阿柑

阿柑係一隻響香港家庭飼養嘅金毛尋回犬寵物，原本因為咬斷主人手臂而被決定將佢人道毀滅，但呢件事部份市民同香港傳媒關注，更有近千人響網上聯署要求「救救阿柑」。

阿柑響1996年出世，雄性，長4呎。佢響2004年曾有咬人前科，其後得到一梁氏家庭收養響將軍澳厚德邨住所。而家香港公共屋邨對收養狗隻有所限制，因此阿柑嘅收養並未得到房屋署嘅批准，屬非法飼養嘅狗隻。

2007年7月27號，阿柑涉嫌狂咬佢主人黃月嫦（梁太）嘅右手，最後因傷勢嚴重而需切除手臂。根據慣例，嚴重傷人嘅狗要畀漁農自然護理署人道毁滅。但係梁太嘅女梁淑兒就要求領返阿柑，漁護署以阿柑情緒唔穩定、唔適合被領養拒絕佢嘅要求。

同年8月中，一群愛狗人士發起網上聯署，要求漁護署釋放阿柑。聯署響兩天內已有超過1,500人，而漁護署也作出讓步，研究釋放阿柑嘅條件。

同年8月27號，元朗八鄉一家養狗場申請收養阿柑，待之直至天年。

收養阿柑嘅養狗場被揭發涉嫌擅自更改土地用途，而地政總署表示需要研究有關養狗場嘅地契內容。

參考

• 救救阿柑網上聯署行動
• “尋回犬護「兄弟」狂噬主人 死咬不放 六旬婦手臂或殘廢”，明報，2007年7月28號
• “咬人阿柑判無期徒刑 漁護署軟化：或准專家領養”，明報，2007年8月25號
• “逾1500人聯名救「阿柑」”，星島日報，2007年8月26號