MIRROR

香港女子唱跳組合

MIRROR,係香港一個男子偶像組合,2018年11月3號出道,成員都係嚟自ViuTV選秀節目《Good Night Show 全民造星》嘅參賽者[1],經理人係《Good Night Show 全民造星》嘅監製黃慧君(花姐)。組合名MIRROR嘅由來係因為成員每朝早都要照鏡,見到自己真實嘅一面,同時間,如果多過一塊鏡,就可以反射出好多個影像,或者係無限個影像,就好似每一位成員咁,每一位都好獨特,而夾埋一齊就會有無限嘅可能性[2]。佢有隊兄弟組合叫ERROR

MIRROR
MIRROR members 2020-07-07 am730.jpg
MIRROR十二位成員接受訪問(2020年)
上排(左至右)EdanAnson LoJerFrankie姜濤Stanley
下排(左至右)JeremyAltonAnson KongLokmanIanTiger
組合
職業歌手演員主持音樂製作人作曲人作詞人
語言粵語英語國語韓語、少少日文
音樂類流行音樂
出道地Flag of Hong Kong.svg 香港九龍灣九龍灣國際展貿中心
出道日期2018年11月3號
出道作品《一秒間》
代表作品《Reflection》
《IGNITED》
《Warrior》
《One and all》
活躍年代2018年–
唱片公司大國文化
經紀公司ViuTV
網站 YouTube上面嘅MIRROR嘅頻道
現任成員
LokmanAltonAnson KongAnson LoEdanFrankieIanJerJeremyKeung ToStanleyTiger

MIRROR出道即憑藉《全民造星》觀眾嘅支持創下香港歌手團體出道後最快舉辦演唱會嘅紀錄,並喺同年叱咤樂壇流行榜頒獎典禮中打入「我最喜愛嘅組合」五強同「我最喜愛嘅歌曲大獎」十強。然而MIRROR出道翌年即逢香港接連經歷政治動蕩2019冠狀病毒病疫情肆虐,因此組合喺出道最初兩年發展緩慢。2020年底至2021年,隨著全員參與拍攝嘅青春勵志電視劇《男排女將》收穫口碑、《2020年度叱咤樂壇流行榜頒獎典禮》上MIRROR及其成員成為大贏家、一連六場嘅《MIRROR "ONE & ALL" LIVE 2021》演唱會一票難求、以及多位成員參與主演嘅同性愛情喜劇《大叔的愛》一再創收視紀錄,MIRROR迎來人氣突破。MIRROR及其成員為品牌代言同宣傳,接拍廣告數量一度達到香港市場7成。MIRROR被認為掀起咗香港久違、甚至前所未有嘅追星熱潮。

2022年7月尾,MIRROR喺香港體育館舉行佢哋嘅第三個演唱會,但係到咗第四場發生懸空屏幕冧低事故後,被港府下令即時暫停,而主辦機構喺事發後即時終止演唱會嘅演出,最終亦取消剩低八場嘅演出。

歷程

2018年:成團

 
陳卓賢(左)、姜濤(中)同楊樂文(右)贏得《Good Night Show 全民造星》三甲

MIRROR成團源於2018年5月至10月間ViuTV舉辦嘅選秀節目《全民造星》。[3][4]《全民造星》喺宣傳期間被唔少網民、傳媒質疑係抄襲韓國嘅《Produce 101》;後者由101名女練習生競逐出道,最終排名前11名嘅女孩組成9個月限定組合。[5]ViuTV董事兼總經理魯庭暉則指節目舉辦時從來沒想過構建男團,只打算與獲得冠軍嘅參加者簽約。[6]節目監制、後來嘅MIRROR經理人「花姐」黃慧君指該節目原本只打算作為一個呈現參賽者「追夢」過程嘅真人騷,但比賽中參賽者落敗時嘅失落令其於心不忍而開始反思,認為其公司只有喺比賽結束後提供機會畀啲參賽者繼續前行才可以幫助佢哋完成夢想,遂向公司高層提出簽下有潛質嘅參賽者,再組成男團。[7]組合喺2018年11月3日於荷里活廣場小舞台舉行「ViuTV 全新男子組合誕生日發佈會」,正式宣佈成團,組合名為MIRROR。[8][9]MIRROR一名由魯庭暉提出,靈感源於其中學時參選皇仁學生會時令佢印象深刻嘅12人對手內閣「Mirrors」,該名稱喺佢心目中代表著創意。[10]隊長楊樂文喺發佈會上解釋「MIRROR」嘅寓意係鏡子可以反映成員自己最真實嘅面貌;同時,如果鏡子多於一塊,就可以反射好多或無限嘅可能性,比喻每位成員都係獨立同獨特,匯聚成團隊就有無限嘅可能性。[11]發佈會同時宣佈MIRROR首個演唱會《2018 THE FIRST MIRROR LIVE CONCERT》將於同年12月21日於九龍灣國際展貿中心匯星舉行,[11]創下香港歌手團體出道後最快(49日)舉辦演唱會嘅紀錄。[12][13][14][15] 同年12月推出真人節目《Good Night Show Mirror Go》,全團成員喺節目中到訪世界各地發掘當地特色美食與名勝,並接受各種考驗智力同膽量嘅任務。[16] 節目反應良好,被視為ViuTV王牌節目之一,其後喺2019年5月推出第二季,並計劃喺2021年推出第三季。[17][18]年底嘅2018年度叱咤樂壇流行榜頒獎典禮票選類「我最喜愛嘅」系列獎項中,MIRROR打入「我最喜愛嘅組合」最後五強,出道作《一秒間》打入「我最喜愛嘅歌曲大獎」十強。[19][20]

2019年–2020年:出道初期

MIRROR出道翌年即適逢香港接連經歷政治動蕩2019冠狀病毒病疫情肆虐,因此喺佢哋出道初期嘅2019年同2020年,好多香港人因為冇心情留意本地電視節目同娛樂圈而未有注意到MIRROR。[21]呢一段時間對於MIRROR及其公司嚟講都係最為艱難嘅時期,啲成員需要ViuTV以外嘅工作維持生計,個別成員一度無法負擔通勤嘅交通費,經理人花姐都迫於形勢走到幕前拍攝廣告來為MIRROR嘅發展籌集經費。[22]

2019年,香港大部分時間處於政治運動中,社會氣氛緊張,導致MIRROR推出歌曲、唱片嘅計劃推遲,全年只喺4月推出單曲《破鏡》同喺11月為慶祝出道一周年而推出單曲《Reflection》。[23]《Reflection》喺903專業推介登上冠軍位置,係MIRROR首支流行榜冠軍歌。[24]同年6月,隊內兩位高人氣成員陳卓賢姜濤相隔3日先後推出個人單曲並共同進行宣傳,成為MIRROR首批單飛成員。MIRROR (2019-06-07). 登 登 登 等 等 等 等 終於等到啦~. Instagram. 原著喺2022-06-25歸檔. 喺2022-06-21搵到.</ref>喺2019年度樂壇頒獎禮中,陳卓賢名列「叱咤樂壇我最喜愛嘅男歌手」七強,姜濤獲得「叱咤樂壇生力軍銅獎」同「十大中文金曲最有前途新人獎 -- 金獎」。咤最新走勢濤 Ian爭最喜愛男歌手獎 ERROR打入組合7強 (18:17). 明報OL. 2019-11-28. 原著喺2021-09-05歸檔. 喺2021-09-05搵到.</ref>除音樂事業以外,MIRROR亦參與多方面演藝活動,包括全員參與及主持綜藝節目《MIRROR GO》[25]、參賽《全民造星II[26]、主持電台節目《MIRROR頻道[27]、以及以個人身份參與電視劇《退休女皇[28]、《娛樂風雲[29][30][31]同《黑巿[32]嘅拍攝。

 
MIRROR全員參與拍攝電視劇《男排女將》,其中陳卓賢(上二)、盧瀚霆(上四)、柳應廷(上五)、邱傲然(下一)、王智德(下二)、呂爵安(下三)及李駿傑(下四)喺劇中擔任主演

2019年12月開始,MIRROR全員參與拍攝ViuTV自製青春勵志電視劇《男排女將》,其中陳卓賢盧瀚霆呂爵安柳應廷邱傲然王智德李駿傑喺劇中擔任主演,其餘成員則客串演出。受2019冠狀病毒病疫情影響,本來預計三個月嘅拍攝工作延宕至2020年6月底才煞科,11月喺ViuTV首播。[33][34][35][36]劇集播出前因為演員陣容多為年輕偶像且「追夢」主題老生常談而唔被睇好,但隨著播出引起話題同收穫口碑,並喺《觀眾喺民間電視大獎2020》中獲得包括「民選最佳劇集」同「民選最佳男配角(盧瀚霆)」在內嘅8個獎項成為大贏家。[37][38]明周》嘅岑傲明指《男排女將》係MIRROR喺2021年攞得人氣突破前嘅一個小高峰。此前MIRROR嘅支持者主要來自《全民造星》嘅觀眾,一般人喺MIRROR成員中只認識姜濤,而《男排女將》令陳卓賢、盧瀚霆、柳應廷、呂爵安同邱傲然乃至劇中飾演小配角嘅李駿傑同王智德都為人所認識。劇集嘅成功還促使ViuTV次年繼續開拍運動題材嘅電視劇《I SWIM》及舉辦奧運系列特備節目《力圖打排波》等。[39]

疫情令MIRROR喺2020年嘅工作減少,原定2020年5月舉行嘅紀念演唱會數度延期。[40]本年MIRROR全年一共推出兩首單曲,包括《IGNITED》同紀念成軍兩周年嘅《One and All》,兩首均喺流行榜登上冠軍位置。三位MIRROR成員盧瀚霆、江𤒹生及柳應廷喺2020年2月29日同日分別推出個人單曲喺樂壇出道,以唔同風格打進市場。[41][42]三人喺2020年三度同日派歌,互相分擔宣傳。[43][44]喺2020年度樂壇頒獎禮中,柳應廷獲得「叱咤樂壇生力軍 金獎」同「Chill Club年度新人」[45][46]、盧瀚霆獲得「十大中文金曲新人金獎」[47]、江𤒹生獲得「加拿大至 HIT 推崇粵語新歌手 金獎」[48]、三人均獲得「勁爆新人」[49]。11月MIRROR宣布推出首張音樂專輯《One and All》,其中收錄MIRROR出道以來推出嘅冚唪唥6首團隊單曲同5位成員喺2020年推出嘅每人各3首合共15首精選單曲。[50]

