鐘落潭站粵拼zung1 lok3 taam4 zaam6英文Zhongluotan Station)係廣州地鐵14號綫嘅車站,2018年12月28號開通,喺白雲區鐘落潭五龍崗廣龍路華龍街口(105國道嘅K2524+715標記位)。

鐘落潭
ZHONGLUOTAN
鐘落潭站嘅站名
概覽
冧巴 1406
位置 白雲區鐘落潭五龍崗廣龍路華龍街口
105國道嘅K2524+715標記位
座標 23°22′40.63″N 113°23′42.38″E / 23.3779528°N 113.3951056°E / 23.3779528; 113.3951056座標: 23°22′40.63″N 113°23′42.38″E / 23.3779528°N 113.3951056°E / 23.3779528; 113.3951056
車站色  
經過路線 14
啟站 2018年12月28號
月台 2
站口數 3
營運資訊
車站服務時間 06:02~23:15
列車服務時間 06:07~23:10
廣州地鐵14號綫
嘉禾望崗 ◄竹料 (4.6km) (5.6km)馬瀝► 東風

結構 編輯

外觀 編輯

File:ZungLokTaamZaam Surface.jpg
從出面睇鐘落潭站嘅樣

同其它14號綫嘅高架站一樣,呢個站嘅外觀方面,個樣似高鐵嘅高架站多啲,其中2樓部份睇落似玻璃牆。但佢有個地方同琶洲嘅會展中心唔一樣嘅係,呢個站最頂冇大隻紅字印住個站名響度。

樓層 編輯

呢個站一共有3層樓嘅地上區域,其中地上1樓係出入口,有設備房同市政設施;地上2樓係站廳,有票務設施,客務中心同商鋪;地上3樓係14號綫月台。站內既有休息室,又有廁所,更加有母嬰室。其中休息室有4個,喺14號綫月台範圍入面,每個月台各有兩個。而廁所同母嬰室喺站廳收費區入面近東邊牆邊範圍,其中母嬰室喺廁所嘅女廁門口隔籬。

打掂 編輯

地上
三樓
4月台 14號綫列車去竹料站(慢)(行嘉禾望崗嗰邊)
島式月台,開左邊門(限慢綫)
2月台 14號綫列車去嘉禾望崗站(快綫唔停站)
3月台 14號綫列車去東風站鎮龍站(快綫唔停站)
島式月台,開左邊門(限慢綫)
1月台 14號綫列車去馬瀝站(慢)(行東風嗰邊)
地上
二樓
站廳 售票機、客服中心、商舖、警務室、安檢設施
地面 出入口、設備房、市政設施

打橫 編輯

 
鐘落潭站嘅站廳
 
鐘落潭站嘅月台

站廳 編輯

鐘落潭站嘅站廳收費區喺車站東北邊,西南邊係過街通道。收費區有好多部扶手電梯同樓梯、專用𨋢往返月台都得。

月台 編輯

呢個站有兩個島式月台,喺廣從七路廣龍路口嘅上空,鐘落潭大鐘紀念碑西南邊500m位置。

不過,由於14號綫實行咗快慢綫,兩綫嘅列車行嘅軌道都唔同。其中慢綫列車喺車站開邊嗰兩條軌道停站,而快綫列車直接喺車站埋邊嗰兩條軌道飛站唔停。喺慢車到呢個站之後,若果下一班係快車兼馬上到呢個站飛站嘅話,慢車入面都有「而家係臨時停車,車輛設備安全」嘅反復廣播。

另外,呢個站嘅車行嗰四條軌道入面嗰兩條軌道之間,有條波口位響度,專門畀喺鐘落潭站以東北啲車站出冬瓜豆腐時,啲車會攞呢個站做總站,屆時去從化或新和、九佛、鎮龍一帶嘅需要轉乘其它交通工具。

商舖同自助服務 編輯

呢個站冇商舖,但得臺自助服務。自助服務凈得部共享雨遮響度。

自助服務
  • 共享雨遮

出入口 編輯

呢個站有3個出入口,分别係A、B1同B2。

冧巴 標記 方位 去到邊度
出入口A 廣從七路
地鐵鐘落潭站巴士站(北行)
出入口B1 廣從七路
鐘升東路
出入口B2 廣從七路
西北偏北
廣龍路、地鐵鐘落潭站巴士站(南行)

