全校只得25間課室，但有31班。因此中六同中七需要轉為流動班，當其他班別到特別室上堂，就會到空出嘅課室上堂。

課室及設施分配

樓層	設施（主樓）	設施（副翼）	設施（室外）
天台	天氣站	──	──
五樓	化學實驗室、危險化學品儲存庫、實驗室助理工作室、物理實驗室、神父宿舍、教材製作中心（504室，亦都係教員室）、三間標準課室（501室、502室、503室）	──	──
四樓	綜合科學實驗室、實驗室助理工作室、生物實驗室、兩間教員室、教師洗手間、學生洗手間、四間標準課室（401室、402室、403室、404室）	──	──
三樓	視覺藝術室、圖書館、副校長室、音樂室（301室）、五間標準課室（302室、303室、304室、305室、306室）	學生儲物櫃、禮堂樓座	──
二樓	地理室、多媒體學習室（MMLC）、副校長室、教學助理室、學生洗手間、電腦室（201室）、五間標準課室（202室、203室、204室、205室、206室）	學生儲物櫃、小聖堂、升學及就業輔導主任室、小課室	──
一樓	儲物室、校長室、兩間教員室、校務處、教師洗手間、學生洗手間、六間標準課室（101室、102室、103室、104室、105室、106室）	禮堂、樂器房、聖言電台廣播室	──
地下	兩個珊瑚觀賞缸、學會儲物櫃、乒乓球場、健身室、醫療室、儲物室、校工室、垃圾房、接見室（社工室）、英語角、學生會辦事處、校監室、學生洗手間、|小食部、有蓋操場、更衣室、體育用品室	兩個羽毛球場、籃球場、手球場（亦都係兩個小型籃球場同小型足球場）、旗杆、園藝閣、停車場

相

• 
  做緊外牆翻新工程嘅聖言中學（2006年8月15號）
• 
  做完外牆翻新嘅聖言中學（2006年8月31號）

舊生

• 鄧紹斌
• 鄭健和──漫畫家
• 徐樂文──第一屆泛珠三角洲物理奧林匹克競賽一等獎、國際物理奧林匹克競賽金獎
• 張仕──國際物理奧林匹克競賽銅獎
• 張嘉禧──第一屆泛珠三角洲物理奧林匹克競賽一等獎、國際物理奧林匹克競賽銀獎
• 李德文──國際物理奧林匹克競賽銅獎
• 周永強──別名：周強，電影監製，監製作品《三峽好人》獲2006年威尼斯電影節金獅獎
• 徐繼宗──香港流行歌曲作曲人
• 葉建源──香港立法會教育界功能界別議員，香港教育專業人員協會副會長
• 練錦鴻──香港司法機構主任裁判官
• 李騰駿──香港青年交流促進聯會執行主席
• 李啟豪──第三屆香港傑出學生(1987-1988),「青苗學界進步獎」導向委員會主席
• 周海峰──香港大學物理系教授

出面網頁

• 聖言中學校網（香港繁體）
• 天主教聖言會（臺灣正體）
• 聖言天氣站（英文）
• 聖言WeTube（香港繁體）
• 聖言VBlog（香港繁體）
• 聖言先鋒論壇（香港繁體）