2021年至今:人氣突破

2021年係MIRROR迎來人氣突破嘅一年。[51][15][52]2021年1月1日嘅《2020年度叱咤樂壇流行榜頒獎典禮》係MIRROR人氣嘅分水嶺,當晚MIRROR獲得包括「叱咤樂壇組合」銅獎、「專業推介叱咤十大」第三位(《IGNITED》)、「我最喜愛嘅男歌手(姜濤)」及「我最喜愛嘅歌曲大獎(《蒙著嘴講愛你》)」在內嘅六個獎項成為全場大贏家。[53][54] 其中姜濤成為兩個「我最喜愛」獎項嘅最年輕得主,喺受到網民質疑係咪值得之餘,亦被指「或標志著《全民造星》出身嘅本土偶像即將為香港樂壇甚至娛樂圈揭開全新一頁」。[55]姜濤獲獎時「可愛自然」嘅愕然表現以及得獎歌曲《蒙著嘴講愛你》為疫情期間嘅香港人打氣嘅意義打破咗MIRROR粉絲嘅同溫層,成為坊間話題。即使係咁,呢個時候嘅MIRROR仍被認為作為組合成績未如理想,各成員嘅星途亦尚未平穩。[56]

2021年1月,呂爵安推出首支個人單曲《E先生 連環不幸事件》,成為MIRROR第6名發表個人音樂作品嘅成員。歌曲製作班底被指「華麗」,尤以填詞人Wyman時隔3年繼顏卓靈嘅《惡女》後再為新人填詞引起注意,並從此開始咗Wyman與MIRROR成員嘅頻繁合作。[57][58]歌曲推出一日後MV已於YouTube攞得超過20萬點擊率,唔夠2日登上多個串流平台日榜第1位。[59]呂爵安本人認為該歌曲之所以受歡迎係得益於《男排女將》同《2020年叱咤頒獎禮》令MIRROR得到更多人關注。[59]歌曲先後喺903專業推介新城勁爆流行榜Chill Club 推介榜成為冠軍歌,係MIRROR及其成員所有單曲中首次達成三台冠軍歌。[60]此派台成績被姜濤喺3月推出嘅個人單曲《Master Class》超越,後者成為四台冠軍歌(加上中文歌曲龍虎榜)。[61]

》尾場感言(上)及演唱會結束後接受採訪(下)

}} 2021年3月推出本年度第一首團體單曲《WARRIOR》,由曾為韓國女團TWICE作曲嘅義大利及韓國音樂人作曲,定位係一首具備氣勢同力量嘅作品。[62]歌曲「戰意高昂」、「意志堅定」、「帶有推翻舊秩序之意」。因初選47人案被還押嘅前記者、立法會民主派候選人何桂藍喺獄中聞曲後向友人留低口訊表示還押一個月以來第一次哭、喊到收唔到聲,並引用曲中歌詞「大不了死,亦唔會避。」[63]《WARRIOR》成為MIRROR團隊單曲中首支三台冠軍歌(903專業推介中文歌曲龍虎榜新城勁爆流行榜),其中喺商台903專業推介連續兩星期成為冠軍,係繼2006年軟硬天師嘅歌曲《好兄弟》後,相隔15年再有組合嘅歌曲喺該榜奪得雙周冠軍;此前10年間共有5首歌曲喺903專業推介奪得雙周冠軍。[64][65]2021年5月6日至11日於九龍灣國際展貿中心匯星舉行一連六場《MIRROR "ONE & ALL" LIVE 2021》演唱會,坊間反應熱烈,立場新聞以「立場編輯部」名義借用《WARRIOR》歌詞「浩浩蕩蕩迎來另一新世紀」為題報道。[66]係次演唱會後MIRROR再未表演過《WARRIOR》。[67]

2021年6月28日至7月16日,由呂爵安盧瀚霆邱士縉參與主演、改編自日本朝日電視台2018年同名電視劇嘅15集同性愛情喜劇《大叔的愛》喺ViuTV首播。[68]首播周收視錄得6.4點,係自三台(TVB、ViuTV、香港開電視)收視報告公開以來ViuTV嘅最高紀錄。[69]其後收視逐周攀升,結局周收視達7.9點,觀眾人數將近52萬,創下ViuTV開台以來嘅最高紀錄。[70][71][72][73]ViuTV嘅主要競爭對手、香港最大電視台TVB喺同一時段播出嘅重頭劇《刑偵日記》則「被節節擊潰」,最終創下開台53年以來最低嘅自家劇集收視紀錄(11.4點),並導致TVB引入劇本審批制度。[72][73]劇集喺《觀眾喺民間電視大獎2021》中獲得包括「民選最佳劇集」同「民選最佳男主角(盧瀚霆)」在內嘅8個獎項成為大贏家,但都受建制派立法會議員何君堯公開批評「違反中國國安法」。[74][75]劇集熱播帶挈3位成員以至MIRROR「人氣急升」,其中盧瀚霆喺Instagram上嘅追蹤人數喺劇集結束時達42萬,比2個月前增加80%,超越當時MIRROR中最受歡迎嘅成員姜濤成為追蹤人數最多嘅成員。[76][77][78]

2021年7至8月嘅暑假檔期,MIRROR推出每星期一首新歌嘅暑假企劃。[79] 充當頭炮嘅係播放中嘅《大叔的愛》嘅片尾曲、盧瀚霆主唱嘅《不可愛教主》。[80]由於歌曲喺7月7日、盧瀚霆生日當日推出,引起粉絲「鋪天蓋地」嘅慶生加新歌應援,陣容被指為「香港娛樂圈前所未見」。[81][82][83][84]第三彈、呂爵安嘅《小諧星》MV觀看次數以2日16小時嘅時間超過100萬,令呂爵安繼《E先生 連環不幸事件》後再次成為MIRROR最快MV超過100萬觀看次數嘅成員。[85][59]第五周推出嘅係姜濤悼念亡友之作《Dear My Friend,》,MV上架唔夠1日錄得超過76萬次點擊,唔夠3個月錄得超過1000萬次點擊,並喺10個月超過1700萬次點擊而成為YouTube上觀看次數最多嘅粵語音樂影片之一。[86][87][88][89]第七首作品《虎道門》由正副隊長楊樂文江𤒹生合作演繹,楊樂文亦由此以個人身份加入樂壇。[90][91]暑假企劃後半嘅數首歌曲喺香港電台幾乎零播放、亦均未能打入「中文歌曲龍虎榜」,但喺另外兩家電台成績唔錯,引起樂迷懷疑港台喺頻繁人事變動嘅同時基於政治因素抵制MIRROR;港台發言人否認稱「冇出現特別情況。」[92][93][94]

2021年,MIRROR喺香港嘅廣告代言「無處不在」,凡其成員代言過用過嘅產品都即變熱賣品。[95][96][97][98]2021年上半年,MIRROR及其兄弟組合ERROR喺香港10大Instagram廣告開支最高品牌中佔一半,50大品牌中佔27個。[99]2021年前8個月,MIRROR接拍廣告數量佔香港市場7成。[100][101]縱觀全年,MIRROR喺Instagram涉及嘅品牌宣傳超過180個,十大最高廣告開支品牌中有近一半係由MIRROR推廣。喺社交媒體品牌內容廣告開支最高嘅十大KOL中,MIRROR成員佔一半。[102]得益於MIRROR帶動廣告收入增加,MIRROR嘅經紀公司ViuTV嘅母公司電訊盈科喺公佈2021年上半年業績時預期蝕多年嘅ViuTV有望喺不久嘅將來轉虧為盈。[103]綜合2021年全年,ViuTV及相關業務收益升1.52倍並首度轉虧為盈﹔電訊盈科指2021年係ViuTV標誌性嘅一年,MIRROR嘅成功為ViuTV提供「未來增長機遇嘅成功方程式」。[104][105]大量MIRROR廣告亦引來反感,有業內人士批評指MIRROR正職唔係歌手而係廣告從業員、只顧商業利益而欠缺歌手應有嘅練歌時間。[106][97][107]

MIRROR熱潮使2021年被香港媒體稱為「MIRROR年」。[108][109][110][111][112][113][114]多家媒體包括香港Yahoo新聞、時尚雜誌Tatler英文Tatler經濟通等將MIRROR熱潮列為2021年度香港大事之一。[54][52][112]「MIRROR」、「姜濤」同「盧瀚霆/Anson Lo」均位列Google「2021熱搜本地娛樂名人」同2021年Yahoo搜尋「十大熱搜娛樂圈風雲人物」排行榜嘅前三名。[115][116]串流平台KKBOXJOOXSpotify同YouTube嘅2021年度歌曲榜前10中,MIRROR團隊及成員歌曲分別佔8、6、2同7首,其中呂爵安嘅《E先生連環不幸事件》喺四個榜上均名列第一。[117][118][119][120]喺《2021年度叱咤樂壇流行榜頒獎典禮》嘅票選項目「我最喜愛嘅男歌手」中,MIRROR成員佔據咗最後5強嘅4個席位。[121]另一票選項目「我最喜愛嘅歌曲」中,MIRROR及其成員嘅歌曲佔據10強嘅6個席位、5強嘅3個席位。[122][123]2022年1月1日頒獎典禮當晚,商台主持林海峰主理咗一個專為MIRROR而設嘅「MIRROR樂壇流行榜頒獎典禮」環節,以該年流行歌曲改詞惡搞過去一年MIRROR喺香港引起嘅熱潮,成為全晚亮點。[124][125][126][127]最終MIRROR及其成員合共獲得8個獎項,包括「專業推介叱咤十大」中嘅3席、首獲「我最喜愛嘅組合」、及姜濤再獲「我最喜愛嘅男歌手」同「我最喜愛嘅歌曲大獎」。[128]部分成員開始獲得國際榮譽,如姜濤獲英文《Tatler》評為2021年300位「亞洲最具影響力人物」(Asia's Most Influential)之一、雜誌《Variety》評為「2021年國際突破之星」(International Breakout Stars),盧瀚霆喺韓國頒獎禮「Mnet亞洲音樂大獎」(MAMA)上成為「最佳亞洲新晉藝人(大中華區)」(Best New Asian Artist (Mandarin))得主;後者被視為「MIRROR成功踩出香港嘅第一步」。[129][130][131]

2022年2月,MIRROR以「四個驚喜」為主題連續推出4首成員單曲。[132]其中頭炮、陳卓賢嘅《留一天與你喘息》MV喺情人節於YouTube上架後35日錄得千萬點擊,速度創下MIRROR成員新紀錄。[133][134]第二彈係李駿傑首支個人派台單曲《》,李駿傑都由此成為MIRROR第7名單飛成員。[135]最後登場嘅《Rebound》由江𤒹生與王智德合唱,係王智德第一次以個人名義推出派台歌。[136]

