硫磺海峽
(由青洲口跳轉過嚟)
硫磺海峽（Sulphur Channel），又叫青洲口[1]，《香港雜記》繙秀路化海道，係香港一海門，喺香港島西北，夾喺佢同青洲、小青洲之間。
地理
編輯硫磺海峽介於香港島摩星嶺西北，同青洲、小青洲東南，海門呈東北與西南之向。門嘅西面，係香港島嘅盡頭，出香港西內洋面，洋面寛闊。而門東向卑路乍灣，今日堅尼地城之處。
史
編輯硫磺海峽自古有船往來，有土名青洲口。
香港未開埠之時，英船成日灣泊香港，亦會經過呢度。而硫磺海峽之名，來自英國皇家水師，有炮艇名秀路化（HMS Sulphur），直譯硫磺而得名。喺鴉片戰爭期間，一八四一年一月十九號，義律同祈善簽和約，當中一條讓香港島畀英人，後人稱穿鼻草約。英人無耐就準備發港。英水師船長卑路乍，駕兵船秀路化，載頭等寶星畢拉同英國官員來港。廿五號船首次測量海港，當中包括青洲口。廿六號，眾人喺水坑口上岸。
二十世紀九十年代，香港政府有青洲填海計劃，硫磺海峽會填海，使青洲同香港島連接。之不過，環保組織大力反對，香港政府決定放棄計劃[2][3]。
航綫
編輯硫磺海峽，係西入域多利海口之路。經或由南洋來嘅船，會由呢度入港。南洋過南海，到東博寮海峽，經港島西側，彎入硫磺海峽，然後入港。所英國人叫佢做海道。
家下來往中環同長洲，同埋中環、南丫島嘅渡輪，會經呢度。而上環港澳碼頭、尖沙咀中港碼頭，去澳門、中山同珠海嘅船，亦會經呢度往來。