脧

一條男人嘅脧

脧（粵拼：zeoi¹，又變讀zoe¹）或脧脧，又叫賓舟（讀音：ban1 zau1）（有時寫成賓周，班鳩），陰莖，係雄性動物嘅外生殖器官，哺乳動物嘅脧重係排泄器官添。同女人嘅陰蒂一樣，脧發育自胚胎時嘅交接器原基。脧可以用嚟屙尿，受到刺激會扯旗，做愛時會射精，用嚟生仔。

結構

脧能夠成形，全靠胚胎體內嘅特定睾丸素。如果無咗呢啲激素，生殖器就會變成屄。由脧一直到睾丸嘅下面，重可以見到呢個痕跡。有啲胚胎發育唔健全，蘇蝦仔出世時，脧下面會有裂口，出世時要縫番實佢，唔係第日痾尿時，啲尿會由脧下面流出嚟，搞到周地都係。

脧分成頭、體同埋根三部分，主要由兩個陰莖海綿體同一個尿道海綿體組成，外麵筋膜同皮膚包圍。

海綿體係兩端細嘅圓柱體，左、右各一，位於陰莖嘅背側。左、右兩者緊密結合，向前伸延，尖端變細，嵌入陰莖頭後面既凹陷內。陰莖海綿體嘅後端左、右分離，叫做陰莖腳，分別附喺兩側嘅恥骨下支同埋坐骨支。

尿道海綿體位於陰莖海綿體嘅腹側，尿道貫穿佢全長。中部呈圓柱形，前端膨大嘅係陰莖頭，後端膨大稱為尿道球（bulb of urethra），位於兩陰莖腳之間，固定喺尿生殖膈嘅下面。每個海綿體外面都有一層厚而緻密嘅纖維膜，分別叫陰莖海綿體白膜同尿道海綿體白膜。

所謂十隻手指有長短，每個男人條脧尺寸都唔同。據統計，美國人軟落嚟時，賓舟長7.8公分到12公分，扯旗時可以有11公分到18公分，西方男性勃起時平均約 14.9 公分。亞洲人種勃起時12公分至18公分都係正常。講到最把炮，通常首推黑人。

正常脧長短同男性性能力無乜關係，亦唔係好影響女性爽唔爽，但太短亦唔得，醫學界一般認為，條脧長過10公分，就算係正常。

文化

龐貝古城中希臘嘅神普里亞樸斯（Πρίαπος）條脧長成噉，當然唔係真，只係反映古羅馬人好羨慕佢嘅雄屌

別名

粵語裏面，脧有多個別名，好似：

• 「𡳞」(nan²)又寫「𨶙」、「撚」
• 「㞗」(gau¹)又寫「鳩」、「𨳊」、「尻」
• 「杘」(cat⁶)又寫「𨳍」、「𡴶」
• 「𨳊J」
• 「雞巴」
• 「周周」
• 「何B仔」
• 「子孫根」
• 「脧脧/JJ/脧脧仔」
• 「慈菇椗/仔」
• 「菇菇」
• 「蕉」
• 「小雞雞」

睇埋

• 人脧