開主選單

香港動漫電玩節,以前叫做香港漫畫節又或者香港動漫節,第一次舉辦喺1999年,2008年改咗名做動漫電玩節,係香港集合咗漫畫動畫電玩玩具模型嘅一個大型展覽,每年都會喺香港會展舉行。

歷史

 
香港動漫電玩節嘅展覽索引(2005-2008)同入場券(2006-2008)

香港電玩動漫節嘅前身係香港漫畫節 (Hong Kong Comics Festival),由1999年起開始喺每年嘅7月底舉行,成立之前漫畫商只係喺香港書展入面展出。漫畫節舉辦初期,主要參展商都係漫畫嘅出版商,隨著近年大會喺同場舉辦埋香港電玩展,吸引咗好多電腦遊戲同網上遊戲廠商參展。由於本地嘅漫畫業界發展成熟,漫畫人物近年逐步由書走入動畫世界,所以大會喺2006年開始,將「漫畫節」改咗做「香港動漫節及電玩展」。到咗2008年正式合併為「香港動漫電玩節」 (ACGHK,即係“Animation-Comic-Game Hong Kong”)。

「漫畫節」自1999年嘅發展

1999年以前,漫畫商都會喺香港書展展銷,但因為人數眾多,而且大部分訪客嘅興趣係漫畫,亦都曾經發生過逼爆玻璃嘅情況。所以,書展自此同漫畫節分家。

  • 1999年,第一屆香港漫畫節喺7月14至19日,喺九龍灣國際展貿中心舉行。
  • 2000年,因為反應熱烈,主辦單位開始將展覽場地改喺香港會議展覽中心舉行。當中引入Cyber嘉年華,推介更多嘅數碼產品。
  • 2004年,漫畫節吸引咗日本動畫頻道Animax冠名贊助,改名做Animax香港漫畫節2004
  • 2006年起,香港漫畫節正式改名做香港動漫節 (Ani-com Hong Kong) ,並同香港電玩展 (Hong Kong Game Fair) 一齊舉行。
  • 2008年起,結合做香港動漫電玩節 (ACGHK,即係Animation-Comic-Game Hong Kong)。

代言人

香港動漫電玩節每年都有安排代言人造勢。曾經做過代言人嘅藝員有:

出面網頁