香港電視娛樂
香港電視娛樂有限公司（英文：HK Television Entertainment Company Limited[2]），簡稱港娛（HKTVE[3]），係香港商營無線電視台，亦係目前香港四家免費電視台集團之一[註 1]。由電訊盈科（港交所：0008）透過附屬公司PCCW Interactive同信託公司全資擁有同經營。
| HK Television Entertainment Company Limited | |
 | |
| 類型 | 有限公司 電訊盈科子公司 |
|---|---|
| 開檔 | 2010年1月18號 |
| 總部地址 |  香港香港島鰂魚涌英皇道979號太古坊電訊盈科中心41樓 香港九龍九龍灣啟祥道17號太豐匯4樓401室 香港九龍九龍灣啟祥道17號高銀國際金融中心6至8樓[1] |
| 緊要人物 | 李澤楷（創辦人） 魯庭暉（董事會成員） 鍾廣德（總經理） 金廣誠（製作部副總裁） |
| 產業 | 傳媒、電視、大眾傳播 |
| 產品 | ViuTV同ViuTVsix |
| 網址 | viu |
旗下有兩條免費電視頻道，分別為粵語頻道ViuTV同英語頻道ViuTVsix。ViuTV已喺2016年3月31號起透過Now TV平台試播，2016年4月2號起透過香港數碼地面電視廣播平台試播，並已經喺2016年4月6號透過香港數碼地面電視廣播同Now TV 99台、ViuTV應用程式同其網站viu.tv Wayback Machine嘅版面存檔備份啟播，而ViuTVsix已喺2017年3月31號喺香港數碼地面電視廣播同Now TV 96台啟播。
2022年4月下旬，香港電視娛樂進行業務重組，電訊盈科開咗間叫MakerVille嘅公司，接手香港電視娛樂嘅節目製作同藝人管理工作，實現「製播分家」。同年5月頭開始，所有首播嘅香港電視娛樂自製節目（包括之前已經播緊嘅節目）片尾公司標誌，亦由香港電視娛樂改做MakerVille。
歷史
編輯申請免費電視牌照
編輯2009年夏，廣播事務管理局（通訊事務管理局前身）對亞洲電視同無綫電視進行公聽會，會上意見多數針對無綫多年一台獨霸電視市場（慣性收視）、亞視多次更換管理層令節目脫離香港觀眾口味，需要發出新免費電視廣播牌照。2009年冬天，廣管局收到香港市民意見，歡迎收費電視同衛星電視申請加入香港免費電視廣播市場。2010年1月18號，電訊盈科發出新聞稿，指鑒於政府正接受免費電視牌照申請而又認為公司有能力，所以決定申請免費電視牌照[4]。2010年3月31號，香港電視娛樂向廣管局提交免費電視牌照申請。
2013年10月15號，香港電視娛樂與奇妙電視分別喺同一日獲得行政會議原則上同意發牌[5]。
開台準備
編輯2013年至2015年期間，香港電視娛樂羅致一批幕後人材，包括劉家豪、梅小青、金廣誠、方俊華，為製作自家品牌劇集籌組幕後班底（劉家豪、梅小青已喺2016年3月回巢無綫電視）。
2015年9月，為準備正式開台，羅致一批藝人為製作劇集籌組幕前班底。[6]
「一視．仝人」創意計劃
編輯2013年11月7號，香港電視娛樂啟動「一視．仝人」創意計劃[7]。
爭取大氣電波頻譜
編輯2014年4月9號，香港電視娛樂同奇妙電視一同獲通訊事務管理局發出擬議牌照文本，並會隨即與當局討論當中擬議嘅牌照條款。[8]同年5月4號，電訊盈科主席李澤楷出席股東會表示，Now寬頻電視仍與政府磋商免費電視發牌條款，尹承傑喺政府總部同行政長官梁振英討論點樣安排公平使用廣播頻譜，並望能向政府爭取大氣電波頻譜，以將覆蓋率提升至100%[9][10][11]。
進行改組
編輯根據《香港法例》第562章《廣播條例》第8(c)條同附表4第2條，公司如屬某法團嘅附屬公司，不得獲批或持有免費電視牌照，而香港電視娛樂喺申請牌照時嘅最終母公司為電訊盈科。為符合非附屬公司嘅規定，香港電視娛樂喺2014年5月進行企業改組，改組後，電訊盈科透過附屬公司「PCCW Interactive Media Holdings Limited」持有50%無表決權股份，而另外2間信託公司「HKTVE (B Class) (PTC) Limited」同「HKTVE (C Class) (PTC) Limited」則分別持有100%有表決權股份同50%無表決權股份。[12]
