香港人權與民主祈禱會

香港人權與民主祈禱會，係2019年9月8號一次反逃犯條例修訂集會，喺中環遮打花園搞，亦容許集會人士流水式分批行去美國駐港澳總領事館請願。呢次集會主要目的係促請美國國會通過《香港人權與民主法案》。主辦單位宣稱有25萬人參加。

香港人權與民主祈禱會被腰斬後，防暴警察喺金鐘站戒備

集會雖然有不反對通知書，但活動中段被警方要求腰斬，開始有激進示威者破壞港鐵站，唔少集會人士徒步行去銅鑼灣站走人，晚黑，銅鑼灣站同太子站一帶，警方再同激進示威者爆發衝突。