 
MIRROR喺第40屆香港電影金像獎上擔任表演嘉賓

2022年4月底舉行嘅Chill Club 推介榜年度推介21/22上,MIRROR第2次獲得「Chill Club年度組合(金獎)」,連同成員歌曲共獲得包括「Chill Club年度之歌」在內嘅「Chill Club年度十大歌曲」中嘅5首,以及成員盧瀚霆同姜濤獲「「Chill Club年度男歌手」嘅前2位。[137]緊接推出團體單曲《Innerspace》,為首個紅館演唱會造勢[138],並舉行記者會宣布於7月尾起舉行一連10場演唱會《MIRROR.WE.ARE LIVE CONCERT 2022》(後加至12場)。[139]次日以「MakerVille旗下第一偶像團隊MIRROR」身份為所屬新公司MakerVille嘅成立發布會作壓軸表演。[140]7月嘅第40屆香港電影金像獎上,MIRROR為頒獎禮做開場表演,跳唱原創主題歌曲《金人》。[141]《MIRROR.WE.ARE LIVE CONCERT 2022》期間意外頻生,當中7月28日嘅第4場時懸空屏幕突然墮下,導致2名舞蹈員受傷。最後該場演唱會腰斬[142],主辦單位亦取消餘下場次[143]。MIRROR全員停止公開活動兩個月,MIRROR及其成員參演嘅部分影視作品延期播出,現場表演需要延期或取消。[144][145][146][147]

表演風格

MIRROR嘅歌曲常以面對逆境嘅堅韌同新嘅開始為主題。[148]MIRROR歌曲嘅歌詞堅守愛嘅宣言同自己無所唔可以嘅信念,而編排緊湊嘅音樂錄影帶同高度風格化嘅頭飾被指有K-pop嘅影子。[149]MIRROR本身則公開表示唔希望有「韓風」嘅感覺,即使表演韓文歌曲亦希望以自己方法演繹。[150]

公眾形象

MIRROR成員從比賽出道到逐步走紅嘅經歷為佢哋建立咗勵志嘅形象。葉劉淑儀喺對比MIRROR與韓星同中國大陸嘅明星後,指出MIRROR嘅唔同在於「成員各有背景,唔係全員小鮮肉,都唔係自幼受訓」,但相同點係足夠努力。佢認為MIRROR為香港年輕人提供咗一個香港自家製、通過努力獲得成功嘅例子。[151]經濟通》嘅Yan Law喺《MIRROR ONE & ALL LIVE 2021》演唱會後總結MIRROR受喜愛嘅原因包括對夢想有熱情、有志氣、同伴之間互相扶持、了解並改善自己嘅不足之處、以及真性情唔做作。[152]工商科技局王永平認爲MIRROR嘅12子從《全民造星》以來喺淚汗交集中努力成長嘅經歷「係個令青少年產生共鳴嘅勵志古仔」,而MIRROR「係個為港人,尤其係青年人帶來積極意義嘅時代標誌」。[153]

MIRROR從通過選秀節目出道嘅方式、組合嘅團徽、應援物到團隊綜藝節目嘅名稱都被指充滿韓國色彩。 文化評論人李照興喺《香港經濟日報》將MIRROR與中國內地男團作比較,認為比起後者嘅全盤韓風,MIRROR嘅外形「較有辨識度及獨特型格,更時髦」。[154]MIRROR喺公眾場合活動以長袖衫造型為主,即使酷熱天氣烈日當空亦唔例外,被指「冇夏天」。成員Alton解釋呢個係為咗營造莊重嘅感覺。[155][156][157]

MIRROR政治色彩淡薄,具有中性嘅政治形象。[158]MIRROR從未表達其政治立場,其所屬公司ViuTV積極避免其涉及政治,各成員喺日常生活中亦刻意避開政治話題。[159]聯合早報嘅戴慶成指MIRROR因爲作爲民主派嘅敵人(TVB)嘅敵人(ViuTV)嘅旗下藝人而能獲得香港民主派支持者嘅支持,而建制派亦因爲形象中性嘅MIRROR能吸引泛民年輕人遠離政治而樂見其成,MIRROR都係因為咁受到向來忌諱喺政治話題表態而苦惱無明星代言可用嘅香港廣告商嘅歡迎。[158]

影響

 
2022年4月30日姜濤生日當日「姜濤灣」再現銅鑼灣
 
兩隊男團MIRROR同ERROR16人全數現身屯門市廣場宣傳ViuTV夏日節目同奧運活動,吸引踰5,000粉絲撐場

MIRROR被認為引起咗香港出現久違、甚至係前所未有嘅追星熱潮。[160][161][55][162][163][164][165][166]傳媒人蕭若元認為MIRROR「傾城」嘅紅喺香港史上從未見過,此前唯一可比嘅係譚詠麟張國榮[167]日本NHK電視台喺國際報道中稱MIRROR為香港「空前嘅本地偶像(空前の地元アイドル)」。[168]2021年4月,成員姜濤嘅粉絲為畀姜濤慶祝生日而合力買下銅鑼灣(姜濤所居住地區)大量當眼嘅廣告板及電車車身同車站廣告,使銅鑼灣變成「姜濤灣」;事件被認為係MIRROR所引起嘅追星行動嘅「一次質變」。[169][170][171]由於MIRROR成員人氣過盛,喺公開場合出現常會影響附近商戶做生意,有關方面曾被投訴,所以好多商場訂立咗條例管制邀請MIRROR出席活動嘅主辦單位。[172]一眾女「鏡粉」(MIRROR樂迷嘅暱稱[173])對MIRROR成員嘅追捧令佢哋嘅男朋友同老公們感到備受冷落,一「苦主」老公遂邀請身邊二十多名朋友加入其成立嘅一個Facebook群組「我老婆嫁左比Mirror導致婚姻破裂關注組(我老婆嫁咗畀Mirror導致婚姻破裂關注組)」以「圍爐取暖」,點知群組會員迅速以幾何級數上升,兩日已增至15.9萬,唔夠一周增至26.5萬,每日超過千條貼文,而每條貼文一般有二三千讚好及踰百留言,成為城中熱話,群組主要會員亦受到報紙及電視台採訪。[174][175][176] 事件被多家海外媒體報道,其中韓國傳媒《首爾新聞》以「陷入香港12人男團『MIRROR』嘅老婆,絕望嘅老公們」為題喺國際版作出深入報道。[177][178][149][179][180]

MIRROR走紅嘅原因引起各界討論。行政會議成員葉劉淑儀指香港娛樂圈真空已久,MIRROR帶來嘅「盛況」多年未見,反映香港需要「本土偶像」,而MIRROR填補咗空缺。[181]美國《紐約時報》2021年專文剖析指香港喺過去兩年多經歷2019年示威肺炎疫情港區國安法等,政治上兩極分化,經濟上飽受摧殘,「急需一個振奮人心嘅源泉」,而呢個時候MIRROR嘅出現「似乎喺一夜之間佔領咗呢座城市——亦都喺征服城市嘅同時為佢注入咗歡樂」。[149][182]香港中文大學研究流行文化嘅新聞與傳播學院教授馮應謙講,「突然之間,佢哋(MIRROR粉絲)意識到佢哋可以放下所有呢啲所謂嘅社會大事,有一啲更快樂、更有趣嘅嘢,吸引佢哋遠離年輕時嘅政治僵局」。[182]端傳媒嘅陳子雲進一步分析指當政權以「限聚令」扼殺任何帶有政治意識嘅群眾聚集,群眾就以追星作為情感上嘅共同連結重奪公眾場域,以娛樂之名延續香港嘅獨特娛樂文化,同時搵到新嘅心靈寄託。[169]

MIRROR嘅廣泛接受度被認爲能「統一一個分裂嘅城市」。[149]香港政治光譜兩端嘅人士都對MIRROR有正面評價。民主派立法會參選人何桂藍喺獄中拜託親民主派歌手黃耀明請求商台多播放MIRROR成員嘅歌曲,藉此透過大氣電波獲得精神支持及寄託。[183]民主派政治家、前區議員林兆彬眾新聞攢文稱MIRROR為「帶有政治符號嘅精神食糧」,支撐香港人喺情緒絕望壓抑時撐落去。[21]學聯前副秘書岑敖暉以「獄中書簡」為Jer叱咤入圍歌拉票。[184]新民黨主席葉劉淑儀喺《經濟通》譔文指MIRROR嘅熱潮應該係社會「喜聞樂見」,並喺立法會提議政府爭取 MIRROR北上開拓中國大陸市場。[181]商務及經濟發展局邱騰華表示會吸納葉劉嘅意見,並稱贊香港電視製作喺激烈競爭下仍能推陳出新成功造新星。[185]香港最大政黨民建聯喺人才選掹考核設有關於MIRROR嘅通識問答。[186]MIRROR唔對政治表態仍引來基於政治嘅批評。六四天安門事件32周年嘅維園燭光晚會未能舉行,但香港演藝界仍有人喺網上悼念,MIRROR則因爲冇表態而受到網民批評。[187]新民黨成員李梓敬喺個人YouTube節目中解讀姜濤喺MIRROR嘅2021年演唱會尾場完結時高呼嘅一句「香港加油!」認為MIRROR明顯係「」(支持民主派),並引述一冇提供証據嘅網絡論壇帖子稱姜濤曾於2019年參與衝入立法會等活動。該節目上架9小時觀睇次數已踰12萬,其Facebook頁獲唔少留言支持。[188]MIRROR多名成員代言嘅品牌中包括大量被親民主派人士標籤為「」(支持建制派)嘅品牌如美心Deliveroo麥當勞茶木滙豐等,《文匯報》認爲呢啲舉動令MIRROR嘅親民主派粉絲處境尷尬。[189]針對呢類對MIRROR等唔表態啲藝人「鬥黃鬥藍」嘅「批鬥」,喺台流亡港人彼岸喺中央廣播電臺譔文批評指「唔只係對人哋嘅唔尊重、對自己嘅唔信任,亦係對極權嚟講分散民眾凝聚力嘅最佳助力」。[190]

成員名單

花名 生日 星座 身高 擁躉名 團內擔當
陳瑞輝
Frankie Chan
皮皮、無盡輝、化學老師、大陳、智者輝 (1988-07-29) 1988年7月29號(34歲) 獅子座 171cm 皮寶寶 領舞
王智德
Alton Wong
王勁、德仔、德爺、黃大仙愛因斯坦 (1989-09-21) 1989年9月21號(33歲) 處女座 174cm 蛋白粉 Rapper
楊樂文
Lokman Yeung
港普之父、隊長 (1989-09-26) 1989年9月26號(33歲) 天秤座 175cm 頭巾兵團 隊長、主Rapper、主領舞
邱士縉
Stanley Yau
大表哥、馬鞍山巨龍 (1990-08-20) 1990年8月20號(32歲) 獅子座 183cm TeamStanley 領舞
江𤒹生
Anson Kong
AK、老闆、江爆生、爆爆 (1992-10-16) 1992年10月16號(30歲) 天秤座 177cm 生粉 副隊長、領唱、副領舞
柳應廷
Jer Lau
柳應嘈、金Jer、Jer B、柳柳、柳B (1992-11-20) 1992年11月20號(30歲) 天蠍座 176cm 柳柳粉/柳炒 主唱
陳卓賢
Ian Chan
陳總、陳仔、Lan、陳車腎、Ian豬 (1993-06-09) 1993年6月9號(29歲) 雙子座 181cm Hellosss 主唱
呂爵安
Edan Lui
黑氣石、女爵安、安安、老鼠屎、兒登、田田、安b (1997-01-21) 1997年1月21號(26歲) 水瓶座 177cm 爵屎 綜藝
盧瀚霆
Anson Lo
教主、撈撈、撈豬、撈撈豬、AL、牧牧、撈豬豬 (1995-07-07) 1995年7月7號(27歲) 巨蟹座 176cm 神徒 主領舞、主英文Rapper、副唱
李駿傑
Jeremy Lee
啫喱米、豬仔、REMY (1995-09-08) 1995年9月8號(27歲) 處女座 182cm Unicorns 副歌、高音代表
姜濤
Keung To
姜Man、姜B、姜姜、