獲發免費電視牌照
編輯2015年4月1號，商務及經濟發展局局長蘇錦樑公佈行政長官會同行政會議喺考慮通訊事務管理局建議後，決定批出有效期為12年嘅免費電視牌照畀香港電視娛樂，即時生效。蘇錦樑指出，香港電視娛樂嘅覆蓋率將會由最初嘅65%逐步提升至80%或者以上，期望香港電視娛樂可以盡快開台。佢又指出，2021年將會進行中期檢討。同日晚上，香港電視娛樂表示歡迎香港政府發出免費電視牌照，同時期望香港政府可以加快處理頻譜分配決定，畀香港電視娛樂能夠使用廣播頻譜[13]。此外，香港電視娛樂承諾喺開台10年投資27億港元，包括喺首6年投資近14億港元、喺一年內提供一條每日24小時綜合粵語頻道、喺兩年內提供一條每日16小時綜合英語頻道，亦都宣佈已經成立擁有3億港元嘅基金，用作發展同購買香港製作節目，包括電視劇集、綜藝節目、清談節目同紀錄片等等。
獲指配廣播頻譜
編輯2015年7月31號，通訊事務管理局決定採用行政指配方式，指配原由亞視使用嘅多頻網頻道嘅一半傳輸容量予香港電視娛樂，以提供持牌免費電視服務[14]。
公佈電視台名稱
編輯2015年10月20號，香港電視娛樂宣佈以「ViuTV」作為免費電視品牌，並啟用網站同facebook專頁[15]。同日傍晚，香港電視娛樂舉行品牌發佈會，以「電視真開始」為標題，宣佈免費電視台將喺2016年4月開台，口號為「實況娛樂，真係選擇」。
正式廣播
編輯2016年3月31號，香港電視娛樂根據新牌照條款喺now寬頻電視頻道99試播；4月2號，香港電視娛樂喺大氣電波99台進行試播。同年4月6號，香港電視娛樂喺香港會議展覽中心舉行開台禮，正式開台。但香港電視娛樂只限喺數碼廣播，將唔會提供模擬廣播服務。
公司總部
編輯廣播方式
編輯香港電視娛樂喺申請免費電視牌照時要求喺一條備用嘅全港性特高頻（UHF）頻道（“62頻道”）提供數碼地面電視服務，直至2015年為止（因當時香港政府計畫喺2015年停播模擬電視信號，惟後來決定延遲到2020年），之後會將這條頻道交返畀政府。[16]為確保觀眾能無間斷地享用其服務，佢會喺香港嘅模擬電視服務全面終止前申請使用騰出嘅頻道。另外，香港電視娛樂亦會使用現有收費電視（now寬頻電視）服務嘅現有寬頻網絡，以彌補數碼地面電視覆蓋範圍嘅不足。
然而，香港電視娛樂喺2015年先至正式獲發免費電視牌照，而佢原本要求嘅特高頻頻道62頻道已被港台電視使用。其後，因為亞視嘅免費電視牌照唔畀續期，亞視用開嘅1.5條數碼頻譜會被收返。2015年7月31號，通訊事務管理局宣佈香港電視娛樂喺2016年4月2號起，獲分配原由亞視使用嘅一條多頻網頻道嘅一半傳輸容量（即原用作傳送本港台同國際台嘅部份）。香港電視娛樂原要求指配一整條數碼頻道，但通訊局注意到港娛獲發牌照提供一條高清頻道同一條標清頻道，同埋考慮到頻譜供應有限，加上其他準免費電視持牌機構可能對有關頻譜有需求，因此決定指配現有多頻網頻譜餘下嘅一半傳輸容量（即原亞視11頻道本港台同16頻道國際台佔用嘅頻譜）畀港娛。
頻道
編輯香港電視娛樂喺開台初期將提供兩條頻道：喺一年內提供一條每日24小時綜合粵語頻道、喺兩年內提供一條每日17小時綜合英語頻道。兩條頻道分別係24小時同17小時廣播嘅綜合頻道，並會以數碼廣播形式播放，並透過租用now寬頻電視嘅混合光纖同軸（Hybrid fibre-coaxial）網路同大氣電波（原亞洲電視11本港台同16國際台頻譜）傳送訊號，數碼廣播初期訊號為高清（1080i）廣播，而港娛亦打算籌備開辦類似無綫《勁歌金曲》嘅電視節目（後來已製作綜合式音樂節目《Chill Club》，現時喺ViuTV播出）。
免費電視頻道一覽
編輯| 頻道 編號 |
