香港難民
香港難民係指，因爲有某種災難而被迫嚟香港去尋求庇護嘅難民，現今只係香港人口嘅少部分。歷史上，每次喺香港附近地區發生災難之後，都會有難民流入香港。難民之中，好多嘅係華人同埋少部分嘅非華裔人，而大多都已經被吸納成為香港人嘅一部分，例如好似華人地區嘅中國大陸同埋非華人地區嘅越南等等。喺超過20萬位滯港嘅越南人之中，只有1,385人獲准喺香港度住。
截至2015年8月，香港大約有9,900名尋求庇護者，大多數嚟自南亞，正喺度等待庇護申請嘅裁決，唔過幾乎冇一個案例最終係承認為真正嘅難民。香港依家關於庇護制度有唔少嘅公開辯論，唔少人批評個制度根本唔能夠保證尋求庇護嘅人會適當咁用佢哋嘅生活費用，而申請人都冇如果造假故事嘅嚴重後果，更加有人話某啲唔係真係難民嘅人能夠透過同香港人結婚嚟入籍，成爲握錢握人嘅「難民」[1]。
歷史
編輯香港周邊地區嘅動盪一直都係難民湧向香港嘅原因。1949年國共內戰完咗之後，導致成千上萬嘅中國內地難民逃港。喺60年代，越戰嘅完結亦都帶嚟咗幾十萬嘅越南難民。最終，喺難民申請之中，有143,700位越南難民喺第三國安置咗，有大約67,000位越南移民被遣返去越南。只有大約1,000位越南難民獲批准喺香港定居。
2004年，香港終審法院指示香港政府單獨審議所有難民庇護，同埋要求提出個人評估嘅制度之後， 嚟香港尋求庇護嘅人好明顯多咗。2013年3月，終審法院裁定，難民申請嘅裁定一定要經過司法覆核。呢個有代表性嘅重要裁決，令香港重新考慮酷刑聲請嘅制度。聯合國難民署過去曾經決定過難民嘅地位，並且處理由香港去到第三個國家嚟重新安置嘅難民。喺法院提出嘅推動之下，香港喺2014年開始實行統一篩選機制。[2]
喺2014-15年期間，尋求庇護者嘅數量急劇上升，由2014年頭到2015年年中升咗7成，原因主要係香港統一咗酷刑聲請嘅篩選機制。
統一篩選機制
編輯由2014年開始，喺香港審議難民同酷刑聲請嘅制度，喺統一篩選機制嘅共同框架之下執行，並且由入境事務處嚟管理。如果有人俾入境事務處拒絕咗佢嘅聲請，可以喺香港法院度提出上訴。
酷刑聲請嘅成功率好低。截至2013年，入境事務處嘅酷刑聲稱評估組總共評估咗4532單申請，但係只有12單成立。
機制被濫用
編輯2012年，入境事務處發言人表示，政府嘅官方立場係，香港長期以嚟有一個“不給予庇護，不接納尋求難民身份的人”嘅政策，因為擔心尋求庇護者會因為香港嘅繁榮，而濫用佢嘅制度同埋自由簽證嘅政策。[3]
入境事務處喺2013年嘅年報度指出，大部分酷刑聲請人因為違反香港法律，而俾聯合國高等院難民專員通知要離開香港。南華早報指出，有一啲尋求庇護者並冇真正受過酷刑，而係利用處理手續嘅時間喺香港做非法嘅工作。
人口
編輯截至2015年8月，大約有9,900位嚟自南亞嘅尋求庇護者等緊佢哋嘅庇護申請。有超過一半嘅尋求庇護者係嚟自呢三個南亞國家：巴基斯坦、印度同埋孟加拉。
尋求庇護者通常住喺低成本嘅住房，因為香港政府提供咗基本水平嘅租金津貼。位於尖沙咀嘅重慶大廈係尋求庇護者一個受歡迎嘅生活區，而有啲亦因爲住宿比較平嘅緣故，而選擇住喺新界嘅鄉村。
成本同援助
編輯喺2013-14嘅財政年度，向尋求庇護者提供嘅援助總額係4.5億港元。因爲酷刑聲請人唔受容許做嘢，所以政府需要每個月提供：超市消費額、租金補貼、食品同醫療護理等等，亦會為冇辦法請律師嘅尋求庇護者提供法律支援。
依家，香港嘅國際社會服務社係外判機構，專係負責向尋求庇護者提供人道援助。人道援助亦都有俾人濫用嘅情況，例如變賣食物去換取現金，或者亂咁搬屋搞到按金俾業主扣除等等。喺審計處嘅報告指出，2017年2月1號到2019年1月31號之間，同埋2019年2月1號至到2020年3月31號之間，俾業主冇收嘅租金按金分別係970萬蚊 (總共涉及4,027單) 同埋190萬蚊 (860單)。審計署嘅審查社署喺2019年2月1號至到2020年3月31號之間，喺大量購買副食品嘅個案做咗嘅查核之後發現，有2,380個電子代幣懷疑俾人用嚟大量購買副食品。
支持尋求庇護者嘅高成本，也都係自由黨喺2015年提出撤銷免簽證嚟喺香港入境嘅理由之一。
相關罪行
編輯有一啲香港市民認為，尋求庇護者同街頭嘅罪案率高咗都有關係。有評論引用咗2012年尖沙咀同元朗由1月同7月嘅罪案案件數目，發現少數族裔有關嘅罪案案件數量比例分別係2.7%同埋5.4%[4]。
根據警方嘅資料顯示，2016年全香港因為犯法而俾人拉嘅人數有33,242人，而其中屬於非華人嘅數目又4,703名，佔咗14.1%[5]，2016年香港非華裔人士因涉扒竊、藏有攻擊性武器和非禮等罪行而被捕嘅人數也較過往持續增加[6]。
根據2016年中期人口統計嘅數字，非華人佔香港總人口嘅8%[7]，但係佔全香港因為犯法而俾人拉嘅人數嘅14.1%[5]，令到有啲香港報章評論叫非華裔嘅犯罪人士為「假難民兵團」[8]。
2013年6月，一位26歲嚟自印度嘅尋求庇護者，喺重慶大廈嘅宿舍強姦咗一位嚟自中國大陸嘅女人。