姜仔、阿姜

(1999-04-30) 1999年4月30號(23歲) 金牛座 177cm 姜糖 領唱
邱傲然
Tiger Yau
虎仔、大埔遊戲王 (1999-07-03) 1999年7月3號(23歲) 巨蟹座 169cm 小虎隊 領Rapper、副領舞

音樂作品

唱碟

專輯名 發行日期 發行公司 曲目
One and All 2020年12月18號 大國文化集團 CD1
  1. 一秒間
  2. ASAP
  3. 破鏡
  4. Reflection
  5. IGNITED
  6. One and All

CD2

  1. 蒙著嘴說愛你(姜濤)
  2. 孤獨病(姜濤)
  3. 愛情簽證申請(姜濤)
  4. 正式開始(陳卓賢)
  5. 鯨落(陳卓賢)
  6. 背伴(陳卓賢)
  7. 特登(江爗生)
  8. 蝸牛(江爗生)
  9. 金星女孩(江爗生)
  10. 一所懸命(盧瀚霆)
  11. Burn Out(盧瀚霆)
  12. 角落生物(盧瀚霆)
  13. 水刑物語(柳應廷)
  14. 迴光物語(柳應廷)
  15. 風靈物語(柳應廷)

日子 歌曲
2018年11月3號 《一秒間》
2018年12月18號 《ASAP》
2019年4月27號 《破鏡》
2019年11月3號 《Reflection》
2020年6月19號 《IGNITED》 Too Hot To Handle Version
2020年7月15號 《IGNITED》
2020年11月3號 《ONE AND ALL》
2021年3月26號 《WARRIOR》
2021年5月24號 The Beautiful Game(NowTV 2020年歐洲國家盃主題曲)
2021年6月9號 《BOSS》
2021年11月3號 《All In One》
2021年12月22號 《12》
2022年4月25號 《Innerspace》
2022年7月22號 《WE ARE》
2022年10月10號 《We All Are》

派台歌曲成績

註:個人名義嘅派台歌,請參閱成員個人頁。

派台歌曲成績(四台)
唱片 歌曲 903 RTHK 997 TVB 備註
2018年
One and All 一秒間 17[191] - - × 出道作品
ASAP - 15[192] 5[193] ×
2019年
One and All 破鏡 17[194] 3[195] 2[196] ×
Reflection 1[24] 3[197] 2[198] × 首支冠軍歌
加拿大至 HIT 中文歌曲排行榜:12
派台歌曲成績(五台)
唱片 歌曲 903 RTHK 997 TVB ViuTV 備註
2020年
One and All IGNITED 1 [199] 3[200] 2[201] × 1 [202] Too Hot To Handle Version、Funky Version先後派台
加拿大至 HIT 中文歌曲排行榜:9(Too Hot To Handle Version:3)
One and All - 2[203] 1[204] × - 加拿大至 HIT 中文歌曲排行榜:11
跨年上榜
2021年
WARRIOR (1)[64] 1[65] 1[64] × 2[65] 首支三台兼903雙週冠軍歌
加拿大至 HIT 中文歌曲排行榜:1
The Beautiful Game - - - × - NowTV歐洲國家盃2020》主題曲
加拿大至 HIT 中文歌曲排行榜:5
BOSS 1[205] 1[206] 2[207] × 1[205] 三台冠軍歌
加拿大至 HIT 中文歌曲排行榜:1
All in One 7[208] - 2[209] × 2[210] 加拿大至 HIT 中文歌曲排行榜:1
12 12[211] - 2[212] × 4[213] 跨年上榜
加拿大至 HIT 中文歌曲排行榜:4
2022年
Innerspace 1[214] 2[215] 1[216] × 5[217] 加拿大至 HIT 中文歌曲排行榜:10
WE ARE 12[218] - 2[219] × - 加拿大至 HIT 中文歌曲排行榜:6
We All Are 2* 1[220] 1[221] × 1[222] 三台冠軍歌
加拿大至 HIT 中文歌曲排行榜:1
各台冠軍歌總數
四台a 903 RTHK 997 TVB 備註
5 3 4 0 四台冠軍歌總數:0
6 3 4 0 冠軍週數
五台b 903 RTHK 997 TVB ViuTV 備註
4 3 4 0 3 五台冠軍歌總數:0
5 3 4 0 3 冠軍週數
  • (*)上榜中
  • (-)未能上榜
  • (×)冇派往該台
  • (1))兩週冠軍
  • 註 a: 包括2020年後嘅冠軍歌曲
  • 註 b: 2020年起

影視作品

內文:MIRROR影視作品一覽

演唱會

名稱 日期 場次 地區 場地 備注
2018 THE FIRST MIRROR LIVE CONCERT 2018年12月21日 1 香港 九龍灣國際展貿中心匯星 [223]
MIRROR "ONE & ALL" LIVE 2021 2021年5月6日-11日 6 九龍灣國際展貿中心匯星 因應政府防疫措施,入座率設喺75%[224]
網上行夢想係MOOV LIVE Music On The Road 2021年12月7日-8日 2 香港會議展覽中心Hall 5BC 盧瀚霆呂爵安陳卓賢江𤒹生姜濤柳應廷表演[225]楊樂文為演出嘉賓[226]
MIRROR.WE.ARE LIVE CONCERT 2022 2022年7月25日-28日
4 香港體育館 原訂12場,惟因第4場發生嚴重意外而攞消餘下場次[227][228][229]

演出

綜藝節目(ViuTV)

劇集(ViuTV)

演唱會

呢度齋列出以MIRROR名義攞嘅獎。成員以個人名義攞嘅獎,請睇成員嘅個人文章。
年度 頒獎單位
2018 MOOV Music Awards 2018 年度新人(新組合)[230]
AEG音樂榜頒獎典禮2018[231][232] 鑽石新人獎
鑽石人氣偶像獎
鑽石跳唱歌曲(ASAP)
2019 加拿大至 HIT 中文歌曲排行榜 2019 年度總選 至 HIT 推崇新歌手銀獎
第四十二屆十大中文金曲 最有前途新人獎 銀獎
Hong Kong Singer Channel 2019「金曲全年選」 我最欣賞的樂隊組合
2020 新城勁爆頒獎禮2020 勁爆組合
2020年度叱咤樂壇流行榜頒獎典禮 叱咤樂壇組合 銅獎
專業推介叱咤十大 第三位《IGNITED》
加拿大至 HIT 中文歌曲排行榜 2020 年度總選 全國推崇組合(粵語)
全國推崇十大歌曲(粵語)《IGNITED》
2020年度YAHOO!搜尋人氣大獎 本地音樂組合
2021 Chill Club 推介榜年度推介20/21 Chill Club年度十大歌曲《IGNITED》
Chill Club年度組合(金獎)
2021年度叱咤樂壇流行榜頒獎典禮 專業推介叱咤十大 第二位《BOSS》

