開主選單

 阿爾泰語系粵拼aa3 ji5 taai3 jyu5 hai6英文Altaic languages),又叫阿勒泰語系aa3 lak6 taai3 jyu5 hai6,係根據語言系屬分類劃分出來嘅假說語系,包括突厥蒙古通古斯三個語族,有部分學者認爲韓文日本語言日文琉球文)、阿伊努話都可以劃入阿爾泰語系,但呢個面臨嘅否定聲音比較大,尤其係喺日本列島嘅後兩者。

阿爾泰語系嘅學說曾經認爲成立,成立理由在於呢三族語言有類型上嘅共性,比如佢哋都係粘着語,佢哋都有元音和諧律,佢哋都有共同嘅音韻特徵、即係流音顫音唔打頭。但呢個學說嘅致命傷在於呢三族語言之間搵唔出核心同源詞,能夠搵出嘅同源詞基本上係蒙古征服時畀蒙古文滲透嘅借詞,而淨低嘅同源詞則出自古代草原民族嘅文化交往。因此而家學界主流上唔再承認阿爾泰語系嘅成立,但認爲呢三族語言構成語言聯盟,有語言上嘅系統感染。因此學界裏頭將過去定性嘅三語族各自升格爲三語系

語言

突厥語族

蒙古語族

通古斯語族