喺2015年，一連串嘅拘捕行動總共拉咗84個疑犯，搗破咗一個喺香港經營嘅販毒組織，大部分嘅嫌疑犯都係主要嚟自岡比亞嘅非洲人，而佢哋嚟香港都係尋求庇護。[9]
2017年2月13號，一位40歲嘅黑人因為有一件由莫桑比克寄去香港嘅速遞郵件俾人發現藏毒，喺元朗八鄉被人拉，其間一度都有反抗[10]。
2017年4月16號晚，一位南亞裔嘅男人喺尖沙咀麽地道非禮咗一位20歲嘅女人，警方喺接報之後趕到，將嗰位男人拉咗。油尖旺區議會議員許德亮表示，涉及南亞裔人嘅罪案愈嚟愈多，令市民非常擔心[11]。
2017年4月29號晚，喺香港深水埗黃竹街嘅楓樹街球場，分別有印度裔同巴基斯坦裔嘅男人聚集，總共有大約50人。佢哋各自手持利刀、鐵棍、高球棍同玻璃樽等嘅武器互相毆鬥，其中6位印度裔嘅人持有嘅「行街紙」表明佢哋係酷刑聲請人士[12]。
2017年5月1號晚，兩批每邊有三十幾人嘅南亞裔人士，喺牛頭角定安街富安大廈對開聚集。佢哋互相叫囂對峙，其中有人手持鐵通同埋開山刀。兩邊嘅人展開追逐，警方到場之後，兩邊嘅人都作鳥獸散，逃去無踪[13]
2017年5月2號嘅朝早，有大批南亞裔人喺荔枝角道近桂林街一帶，手持利刀同棍，互相追打。警方到場之後拉咗6個人，同埋追捕咗其他喺逃嘅涉案人士[14]。
2017年8月19號下晝，一位23歲索馬里籍嘅酷刑聲請人士，喺油麻地因為冇錢嫖妓，老羞成怒咁攞住生果刀，喺人來人往嘅廟街隨機追斬途人，一位巴基斯坦籍嘅酷刑聲請人俾佢斬傷咗。後嚟，嗰位索馬里人俾警員制服之後拉咗。[15]
參看
編輯參考文獻
編輯- ↑ 〈【壹週刊】南亞風暴》港女癡戀南亞 被洩慾兼破產〉。原著喺2017-10-18歸檔。喺2017-10-18搵到。
- ↑ Choy W C; Shi X (2021-03-01). "A comprehensive review of refugee and asylum studies in contemporary Hong Kong: Law, policies, and lived experiences". Asian Journal of Social Science (英文). 49 (1): 38–48. doi:10.1016/j.ajss.2020.11.002. ISSN 1568-4849. 原先內容歸檔喺2021-10-04. 喺2021-10-04搵到.
- ↑ "New UNHCR head urges Hong Kong to protect refugees and asylum seekers". South China Morning Post. 2012-12-02. 原先內容歸檔喺2021-02-25. 喺2017-01-09搵到.
- ↑ 〈非華裔犯案便是假難民？〉。《立場新聞 Stand News》 (繁體中文)。2016-10-05。原先內容歸檔喺2021-01-23。喺2017-09-03搵到。
- ↑ 5.0 5.1 〈2016年香港罪案情況記者會〉。原先內容歸檔喺2015-06-30。喺2017-09-05搵到。
- ↑ 〈假難民犯罪急升 去年拘4703人西九重災〉。原先內容歸檔喺2019-12-02。喺2017-09-05搵到。
- ↑ 〈按種族及年劃分的人口〉。原先內容歸檔喺2019-11-06。喺2017-09-05搵到。
- ↑ 〈功夫茶：假難民攻陷西九 切毒瘤拖到幾時〉。原先內容歸檔喺2019-10-31。喺2017-09-05搵到。
- ↑ "Drugs network 'eradicated' in Hong Kong's Lan Kwai Fong nightlife district". South China Morning Post. 2015-07-12. 原先內容歸檔喺2021-03-01. 喺2017-01-09搵到.
- ↑ 〈非洲寄港邮包藏$140万大麻 声请非汉被捕〉。原先內容歸檔喺2019-11-11。喺2017-04-29搵到。
- ↑ 〈声请南亚色狼施咸猪手 街头非礼20岁女被捕〉。原先內容歸檔喺2018-08-07。喺2017-04-26搵到。
- ↑ 〈深水埗南亚帮50人厮杀 印度大战巴基6人伤〉。原先內容歸檔喺2019-11-09。喺2017-04-30搵到。
- ↑ 〈南亚兵团战火蔓延牛头角 天眼直击街头追斩〉。原先內容歸檔喺2019-11-01。喺2017-05-05搵到。
- ↑ 〈南亞兵團深水埗4日2廝殺 警拉5漢檢刀棍〉。原先內容歸檔喺2019-12-02。喺2017-05-05搵到。
- ↑ 〈假難民嫖妓爭執擸刀斬途人 EU拔槍出椒制服〉。原先內容歸檔喺2019-11-18。喺2017-09-05搵到。
出面網站
編輯- 執法及酷刑聲請審理部 Wayback Machine嘅版面存檔備份 入境事務處2013年年報