睇埋

參考

  1. 余民洛 @ UPower (2018-11-03). 民造星12人男團MIRROR出道 12月21日火速開騷. UPower. 原著喺2018-11-04歸檔. 喺2018-11-04搵到.
  2. 陳栢宇 (2018-11-03). 民造星團MIRROR九展騷紅館價? 花姐:啲飛賣晒都會蝕!. 港01. 喺2018-11-03搵到.{{cite news}}: CS1 maint: url-status (link)
  3. 金100萬ViuTV召集全港娛樂公司合力造男神 去美國受訓. 蘋果日報. 2018-04-20. 原著喺2021-09-03歸檔.
  4. 審比分平均照奪冠 19歲姜濤贏觀眾票獨享100萬獎金. 蘋果日報. 2018-10-14. 原著喺2021-09-26歸檔. 喺2021-09-26搵到.
  5. 岑傲明 (2018-07-23). 傲明視評《Good Night Show 全民造星港版101. 明周. 原著喺2021-12-21歸檔. 喺2021-12-21搵到.
  6. 張以正 (2021-11-03). MIRROR三周年MIRROR人氣爆燈 ViuTV魯庭暉:MIRROR剛起步 還未到值得高興嗰陣. 香港經濟日報. 原著喺2022-02-28歸檔. 喺2022-02-27搵到.
  7. 訪 Mirror.上冇明星嘅時代裡 一隊港產男團嘅誕生. . 2018-12-05. 原著喺2021-08-12歸檔. 喺2021-08-12搵到.
  8. 陳芷穎 (2020-12-12). MIRROR專訪︱成軍兩年回味難忘時刻 Stanley重提負評坦言想放棄v. 港01. 原著喺2021-07-15歸檔. 喺2021-08-08搵到.
  9. 關災難︱陳志雲爆料: 同事求合照 遭MIRROR工作人員唔禮貌對待 DJ楊樂笙嘆倒米:難為各成員一直努力工作. 娛壹. 2021-01-20. 原著喺2022-01-30歸檔. 喺2022-01-21搵到. 3年前,#MIRROR 踢住對Converse加對黃襪仔白色套裝,踩上荷里活廣場小舞台跳唱《#一秒間》
  10. ViuTV揸Fit人「皇仁仔庭暉親解MIRROR團名 源自20多年前選學生會內閣對手. 香港經濟日報. 2021-12-28. 原著喺2022-04-26歸檔. 喺2022-04-26搵到.
  11. 11.0 11.1 陳栢宇 (2018-11-03). 民造星團MIRROR九展騷紅館價? 花姐:啲飛賣曬都會蝕! (中文). 香港01. 原著喺2020-10-29歸檔. 喺2018-11-04搵到.
  12. 娛 翁 (2021-05-08). MIRROR取財有道. . 原著喺2021-08-12歸檔. 喺2021-08-12搵到.
  13. 余民洛 @ UPower (2018-11-03). 民造星12人男團MIRROR出道 12月21日火速開騷 (中文). UPower. 原著喺2018-11-04歸檔. 喺2018-11-04搵到.
  14. 聞重溫道49日開騷破紀錄. 蘋果日報. 2019-01-28. 原著喺2021-10-26歸檔. 喺2021-10-23搵到.
  15. 15.0 15.1 陳芷穎 (2021-11-07). MIRROR出道三年由素人變當紅偶像 8個重要時刻創最快開騷紀錄. 港01 (香港中文). 原著喺2021-11-18歸檔. 喺2022-01-13搵到.
  16. Coco Chan (2018-12-20). 港男團鬥智鬥力真人Show!MIRROR GO底線挑戰成員極限. Cosmopolitan. 原著喺2021-08-25歸檔. 喺2021-08-25搵到.
  17. 林迅景 (2019-06-30). MIRROR GOAnson Kong阿Jer酒店執房 爆Edan係廁所殺手. 香港01. 原著喺2021-04-25歸檔. 喺2021-08-27搵到.
  18. ViuTV新節目巡禮 姜濤陳卓賢各擔正兩劇 月廿九續篇劉俊謙情侶檔演出. 明報OL. 2020-10-19. 原著喺2020-10-21歸檔. 喺2021-08-27搵到.
  19. MIRROR殺入最喜愛組合最後五強 姜濤興奮:意想唔到. 報OL. 2018-12-01. 原著喺2021-08-19歸檔. 喺2021-08-19搵到.
  20. Cassandra Yim (2018-12-14). 咤頒獎禮最喜愛嘅歌曲10強出爐!將握機會投票支持心水入5強. U港生活. 原著喺2021-08-27歸檔. 喺2021-08-27搵到.
  21. 21.0 21.1 林兆彬 (2021-05-20). 果MIRROR係奇蹟,ERROR就係神蹟. 眾新聞. 原著喺2021-10-03歸檔. 喺2021-10-03搵到.
  22. 葉詩 (2021-04-22). 姐廣告收入全數捐MIRROR、ERROR發展:有人搭車去綵排都冇錢. 香港01. 原著喺2021-10-03歸檔. 喺2021-10-03搵到.
  23. 李婉文 (2019-11-03). MIRROR出道一周年出歌愈來愈慢? 花姐︰我自己覺得係之前太快. 香港01. 原著喺2021-06-27歸檔. 喺2021-09-05搵到.
  24. 24.0 24.1 游大東 (2020-04-23). 訪│MIRROR未紅先Hea激嬲花姐 姜濤大膽相勸:經理人要理智啲. 香港01. 原著喺2021-07-20歸檔. 喺2021-09-12搵到. 《Reflection》榮登商業電台「903專業推介」嘅冠軍歌,成為MIRROR由2018年11月出道至今,眾多派台作品中成績最好嘅一首。
  25. 李婉文 (2019-05-15). MIRROR GOMIRROR錄影全新節目 Ian爆姜濤會籌備個人音樂會?. 香港01. 原著喺2019-10-17歸檔. 喺2021-09-05搵到.
  26. 葉詩 (2019-11-04). 民造星IIMIRROR再參賽照入10強? 花姐一招搞掂免尷尬. 香港01. 原著喺2021-09-06歸檔. 喺2021-09-06搵到.
  27. Mirror開咪做節目. 澳門日報. 2019-12-19. 原著喺2020-07-07歸檔. 喺2021-09-05搵到.
  28. 濤拍劇要Chok足全程 被笑只係返自己. now.com. 2019-06-20. 原著喺2021-09-05歸檔. 喺2021-09-05搵到.
  29. 游大東 (2019-11-03). 樂風雲主角消失 胡希文認已離開ViuTV:我想做返舞台劇. 香港01. 原著喺2021-09-05歸檔. 喺2021-09-05搵到.
  30. TOPick柴犬出動 (2019-09-19). 安琪亮相ViuTV再拍劇 Kay現身樂風雲Mirror擦火花. hket. 原著喺2021-09-05歸檔. 喺2021-09-05搵到.
  31. Edan@MIRROR 露腩濕身拍劇. 晴報. 2019-09-13. 原著喺2021-09-05歸檔. 喺2021-09-05搵到.
  32. 冼燕珊 (2019-11-03). 巿 . 香港01. 原著喺2021-09-05歸檔. 喺2021-09-05搵到.
  33. 陳禮恆 (2020-11-23). 排女將麗欣激發MIRROR排波夢. 晴報. 原著喺2021-04-25歸檔. 喺2021-09-09搵到.
  34. 林雪平 (2020-12-23). 排女將民造星III流行文化畀我哋知道,我哋仲喺度呢度. 端傳媒. 原著喺2021-01-26歸檔.
  35. 葉詩 (2020-12-11). 排女將︱MIRROR撐兄弟全員登場 姜濤演神秘角色要觀眾落足眼力. 香港01. 原著喺2021-04-17歸檔. 喺2021-10-09搵到.
  36. 排女將MIRROR青春劇月中美國電視台首播 網民大讚:衝出國際. . 原著喺2021-08-21歸檔. 喺2021-09-09搵到.
  37. Cindy (2020-12-18). 排女將新一集刻畫成長之痛超催淚!3大成功位從唔被睇好到年度產神劇. GirlStyle. 原著喺2022-01-15歸檔. 喺2022-01-15搵到.
  38. 娛樂組 (2021-01-28). 眾喺民間電視大獎2020 ViuTV排女將8獎大勝 鄭中基鄧麗欣封帝稱後. 明報OL. 原著喺2021-05-10歸檔. 喺2022-01-15搵到.
  39. 岑傲明 (2021-09-10). 傲明視評《力圖打排波: 返到爆紅前. 明周. 原著喺2021-10-17歸檔. 喺2021-10-15搵到.
  40. 鍾一虹 (2020-11-27). MIRROR成長記 成軍兩年 鬧出兄弟情. 明報OL. 原著喺2021-01-16歸檔. 喺2021-09-11搵到.
  41. 黃浩晉 (2020-02-27). MIRROR再有成員單飛出歌 2月29日一炮三響邊個有機跑出?. 香港01. 原著喺2021-04-25歸檔. 喺2022-01-09搵到.
  42. 條獨家出處男歌唔傷同氣 AL Jer AK堅持以Mirror為本. 星島日報. 2020-04-05. 原著喺2021-09-06歸檔. 喺2021-09-06搵到. 3子嘅歌曲風格及市場都唔同
  43. MIRROR成員Anson Lo、AK、柳應廷Jer 今年第三度同步出歌. am730. 2020-10-14. 原著喺2022-01-09歸檔.
  44. 2020-03-06 (2020-03-06). MIRROR三成員各自推新歌 江爗生自覺首歌最特別. 頭條新聞. 3人一齊出歌大家可以分擔宣傳{{cite news}}: CS1 maint: numeric names: 作者名單 (link)
  45. 即時娛樂 (2021-01-02). 2020年度叱咤樂壇流行榜頒獎典禮整得獎名單 (00:02). 明報OL. 原著喺2021-05-06歸檔. 喺2021-09-06搵到.
  46. 趙允琳 (2021-04-18). Chill Club頒獎禮︱完整得獎名單 林家謙掃6獎力壓MIRROR成贏家. 香港01. 原著喺2022-01-15歸檔. 喺2022-01-15搵到.
  47. 即時娛樂 (2021-01-16). 43屆十大中文金曲獎名單 (23:25). 明報OL. 原著喺2021-01-17歸檔. 喺2021-09-06搵到.
  48. 拿大至 HIT 2020 年全國總選獎項揭曉 網上同手機 App 精華重溫. 加拿大中文電台. 2021-01-20. 原著喺2022-01-15歸檔. 喺2022-01-15搵到.
  49. 即時娛樂 (2020-12-30). 城勁爆頒獎禮2020獎名單 (16:41). 明報OL. 原著喺2021-04-26歸檔. 喺2021-09-06搵到.
  50. 周年MIRROR推首張專輯One And All 型格、清新兩版今日開售. am730. 2020-11-09. 原著喺2021-03-01歸檔. 喺2021-09-11搵到.
  51. Tamar Herman (2021-07-08). "Boy band Mirror are taking over: here」s what you need to know about the new kings of Canto-pop". South China Morning Post. 原著喺2021-12-02歸檔. 喺2021-11-05搵到.
  52. 52.0 52.1 CRISTEN TSOI (2021-12-22). 港人嘅驕傲!回顧2021年香港10件大事:MIRROR紅出亞洲、何詩蓓世一. Tatler. 原著喺2022-04-21歸檔. 喺2022-04-21搵到.
  53. 咤2020《全民造星底成叱咤大贏家. now.com. 2021-01-02. 原著喺2021-06-29歸檔.
  54. 54.0 54.1 事回顧2021:疫情下牽動人心嘅人同事. Yahoo新聞. 2021-12-20. 原著喺2021-12-21歸檔. 喺2022-04-21搵到.