頻道名稱 | 頻道內容 | 傳送制式 | 視訊制式 | 啟播日期 | 相關連結 |
| 99 | ViuTV | 24小時粵語綜合頻道，提供劇集、實況娛樂、綜藝同資訊、新聞同財經、牌照規定節目。 | 香港數碼地面電視廣播（大氣電波）、now寬頻電視（固定寛頻網絡） | 高清電視 1080i 16:9 | 2016年4月6號 | 官方網頁 Wayback Machine嘅版面存檔備份 |
| 96 | ViuTVsix | 17小時[17]英語綜合頻道，本頻道以新聞資訊節目為主打節目。 | 2017年3月31號 |
管理層
編輯- 董事局[18]
- 高層
幕後人員
編輯香港電視娛樂播放嘅節目部份為Now TV製作，下列部份可能只為Now TV嘅幕後職員未必為香港電視娛樂嘅幕後職員。（當中游學修亦係 ViuTV藝員）
| 製作人（總製片） | ||||
| 郭小峰 | 羅婉霞 | 鄧如嫣 | 周俊傑 | 張嘉明 |
| 葉俊傑 | ||||
| 副製作人（助理製片） | ||||
| 黃文鍵 | 薛泰傑 | 謝皓鈞 | 麥庭彰 | 余穎欣 |
| 監製 | ||||
| 盧冰心[註 2] | 曾昭隆[19] | 吳繼業[20] | 楊任豪[21] | 張家強[22] |
| 盧思麟 [23] | 賀志良 [24] | 羅俊華 [25] | 鄧立榆 [26] | 黃慧君 [27] |
| 林子健 [28] | 何國敏 [29] | 韋嘉華 [30] | 南方舞廳 [31] | 余樂明[32] |
| 孔令宜 | 吳漢邦 | 羅嘉駿 | 劉美君 | 陳榮昌 |
| 歐錦棠[33] | 葉子文 | 莫至剛 | ||
| 譚惠貞 | 陳翹英 | 游學修[34] | 李海茵 | 林保怡[35] |
| 許少芬 [36] | 羅佩怡[32] | 陳志發 [37] | 張凱銘[38] | 蘇永基 |
| 陸天華 | 劉健倫 | 張碗婷 | 王嘉恩[39] | 高林豹[33] |
| 張之彦[40] | ||||
| 編導 | ||||
| 徐志勇[41] | 劉俊傑[41] | 蕭家雯[42] | 廖明心[43] | 鄭繼榮 [44] |
| 李振聲 [45] | 容嘉雯 [46] | 李上孜 [47] | 何文廣 [48] | 忻家同 [49] |
| 李宏達[50] | 魏健濠[51] | 陳樹培[52] | 吳家榮[53] | 陳國恒[54] |
| 黎健倫[55] | 楊允中[55] | 張家亮 | 伍佩泯 | |
| 編審 | ||||
| 蔡建生[56] | 陳長勤 [57] | 羅世雄 [58] | 陳嘉欣 [59] | 黎明寳 [60] |
| 鄭仲祺 [61] | 譚偉強 [62] | 盧思麟 [63] | 南方舞廳 [64] | 蕭寶年 |
| 文迪 | 吳俊達 | 陳佩君[65] | 余鎮漢 | 劉美琪 |
| 謝家驥 | 樂末 | 歐錦棠[66] | ||
| 編劇 | ||||
| 黃綺琳[67] | 黃智揚 | 陳小娟 | 鄭思源 | 羅韻貽 |
| 陳永康 | 梁家威 | 黎雅倫 | 梁御東 | 李卓風 |
| 駱競茵 | 羅海兒 | 黎敏樺 | 石俊傑 | 呂肇永 |
| 林逸瀚 | 黃志邦 | 李悦 | 陳梓桓 | 林熹瞳 |
| 黃安培 | 葉偉平 | 劉國瑞 | 曾憲寧 | 游學修 [68] |
| 黃竣培 | ||||
| 導演 | ||||
| 葉雲正[69] | 蕭家雯[70] | 文迪[71] | 潘志恒[72] | 何國敏[73] |
| 潘可欣[註 3] | 林俊賢[註 3] | 龍才生[註 3] | 李卓宇[註 3] | 范榮笙 |
| 陳文進 | 張敬仁 | 楊志堅 | 盧昭宏 | 陸天華 |
| 吳肇麟 | 麥家威 | 孔令政 | 黃汝樂 | 羅俊偉 |
| 周家利 | 鄭英偉 | 劉國瑞 | 曾憲寧 | 游學修 [74] |
| 高林豹[75] | 黃穎珊 | 劉諾衡[76] | 簡君晉 | |