頭尾班車信息同配線圖 編輯

配線圖

14號綫
馬瀝站

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

竹料站

行去邊頭 頭班車 尾班車
每日
14號綫
嘉禾望崗站 06:09 23:05
東風站 06:07 23:10
注意:
喺晚黑最後一班車開走之前嗰5分鐘之內,
係唔畀入閘坐車(包括埋買車飛)。

車站歷史 編輯

規劃 編輯

喺2003年份地鐵規劃方案入面,嗰時嘅新華綫[註 1]由花都汽車城出發,先經過人和同太和,再跟住廣從公路去到從化街口為止,嗰時路線經過廣從公路嘅鐘落潭大鐘一帶。但2005年,新華綫嘅西段(花都汽車城⇆高增)被列入咗9號綫一部分[註 2],而廣從路段(太和⇆街口)直到2008年份規劃先至重新提出。

2010年,爲咗落實廣州市嘅「北優」發展戰略同埋支持從化同埋知識城嘅發展,嗰時份規劃話起14號綫,路線要起成「人」字樣。雖然話有整呢個站,但站位向西南移咗500m。雖然路線提出咗快綫嘅需求,但唔經呢個站[1]

施工 編輯

 
2017年3月14號,喺車站東北邊1.8km外嘅福龍路口附近條高架都重未鋪出嚟。
 
2018年4月8號,車站重喺度起緊,不過已經見到車站最基本嘅框架。
  • 2015年10月11號,車站正式喐手起。
  • 2017年12月28號深夜,喺呢個站到馬瀝之間嘅高架段順利合攏之後,成條14號綫主綫高架段貫通嗮。
  • 2018年1月30號上晝,車站順利封頂,成為14號綫一期最後封頂嘅車站。
  • 2018年5月31號,隨住鐘落潭⇄馬瀝之間嘅最後一條鋼軌成功焊接,主綫軌道嘅高架段長軌亦全面貫通[2]
  • 2018年8月31號,呢個站到竹料嘅兩個區間橋樑構件預制已經順利通過工程驗收。
  • 2018年9月26號,呢個站正式三權移交而開始營運前調試[3]

開通 編輯

2018年12月28號晏晝,由於14號綫一期主綫部份正式開通,呢個站亦正式開放。

事件 編輯

晚黑突發煤氣洩漏 編輯

2019年11月21號19:35(UTC+8),喺呢個站兩千米以外嘅白土村入面間化工廠發生咗煤氣洩漏,氣體隨之飄入車站,令成個地鐵站入面聞到煤氣味。事發之後,廣州地鐵方爲咗保障乘客同列車營運嘅安全,從而宣佈呢個站要封站,唔理係慢車定快車都好,冚唪唥都行入面條軌道唔停站通過[4]。直到22:14(UTC+8)先至解除禁令[5]

利用狀況 編輯

呢個站嘅主要周邊乘客都係以附近嘅鐘落潭一帶、天成莊、長腰嶺嗰邊啲村民同返放工啲廠房、工地啲職員、鐘落潭地區讀書啲學生為主

附近嘅建築同景區 編輯

  • 鐘落潭村口紀念碑
  • 五龍崗村
  • 華盛紙箱廠
  • 李莊新村

註同攷 編輯

  1. 喺2003年份地鐵規劃入面,嗰時嘅新華綫定嘅路線冧巴好亂,試過用咗「9號綫」同「14號綫」呢兩隻名。
  2. 同年亦將9號綫向西延長到飛鵝嶺嗰頭做總站。原先計劃二期延長到清遠,但因唔夠錢而冇繼續再搞西延長計劃。
  1. 广州地铁14号线一期及知识城支线获批 站点公布. 原著喺2016年3月5號歸檔. 喺2019年1月27號搵到.
  2. 线. 广. 今日頭條. 2018-05-31.
  3. 线. 广. 2018-10-29. 原著喺2018-12-22歸檔. 喺2019-01-27搵到.
  4. 广州地铁钟落潭煤气泄露 网友:咳得我差点晕厥. . 新浪. 2019-11-22.
  5. 广. . 搜狐. 2019-11-22.

上一站·下一站 編輯

上一站⇚⇚    廣州地鐵    ⇛⇛下一站
竹料站
嘉禾望崗站
鐘落潭站
14號綫(主綫慢車)
馬瀝站
東風站