  55. 55.0 55.1 陳芷穎 (2021-01-02). 咤2020 評論︱姜濤MIRROR成大贏家 本土偶像揭娛樂圈全新一頁. 香港01. 原著喺2021-07-13歸檔. 喺2021-09-11搵到.
  56. Ellie Stark (2021-01-04). 布出道被網民大呼好啦星2子組合P1X3L唔被睇好嘅4個原因. ELLE. 原著喺2021-01-05歸檔. 喺2021-10-16搵到.
  57. 葉詩 (2020-12-23). 爵安Edan請出神級人物打造新單曲 成MIRROR第6位Solo歌手. 香港01. 原著喺2021-09-12歸檔. 喺2021-09-12搵到.
  58. 橙訊 (2021-10-05). 度為Edan新歌填詞 黃偉文無意間為MIRROR成員開創M字額系列. 橙新聞. 原著喺2021-11-05歸檔. 喺2021-11-05搵到.
  59. 59.0 59.1 59.2 Candy Choy (2021-07-31). E先生諧星獲好成績!Edan呂爵安:於新人嘅第一首歌嚟講係一個好大嘅鼓舞。. marie claire. 原著喺2021-10-02歸檔. 喺2021-10-02搵到.
  60. 劉傳謙 (2021-04-06). 壇核數師︱呂爵安E先生台登頂 單曲成績暫時冠絕MIRROR. 香港01. 原著喺2021-04-25歸檔. 喺2021-08-19搵到.
  61. 劉傳謙 (2021-05-31). 壇核數師︱姜濤奪四台冠軍締造里程碑 仍難平息MIRROR歌迷怒火. 香港01. 原著喺2021-07-08歸檔. 喺2021-09-13搵到.
  62. 劉傳謙 (2021-03-30). MIRROR新歌邀歐美作曲人操刀 花姐示意交予12子投票決定. 香港01. 原著喺2021-06-12歸檔. 喺2021-08-22搵到.
  63. 桂藍獄中聽Mirror新歌 還押以來第一次喊 不了死亦唔會避. 立場新聞. 2021-03-26. 原著喺2021-08-22歸檔. 喺2021-08-22搵到.
  64. 64.0 64.1 64.2 劉傳謙 (2021-05-24). 壇核數師MIRROR新歌奪雙周冠 追平15年前軟硬天師組合記錄. 香港01. 原著喺2021-05-24歸檔. 喺2021-09-13搵到.
  65. 65.0 65.1 65.2 K Law (2021-05-24). MIRROR憑Warrior奪叱咤903雙周冠破15年前組合紀錄 失主場之利Chill Club斷四台冠. U港生活. 原著喺2021-07-25歸檔. 喺2021-08-22搵到.
  66. 立場編輯部 (2021-05-09). . 立場新聞. 原著喺2021-08-22歸檔. 喺2021-08-22搵到.
  67. 趙雲 (2022-01-09). 日話題:1月1日叱咤作為一場情感爆發. 明報新聞網. 原著喺2022-01-11歸檔. 喺2022-01-11搵到. MIRROR舊年5月演唱會後冇再唱過嘅WARRIOR
  68. 出香港逆襲日本ViuTV 港版叔的愛首播 率先預告日本電視台轉播. 立場新聞. 2021-06-24. 原著喺2021-07-19歸檔. 喺2021-09-12搵到.
  69. 黃梓恆 (2021-07-06).  . 香港01. 原著喺2021-07-09歸檔. 喺2021-09-12搵到.
  70. 煲劇誌 (2021-07-13). 叔的愛得6.9點再創收視新高 偵日記視繼續跌. 橙新聞. 原著喺2021-10-02歸檔. 喺2021-09-12搵到.
  71. 偵日記視跌破新低 叔的愛局篇收收7.9創新高. am730. 2021-07-20. 原著喺2021-07-20歸檔. 喺2021-09-12搵到.
  72. 72.0 72.1 K Law (2021-07-27). TVB重頭劇偵日記視狂瀉跌破開台53年以來新低 傳高層陷兩難因只剩一星期結局篇難以腰斬. U港生活. 原著喺2021-10-02歸檔. 喺2021-09-12搵到.
  73. 73.0 73.1 視欠佳 許濤出動審劇本 馬國明陳自瑤新劇臨門叫停. 東方日報. 2021-07-18. 原著喺2021-07-28歸檔. 喺2021-09-12搵到.
  74. 叔的愛8獎成票王 盧瀚霆李佳芯膺民選視帝視後. 明報. 2022-02-08. 原著喺2022-02-09歸檔. 喺2022-02-09搵到.
  75. 叔的愛視創記錄 被港議員猛批違反國安法. 新明日報. 2021-07-21. 原著喺2022-02-28歸檔. 喺2022-02-09搵到.
  76. 即時娛樂 (2021-07-11). 叔的愛弗Louis|MIRROR肉擔當士縉演技獲讚 (19:18). 明報OL. 原著喺2021-07-11歸檔. 喺2021-09-12搵到.
  77. Sherry (2021-07-08). MIRROR 12子IG粉絲排行大變動!叔的愛田CP人氣急升大批粉絲湧進?. GirlStyle. 原著喺2021-09-12歸檔. 喺2021-09-12搵到. 最受歡迎嘅姜濤粉絲人數就有33.4萬,而Anson Lo就破34萬,喺一個月內火速增加咗6萬位神徒
  78. MIRROR ERROR最新IG人氣排位 盧瀚霆力壓姜濤稱王 追蹤人數2個月升80%. Yahoo!新聞. 2021-07-19. 原著喺2022-02-02歸檔. 喺2022-02-02搵到.
  79. MIRROR攻陷暑假每星期出新歌 唱 邱士縉Solo. 明報OL. 2021-07-02. 原著喺2021-07-02歸檔. 喺2021-12-20搵到.
  80. MIRROR成員歌曲MV點擊排行榜十大 邊個力壓姜濤有最多歌上榜?. Yahoo!新聞. 2021-07-28. 原著喺2022-01-10歸檔. 喺2021-12-20搵到.
  81. 李婉文 (2021-08-09). Anson Lo新歌MV一個月破500萬點擊率 僅少過MIRROR隊友呢兩首歌. 香港01. 原著喺2021-10-27歸檔. 喺2021-12-20搵到. Anson Lo(盧瀚霆)於上月生日(7/7)推出個人第六首單曲《不可愛教主》
  82. am730. Anson Lo生日|李司棋都打卡讚厲害 新歌可愛教主MV派福利. am730 (中文). 喺2022-04-27搵到.
  83. 頭條日報. 帶重創 情緒崩潰 留低後遺症 Anson Lo:曾經絕望過…. 條日報 Headline Daily (英文). 喺2022-04-27搵到.
  84. Anson Lo:愛唔單單係Cute,而係有自信與Loveable。. ELLE.com.hk (中文). 喺2022-04-27搵到.
  85. 洪曉璇 (2021-07-24). MIRROR夏日企劃|Edan呂爵安諧星MV 上架18小時近50萬瀏覽. 香港01. 原著喺2021-10-27歸檔. 喺2021-12-20搵到.
  86. 八卦妹 (2021-08-06). 濤新歌獻已故摯友感人千字文全曝光 MV首播6大洋蔥位 網友:聽歌聽到好心痛 睇段字不停眼淚. New Monday. 原著喺2022-01-10歸檔. 喺2021-12-21搵到.
  87. 歌獻亡友 姜濤催淚MV 邊拍邊喊. 東方日報. 2021-08-07.
  88. Dear My Friend,MV破1000萬點擊 尊重故友未有公開致謝. 頭條日報. 2021-11-01. 原著喺2021-11-04歸檔. 喺2021-12-21搵到.
  89. YumCha! Editorial Team (2022-06-16). "All In One: Hong Kong Boy Band MIRROR in 12 Songs". YumCha!. 原著喺2022-08-02歸檔. 喺2022-07-10搵到.
  90. 陳心怡 (2021-09-23). 道門MIRROR正副隊長年月累積兄弟情 Lokman+AK互相補位為成員將關. hket. 原著喺2021-11-06歸檔. 喺2021-12-21搵到.
  91. 劉傳謙 (2021-11-08). 咤2021|Edan衝新人獎隨緣 Lokman明年發力:直接衝男歌手. 香港01. 原著喺2021-11-30歸檔. 喺2021-12-21搵到.
  92. 張國基 (2021-09-22). MIRROR一周一歌姜濤壓軸都冇用 港台歌曲龍虎榜失蹤3周. 香港01. 原著喺2022-01-10歸檔. 喺2021-12-21搵到.
  93. MIRROR歌曲傳被港台抵制. 明報OL. 2021-09-22. 原著喺2022-01-10歸檔. 喺2021-12-21搵到.
  94. 東方新地 (2021-09-23). MIRROR消失於港台龍虎榜 鏡粉質疑遭封殺 港台有回應. 東方新地. 原著喺2021-11-29歸檔. 喺2021-12-21搵到.
  95. Erin Pang (2021-08-04). MIRROR廣告王|2021MIRROR成員廣告代言一覽|姜濤 x Haagen Dazs 月餅、Lokman Stanley x Deliveroo、Ian x 譚仔三哥斷更新. 報網站 - 生活POWER UP. 原著喺2021-07-29歸檔. 喺2021-08-08搵到.
  96. 「前難 MIRROR七月狂接36個廣告 Edan Jeremy貴氣Look拍樓盤廣告. . 2021-07-20. 原著喺2021-10-02歸檔. 喺2021-08-08搵到.
  97. 97.0 97.1 娛樂組 (2021-08-29). MIRROR正職廣告從業員 C AllStar經理人見姜濤嗌討厭. 明報OL. 原著喺2021-08-29歸檔. 喺2021-09-04搵到.
  98. Jenny Leung (2021-07-18). "7 things you need to know about Mirror". TimeOut. 原著喺2021-12-14歸檔. 喺2022-01-20搵到. On top of the countless advertisements that seem to be everywhere these days, ... (emphasis the source's)
  99. IG十大廣告商代言 兩男團佔半 社交媒體跑出 MIRROR+ERROR成大贏家. . 2021-07-29. 原著喺2021-10-02歸檔. 喺2021-08-08搵到.
  100. MIRROR成員卓賢+盧瀚霆+江𤒹生代言LV秋冬系列 MIRROR表現媲美專業男模. TOPick. 2019-08-12. 原著喺2021-11-10歸檔. 喺2021-11-10搵到.
  101. Fung Wing In (2021-08-26). 尚品牌爭相贊助 半年70個廣告| MIRROR為何代言數唔盡. madame FIGARO HONG KONG. 原著喺2021-10-02歸檔. 喺2021-09-04搵到.
  102. MIRROR舊年合作品牌踰180個 姜濤登十大KOL首位成告王 - 20220327 - 娛樂. 報新聞網 - 每日明報 daily news (繁體中文). 原著喺2022-04-22歸檔. 喺2022-03-28搵到.
  103. Mirror 爆紅吸金 電盈公布上半年業績:ViuTV 有望不久將來扭虧為盈. . 2021-08-06. 原著喺2021-08-15歸檔. 喺2021-08-14搵到.
  104. 業放榜|ViuTV首錄盈利 電盈歸功MIRROR. am730. 2022-02-24. 原著喺2022-02-25歸檔.
  105. 訊盈科全年轉賺10.39億元 免費電視受惠MIRROR熱潮首錄盈利. 明報. 2022-02-24. 原著喺2022-02-24歸檔. 喺2022-02-27搵到.
  106. 頭條日報. 環High Tea——MIRROR只係廣告從業員. 條日報 Headline Daily (中文). 原著喺2021-11-07歸檔. 喺2021-11-05搵到.
  107. Rapper抽擊Novel Friday出歌抨擊MIRROR 力數5大問題狠批姜濤阿Jer. 香港經濟日報. 2021-10-05. 原著喺2021-10-05歸檔. 喺2021-10-05搵到.