| 助理編導/副導演 | ||||
| 賴永昌 | 蘇莎朗 | 李嘉儀 | 陸肇軒 | 顔順康 |
| 梁卓祺 | 梅兆輝 | 姚嘉賢 | ||
| 周司朗 | 何啟智 | 彭雋升 | 王靜 | |
| 邵柏晞 | 陳梓栅 | 陳瑋宗 | 袁瑋麒 | |
| 公關 | ||||
| 王小姐 | ||||
藝員
編輯ViuTV出鏡嘅大部份藝人都係簽部頭合約，即係一份合約拍一個節目，開台初期只係得少數出身now TV嘅藝人屬簽長約嘅合約藝員，而MIRROR同ERROR嘅音樂作品及演唱會係由「大國文化藝人管理有限公司」做經理人，之後ViuTV亦透過選秀比賽（譬如《美選D.n.A》同《全民造星》）同其他途徑去吸納合約藝員。
2022年4月開始，香港電視娛樂嘅藝員改為同新公司MakerVille簽約，MakerVille旗下藝人就即係ViuTV嘅合約藝員。
合約評述員藝員
編輯財經主持
編輯智富通主持
編輯香港電視娛樂播放嘅粵語新聞節目為now新聞部製作，香港電視娛樂暫時並無任何新聞主播或記者，以下主要係財經節目主持。
| 男主持 | |||||
| 余樂明 | 葉景強 | 黃德几 | |||
| 女主持 | |||||
| 羅佩怡 | 莊斯惠 | 黃楚喬 | |||
| 前主持 | |||||
| 陳緼珈 | 陳思銘 | 梁駿熙 | 黃合秀 | 周家怡 | 陳佩兒 |
| 具格 | 林小珍 | 范巧茹 | 王嘉恩 | 李元玄 | 林伽遙 |
| 筱靖 | 林穎欣 | 林燕玲 | 黃堯姿 | 陳嘉豪 | |
24K財經前主持
編輯以下主要係24K財經節目主持，來自廣東廣播電視台，停播後悉數離職。
| 男主持 | |||||
| 路遙遙 | 莊雨煒 | ||||
| 女主持 | |||||
| 周彤 | 邱潔驊 | 徐瑋灃 | 楊艾蔓菁 | 魏寧 | 劉文惠 |
| 任浩瑤 | 王嘉恩 | ||||
聯盟公司
編輯自2016年開台後，香港電視娛樂同香港五大唱片公司合作。亦有同其他一啲娛樂製作公司合作製作節目。常合作嘅公司包括:
應用程式公司合作計劃
編輯註釋
編輯參考
編輯- ↑ 〈每月焦點〉。香港電視娛樂。原著喺2020-10-17歸檔。喺2018-04-07搵到。
- ↑ "Chief Executive in Council's decisions on free TV licence applications of ATV and HKTVE". 《香港政府新聞網》 (英文). 2015-04-01. 原著喺2021-01-16歸檔. 喺2015-08-20搵到.
- ↑ Communications Authority - Domestic Free Television Programme Service
- ↑ 〈電訊盈科申請免費電視牌照〉。電訊盈科。2010-01-18。原著喺2020-04-26歸檔。喺2016-04-05搵到。
- ↑ 〈行政長官會同行政會議原則上批准兩宗免費電視牌照申請〉。政府新聞公報。2013-10-15。原著喺2013-10-21歸檔。喺2013-10-20搵到。
- ↑ TVB面臨花旦小生過檔潮
- ↑ 〈電訊盈科投資港幣3億元 啟動「一視．仝人」創意計劃〉。原著喺2020-04-26歸檔。喺2013-12-05搵到。
- ↑ 〈通訊局發奇妙電視香港電視娛樂牌照文本〉。原著喺2014-05-13歸檔。喺2014-05-18搵到。
- ↑ 〈李澤楷：如無廣播頻譜 獲免費牌意義不大〉 (香港中文)。香港蘋果日報。2014-05-08。原著喺2017-02-16歸檔。喺2014-05-08搵到。
- ↑ 〈李澤楷：正爭取獲大氣電波頻譜〉。原著喺2020-10-17歸檔。喺2014-05-08搵到。
- ↑ 〈李澤楷：有電視牌冇頻譜 意義不大〉。原著喺2014-06-05歸檔。喺2014-05-09搵到。