  108. 陳釗 (2021-09-23). 樂文 江𤒹生靠互信 帶領MIRROR繼續衝. 明報OL. 原著喺2021-09-23歸檔. 喺2022-05-07搵到.
  109. 2021年Yahoo年搜尋人氣榜名公佈! 10大最受歡迎潮語 你又識幾多個?. am730. 2021-12-07.
  110. 顧2021.娛樂年十大娛樂大事回顧 TVB人事大變動/MIRROR衝出香港.... Yahoo新聞. 2021-12-30.
  111. LING LAI (2022-01-19). Lokman喺IT狗技出色備受讚賞丨MIRROR楊樂文唔止好戲就連寸頭、長髮造型都能輕鬆駕馭. men's uno. 原著喺2022-02-11歸檔. 喺2022-05-07搵到.
  112. 112.0 112.1 Yan Law (2021-12-29). 2021回顧|你最關注邊件香港人大事?MIRROR重燃追星熱?港產動員?邊個QR code成生活日常?. 經濟通. 原著喺2022-01-01歸檔. 喺2022-05-07搵到.
  113. ctb029 (2021-12-30). MIRROR年度大事回顧 !姜濤、Anson Lo衝出國際!各人近排忙緊乜?!|網絡熱話. 新假期.
  114. Editorial (2021-12-29). 2021娛樂新聞懶人包|2021變MIRROR年? 盤點轟動香港娛樂圈嘅10件事. 都市日報.
  115. Anson Lo同MIRROR稱霸Google樂名人 TVB自製劇唔及叔的愛. 東方新地. 2021-12-08.
  116. 濤當選2021 YAHOO年度熱搜娛圈風雲人物 三甲都係MIRROR相關搶韓星風頭. Yahoo新聞. 2021-12-06. 原著喺2021-12-07歸檔. 喺2022-05-08搵到.
  117. 劉傳謙 (2022-01-16). KKBOX 2021年度本地歌曲榜單出爐 前十位MIRROR佔8席. 香港01. 原著喺2022-01-27歸檔. 喺2022-05-08搵到.
  118. 羅志宏 (2021-12-16). JOOX 2021年榜完整名單大公開!MIRROR歌曲雄霸過半席位 TVB僅靠一首劇集歌力撼. U港生活. 原著喺2021-12-16歸檔. 喺2022-05-08搵到.
  119. Spotify 2021年度榜|Edan呂爵安@MIRRORE先生連環不幸事件榜首 林家謙佔4首半十大最受歡迎本地年度歌曲名單. 明報OL. 2021-12-02. 原著喺2022-01-28歸檔. 喺2022-05-08搵到.
  120. Polo Ng (2021-12-13). YouTube 2021年度熱門影片丨當真香港年度最熱門創作者!MIRROR包辦七首最熱門MV. Esquire. 原著喺2022-05-10歸檔. 喺2022-05-08搵到.
  121. 咤公布最喜愛選五強 MIRROR 男歌手佔四席 林家謙、Jer 無緣入圍. 場新聞 Stand News. 原著喺2021-11-26歸檔. 喺2021-11-29搵到.
  122. 咤2021|我最喜愛嘅歌曲最後10強出爐!MIRROR成員佔6首、咁先啦勢強勁. Yahoo!新聞. 2021-12-09. 原著喺2021-12-12歸檔. 喺2021-12-12搵到.
  123. 咤2021|我最喜愛嘅歌曲最後5強出爐!MIRROR三子對軒公、MC;咁先啦BOSS. Yahoo!新聞. 2021-12-16. 原著喺2021-12-21歸檔. 喺2021-12-21搵到.
  124. 即時娛樂. 咤2021|炮製MIRROR頒獎禮 林海峰惡搞姜濤Edan盧瀚霆. 明報OL. 原著喺2022-01-01歸檔. 喺2022-01-15搵到. 今晚頒獎禮有一個環節專為MIRROR而設,由林海峰(Jan)主理,Jan聲音導航《2021年度MIRROR樂壇流行頒獎典禮》
  125. 咤頒獎禮丨Anson Lo險重演家姐獎 聞林海峰講恭喜嚇到暈. 星島日報. 2022-01-01. 原著喺2022-01-01歸檔. 喺2022-01-15搵到. 以MIRROR元素大唱改詞版Hit歌
  126. 盧凱瑤 (2022-01-02). 咤2021|林海峰旁白MIRROR樂壇頒獎禮 惡搞姜濤波場衝突片. 香港01. 原著喺2022-01-09歸檔. 喺2022-01-15搵到. 將過去一年MIRROR喺香港引起嘅熱潮進行惡搞
  127. 商台情報站 (2022-01-02). 刻回顧!2021年度叱咤樂壇流行榜頒獎典禮 5大即刻啦啦位. 商業電台. 原著喺2022-01-15歸檔. 喺2022-01-15搵到. 全場最大爆點一定係《MIRROR樂壇流行榜頒獎禮》!
  128. 盧凱瑤 (2022-01-02). 咤2021|MIRROR掃八獎成終極贏家 姜濤冧莊奪兩大最喜愛. 香港01. 原著喺2022-01-01歸檔. 喺2022-01-09搵到.
  129. 即時娛樂 (2021-12-23). 22歲姜濤為港爭光 獲Variety2021年國際突破之星. 明報OL. 原著喺2022-07-14歸檔. 喺2022-07-14搵到.
  130. MAMA丨Anson Lo獲最佳亞洲新晉藝人 MIRROR衝出香港第一步. 星島網. 2021-12-11. 原著喺2022-07-18歸檔. 喺2022-07-14搵到.
  131. MAMA丨Anson Lo獲最佳亞洲新晉藝人 MIRROR衝出亞洲第一步. 巴士嘅報. 2021-12-11. 原著喺2022-07-14歸檔. 喺2022-07-14搵到.
  132. Editorial (2022-02-07). MIRROR 二月驚喜 AK、Alton孖住出新歌 Ian、教主、Jeremy都有份. 都市日報. 原著喺2022-03-03歸檔. 喺2022-03-22搵到.
  133. 卓賢歌曲上架兩星期 YouTube點擊破580萬. 明報OL. 2022-02-28. 原著喺2022-03-21歸檔. 喺2022-03-22搵到. 4個驚喜,而陳卓賢(Ian)、李駿傑(Jeremy)、盧瀚霆(Anson Lo)已先後推出個人單曲...最後一個驚喜係江𤒹生(Anson Kong,AK)與王智德(Alton)嘅合唱歌
  134. 卓賢首有歌曲破千萬點擊 一天與你喘息架35日 錄1,000萬views 着手灌錄新歌. 娛壹. 2022-03-21.
  135. 第7位單飛MIRROR成員 李駿傑今推新歌. 晴報. 2022-02-22.
  136. REBOUNDlive 王勁第一次出歌 提及與母對望眼濕濕 AK等靚豬兜可愛. 娛壹. 2022-03-03.
  137. 最新娛聞 (2022-04-24). Chill Club推介榜年度推介21/22|得獎名單 上弦大執位 AL 撼贏姜濤奪兩大獎. 東方新地. 原著喺2022-06-25歸檔. 喺2022-06-17搵到.
  138. TOPick柴犬出動 (2022-04-25). MIRROR新歌2022年首支團歌為紅館演唱會揭序幕 InnerspaceMV水中勁舞挑戰體能. 香港經濟日報. 原著喺2022-07-18歸檔. 喺2022-07-02搵到.
  139. 趙允琳 (2022-04-26). MIRROR演唱會7月25日起紅館連開十場 票價最平480最貴1280. 香港01. 原著喺2022-07-28歸檔. 喺2022-07-02搵到.
  140. MakerVille|MIRROR首度表演新歌 宣布歌迷會5月面世. am730. 2022-04-27. 原著喺2022-08-02歸檔. 喺2022-07-02搵到.
  141. 像獎2022|MIRROR首度公開演繹主題曲熱氣氛. am730. 2022-07-17. 原著喺2022-07-17歸檔. 喺2022-07-17搵到.
  142. MIRROR演唱會舞台大屏幕跌落5人傷 演唱會腰斬 - RTHK. news.rthk.hk (香港中文). 原著喺2022-07-28歸檔. 喺2022-07-28搵到.
  143. MIRROR演唱會辦方MakerVille取消餘下所有場次演出及網上直播 盡快公布退票安排. 港經濟日報. 2022-07-29. 原著喺2022-07-28歸檔. 喺2022-07-29搵到.
  144. MIRROR演唱會意外︱MakerVille發聲明拒評論事故 宣布MIRROR暫停活動兩個月. am730. 2022-08-12. 原著喺2022-08-12歸檔. 喺2022-09-03搵到.
  145. TOPick柴犬出動 (2022-08-22). MIRROR成員《季前賽期播出 ViuTV拍冰上曲棍波新劇招募演員. 香港經濟日報. 原著喺2022-08-22歸檔. 喺2022-09-03搵到.
  146. MIRROR演唱會意外|SUMMER SONIC官方宣布12子辭演音樂祭. am730. 2022-08-05. 原著喺2022-08-05歸檔. 喺2022-09-03搵到.
  147. 台9月拉闊音樂會及籃波賽延期 生力軍音樂會如期舉行. 明報. 2022-08-10. 原著喺2022-08-14歸檔. 喺2022-09-03搵到.
  148. Chloe Henson (2021-12-26). "How Hong Kong boy band Mirror led a Canto-pop revival in 2021 and used their fame to endorse brands from Gucci to Cartier and Burberry". South China Morning Post. 原著喺2022-01-20歸檔. 喺2022-01-21搵到. In Warrior, Mirror sing about resilience and new beginnings, a common theme for their music.
  149. 149.0 149.1 149.2 149.3 王月眉, JOY DONG (2021-08-12). . . 原著喺2021-09-11歸檔. 喺2021-08-20搵到.
  150. 趙允琳 (2018-12-22). MIRROR演唱會拒走韓風? Anson Lo:花姐approve就一定唔. 港01. 原著喺2021-04-25歸檔. 喺2021-08-20搵到.
  151. 葉劉淑儀 (2021-05-18). 人渴望有自家偶像 MIRROR填補空缺. 經濟通. 原著喺2021-08-29歸檔. 喺2021-08-29搵到.
  152. Yan Law (2021-05-11). MIRROR演唱會成全城熱話!數5個MIRROR爆紅原因!喺職場可以點樣借習?. 經濟通. 原著喺2021-09-19歸檔. 喺2021-09-19搵到.
  153. 王永平 (2021-05-26). MIRROR、ERROR爆紅嘅時代意義. 灼見名家. 原著喺2021-10-17歸檔. 喺2021-10-16搵到.
  154. 李照興 (2021-05-18). MIRROR北上嘅話. 香港經濟日報. 原著喺2021-08-31歸檔. 喺2021-08-31搵到.
  155. 星無夏天?Anson Lo親解酷熱天氣著厚衫之謎. am730. 2021-07-12. 原著喺2022-01-16歸檔. 引來唔少網民討論,認為佢哋「好癲」、「藝人無夏天」、「好離地」
  156. 濤出Event 暈倒原因係……?為乜嘢 MIRROR 永遠着長袖衫 似係冇夏天?. Madame Figaro. 2021-09-14. 原著喺2021-10-17歸檔. 喺2021-10-16搵到. 再次令人疑問:為乜嘢MIRROR永遠着長袖衫,似係冇夏天?...Alton講︰「...因為長袖衫多啲layer,莊重啲個感覺」
  157. 即時娛樂 (2021-08-26). 夏天嘅MIRROR 耐熱程度相當厲害. 明報OL. 原著喺2022-01-18歸檔. 喺2022-01-16搵到.