- ↑ 〈立法會參考資料摘要 《廣播條例》 (第 562 章) 香港電視娛樂有限公司 本地免費電視節目服務牌照申請〉 (PDF)。商務及經濟發展局 通訊及科技科。2015-04-01。頁 4。原著 (PDF)喺2020-04-26歸檔。喺2015-10-21搵到。
- ↑ 〈【亞視末路】電盈旗下香港電視娛樂獲12年免費牌照〉 (香港中文)。香港蘋果日報。2015-04-01。原著喺2015-04-03歸檔。喺2022-01-31搵到。
- ↑ 〈亞視嘅免費電視牌照屆滿後被撤銷嘅廣播頻譜嘅指配方式〉。通訊事務管理局 新聞公報。2015-07-31。原著喺2015-08-03歸檔。喺2016-04-11搵到。
- ↑ 〈李澤楷免費電視台 名為ViuTV 明年四月啟播〉 (香港中文)。立場新聞。2015-10-20。原著喺2021-10-02歸檔。喺2022-01-31搵到。
- ↑ 〈香港電視娛樂有限公司嘅申請嘅諮詢公告〉 (PDF)。原著 (PDF)喺2020-04-26歸檔。喺2012-04-30搵到。
- ↑ 〈批准香港電視娛樂有限公司（香港電視娛樂）使用頻譜作為新增傳送模式並向香港電視娛樂發出綜合傳送者牌照以使用頻譜傳送免費電視服務-附錄A〉 (PDF)。原著 (PDF)喺2016-01-27歸檔。喺2016-04-20搵到。
- ↑ 〈香港電視娛樂董事索引截圖〉。《公司註冊處網上查冊中心》。原著喺2020-10-17歸檔。喺2015-10-21搵到。
- ↑ 《煮角》、《一個地波》、《輝哥嘅饌賞》、《食勻全中國》、《物一世.人一世》、《點相》、《肥美人》監製
- ↑ 《跟住矛盾去旅行》、《巷弄台北》監製
- ↑ 《G-1格鬥會》、《一大一路》監製
- ↑ 《體育係...》監製
- ↑ 《粤詞越愛》、《快樂童盟》監製
- ↑ 《lnterviu》、《關人煮事》、《同2047特首上學去》監製
- ↑ 《無價道》監製
- ↑ 《無價道》監製
- ↑ 《真PK》監製
- ↑ 《屢見耆工》監製
- ↑ 《We l U》監製
- ↑ 《總有一隻係左近》、《超想樂盧冠廷》監製
- ↑ 《瑪嘉烈與大衛系列 綠豆》監製
- ↑ 32.0 32.1 《智富通》監製
- ↑ 33.0 33.1 《打天下》監製
- ↑ 《仇老爺爺》監製
- ↑ 《歎息橋》監製
- ↑ 《經緯線》監製
- ↑ 《三一如三》監製
- ↑ 《區區有樂》監製
- ↑ 《24K財經》監製
- ↑ 《男排女將》監製
- ↑ 41.0 41.1 《G-1格鬥會》編導
- ↑ 《G-1格鬥會》、《一大一路》編導
- ↑ 《G-1格鬥會》 編導
- ↑ 《lnterviu》編導
- ↑ 《View》編導
- ↑ 《關人煮事》編導
- ↑ 《借宿一宵》編導
- ↑ 《輝哥嘅饌賞》 編導
- ↑ 《食匀全中國》編導
- ↑ 《巷弄台北》編導
- ↑ 《真PK》、《巷弄台北》 編導
- ↑ 《一個地波》編導
- ↑ 《超想樂盧冠廷》 編導
- ↑ 《總有一隻係左近》編導
- ↑ 55.0 55.1 《屢見耆工》編導
- ↑ 《G-1格鬥會》、《一大一路》編審
- ↑ 《lnterviu》編審
- ↑ 《總有一隻係左近》編審
- ↑ 《真PK》、《Yo!Gym+》編審
- ↑ 《一個地波》、《輝哥嘅饌賞》編審
- ↑ 《理想職業》編審
- ↑ 《借宿一宵》編審
- ↑ 《快樂童盟》編審
- ↑ 《瑪嘉烈與大衛系列 綠豆》、《三一如三》編審
- ↑ 《埋班》編審
- ↑ 《打天下》編審
- ↑ 《瑪嘉烈與大衛系列 綠豆》編劇
- ↑ 《仇老爺爺》編劇
- ↑ 《理想職業》導演
- ↑ 《Yo!Gym+》 導演
- ↑ 《無價道》 導演
- ↑ 《物一世.人一世》導演
- ↑ 《We l U》導演
- ↑ 《仇老爺爺》導演
- ↑ 《打天下》導演
- ↑ 《花姐ERROR遊》導演
出面網頁
編輯- ViuTV網頁 Wayback Machine嘅版面存檔備份
- ViuTV嘅facebook頁
- 香港電視娛樂有限公司嘅申請嘅諮詢公告 Wayback Machine嘅版面存檔備份