  158. 158.0 158.1 戴慶成 (2021-11-02). 慶成:MIRROR為何喺香港走紅?. 聯合早報. 近年香港社會因為政治議題而嚴重撕裂,先至係造就政治色彩淡薄嘅MIRROR冒起嘅主因。香港民主派支持者經歷2019年嘅政治運動事件後...噤聲唔講政治。基於民主派嘅敵人(無線)嘅敵人(ViuTV)係朋友嘅考量,ViuTV旗下藝人MIRROR都就好輕易得到佢哋嘅肯定...對建制派嚟講,MIRROR從未表達政治立場,具有中性嘅政治形象。難得佢哋可以吸引年輕黃絲遠離政治僵局,放下社會大事,自然係樂見其成。至於向來忌諱喺政治話題表態嘅香港廣告商,近年一直苦惱無明星代言可用,MIRROR冒起,旋即成為新寵。
  159. 譚淑美 (2019-09-09). Mirror成員姜濤陳卓賢 坦白講香港男團規條. 信報財經新聞. 原著喺2021-09-04歸檔. 喺2021-09-04搵到.
  160. 吳霆俊 (2019-08-02). Mirror陳卓賢由運動員成偶像 陽光男孩Ian盼做才華型歌手. 香港經濟日報. 原著喺2022-06-21歸檔. 喺2022-06-21搵到.
  161. CRISTEN TSOI (2021-12-21). 2021回顧|10大亞洲之光!MIRROR叱吒香港、韓流席捲世界. Tatler.
  162. 林茵 (2021-05-09).  . . 原著喺2021-08-14歸檔. 喺2021-08-14搵到.
  163. MIRROR出道2周年 真係WE ARE ONE AND ALL?. am730. 2020-12-09. 原著喺2021-07-10歸檔. 喺2021-08-07搵到.
  164. Rachel sin (2021-05-12). MIRROR姜濤:港加油!香港樂壇加油!細數MIRROR爆紅原因. Madame Figaro Hong Kong (美國英文). 原著喺2021-09-02歸檔. 喺2021-09-02搵到.
  165. 徐佩芝 (2021-07-09). 里人語/鏡粉經濟學 刺激品牌銷售. 大公報. 原著喺2021-09-07歸檔. 喺2021-09-07搵到.
  166. Yan Law (2021-05-11). MIRROR演唱會成全城熱話!數5個MIRROR爆紅原因!喺職場可以點樣借習?. 經濟通. 原著喺2021-09-19歸檔. 喺2021-09-19搵到.
  167. MIRROR紅到上約時報 蕭若元:Twins從來冇咁樣紅過, 唯一可以比係張國榮同譚詠麟!. . 2021-08-16. 原著喺2021-08-21歸檔. 喺2021-08-21搵到.
  168. 國際報道 2021 (2021-09-15). リフォルニア州知事リコール選挙 深刻な社會分斷. NHK. 原著喺2021-09-26歸檔. 喺2021-09-26搵到.
  169. 169.0 169.1 陳子雲 (2021-05-27). 2021年嘅香港人點樣笑:Mirror 同 Error,緣何喺崩壞時代迷狂全港?. 端傳媒. 原著喺2022-01-15歸檔. 喺2022-01-15搵到.
  170. 天下地都係姜濤 fans重本落廣告 銅鑼灣變濤灣. am730. 2021-04-29. 原著喺2022-05-22歸檔. 喺2022-05-20搵到.
  171. 糖租黃金地段店鋪炮製打卡熱點 姜濤生日 心痛粉絲豪花50萬. 星島日報. 2021-04-30. 原著喺2021-05-12歸檔. 喺2022-05-20搵到.
  172. 齊森 (2021-09-17). 姐保護MIRROR發內部禁制令 姜濤暈倒背後因由. 明周. 原著喺2021-09-17歸檔. 喺2021-10-16搵到.
  173. 耀明代何桂藍向商台 DJ 點歌 望多播 Anson Lo、Jer. . 2021-03-11. 原著喺2021-08-14歸檔. 喺2021-08-13搵到.
  174. 妻嘅考驗︱關注組版主受訪:我聽MIRROR歌聽到幻聽 (00:38). 報OL. 2021-07-06. 原著喺2021-07-06歸檔. 喺2021-08-08搵到.
  175. 我做Marketing (2021-07-12). 老婆嫁左畀Mirror導致婚姻破裂關注組幾多Marketing人士夢寐以求嘅dark social. . 原著喺2021-10-02歸檔. 喺2021-08-08搵到.
  176. MIRROR係咁多Fun 導致婚姻破裂關注組有 (21:33). 報OL. 2021-07-10. 原著喺2021-07-11歸檔. 喺2021-08-08搵到.
  177. 趙允琳 (2021-07-09). MIRROR十二子紅到殺入韓國 當地傳媒深入探討香港追星熱. 港01. 原著喺2021-08-02歸檔. 喺2021-08-08搵到.
  178. MIRROR紅到去韓國 Anson Lo人氣爆升 粉絲多過姜濤. . 2021-07-09. 原著喺2021-07-13歸檔. 喺2021-08-08搵到.
  179. AFPRELAXNEWS (2021-08-19). "Mirror: Meet the boy band bringing joy and local pride to Hong Kong". Forbes India. 原著喺2021-08-24歸檔. 喺2021-08-21搵到.
  180. "Mirror, the wildly popular Cantopop boy band 'stealing wives' in Hong Kong". Yahoo Life. 2021-07-27. 原著喺2022-01-20歸檔. 喺2022-01-20搵到.
  181. 181.0 181.1 劉熱捧 MIRROR唔係小眾 可填補本土偶像空缺 引大批反對留言. . 2021-05-19. 原著喺2021-08-15歸檔. 喺2021-08-14搵到.
  182. 182.0 182.1 文剖析Mirror熱潮原因:為香港帶來罕見嘅團結快樂. . 2021-08-13. 原著喺2021-08-20歸檔. 喺2021-08-20搵到.
  183. 知誅盒 (2021-03-15). . 眾新聞. 原著喺2021-10-28歸檔. 喺2021-10-17搵到.
  184. 岑敖暉 (2021-12-02). 耀. 立場新聞. 原著喺2021-12-29歸檔. 喺2021-12-22搵到.
  185. 劉倡助 Mirror 接內地騷風破浪 邱騰華:會吸納意見. 場新聞 Stand News. 原著喺2021-07-04歸檔. 喺2021-10-09搵到.
  186. 黃雲娜 (2021-07-23). 國者治港|能治港者懂嘅唔只係MIRROR嘅人數. 港01 (香港中文). 原著喺2021-10-09歸檔. 喺2021-10-09搵到.
  187. 當真悼六四遭網民抨擊 游學修:唔主張直接表態 - 20210607 - SHOWBIZ. 報OL網 (繁體中文). 原著喺2021-06-11歸檔. 喺2021-10-10搵到.
  188. 娛樂組 (2021-05-25). 言未有任何證據 李梓敬拍片談姜濤. 明報OL. 原著喺2021-09-04歸檔. 喺2021-09-04搵到.
  189. Mirror言藍店 黃絲搬龍門死撐. 文匯報. 2021-05-23. 原著喺2021-09-04歸檔. 喺2021-09-04搵到.
  190. 彼岸 (2021-06-12). . 中央廣播電臺. 原著喺2021-10-17歸檔. 喺2021-10-16搵到.
  191. 劉傳謙 (2022-01-24). 壇核數師|COLLAR出道作登陸三大電台 超越MIRROR秒間. 港01 (香港中文). 原著喺2022-01-27歸檔. 喺2022-01-30搵到.
  192. 2019年2月16日.各大流行榜.. www.lemonmusic.com.hk. 原著喺2020-02-21歸檔. 喺2022-01-30搵到.
  193. 2019年2月9日.各大流行榜.. www.lemonmusic.com.hk. 原著喺2020-02-20歸檔. 喺2022-01-30搵到.
  194. 903 專業推介: 2019年第二十一周. www-ec2.my903.com (英文). 原著喺2022-02-28歸檔. 喺2022-02-28搵到.
  195. 2019年6月8日.各大流行榜.. www.lemonmusic.com.hk. 原著喺2019-09-09歸檔. 喺2022-01-30搵到.
  196. 2019年6月15日.各大流行榜.. www.lemonmusic.com.hk. 原著喺2019-09-09歸檔. 喺2022-01-30搵到.
  197. 2020年1月11日.各大流行榜.. lemonmusic.com.hk. 原著喺2022-02-10歸檔. 喺2022-02-10搵到.
  198. 2019年12月14日.各大流行榜.. lemonmusic.com.hk. 原著喺2022-02-10歸檔. 喺2022-02-10搵到.
  199. 劉傳謙 (2020-10-06). 壇核數師︱MIRROR新歌上榜11周奪903冠軍 有望年終贏歌曲獎?. 港01 (香港中文). 原著喺2022-02-10歸檔. 喺2022-02-10搵到.
  200. 2020年8月8日.各大流行榜.. lemonmusic.com.hk. 原著喺2021-05-07歸檔. 喺2022-02-10搵到.
  201. 2020年8月1日.各大流行榜.. lemonmusic.com.hk. 原著喺2022-02-10歸檔. 喺2022-02-10搵到.
  202. CHILL CLUB推介榜2020第35周 冠軍歌-MIRRORIGNITED (簡體中文), 原著喺2022-02-10歸檔, 喺2022-02-10搵到
  203. 2020年12月19日.各大流行榜.. lemonmusic.com.hk. 原著喺2021-05-07歸檔. 喺2022-02-28搵到.
  204. 2021年1月2日.各大流行榜.. lemonmusic.com.hk. 原著喺2022-02-28歸檔. 喺2022-02-28搵到.
  205. 205.0 205.1 劉傳謙 (2021-08-30). 壇核數師|MIRRORBOSS903榜首 Dear Jane發力爭組合三甲. 香港01. 原著喺2022-01-31歸檔. 喺2022-02-15搵到.
  206. 方日報C1:MIRROR疑遭港台抵制 離奇被消失. 東方日報. 2021-09-22. 原著喺2021-09-22歸檔. 喺2022-02-15搵到.
  207. 2021年7月17日.各大流行榜.903專業推介.新城勁爆本地榜.TVB勁歌金榜.中文歌曲龍虎榜.Viu TV Chill Club 推介榜.HMV唱片銷量榜.Red Mr Neway K歌熱唱榜 - 檸音樂歌詞網 (LEMON MUSIC). lemonmusic.com.hk. 原著喺2022-02-28歸檔. 喺2022-02-28搵到.
  208. 劉傳謙 (2021-11-30). 壇核數師|呂爵安年底再出殺手鐧 勢奪商台男新人金獎. 港01 (香港中文). 原著喺2022-01-27歸檔. 喺2022-01-30搵到.
  209. 爆本地榜 2021-12-25 52 週. 新城知訊台. 2021-12-25. 原著喺2021-12-31歸檔. 喺2022-02-28搵到.
  210. CHILL CLUB推介榜2022年第1周!為你數本周十首推介歌!. ViuTV. 2022-01-02. 原著喺2022-02-28歸檔. 喺2022-02-28搵到.
  211. 903 專業推介: 2022年第一周. www-ec2.my903.com (英文). 原著喺2022-02-28歸檔. 喺2022-02-28搵到.
  212. 爆本地榜 2022-01-22 4 週. 新城知訊台. 2022-01-22. 原著喺2022-01-26歸檔. 喺2022-02-28搵到.
  213. CHILL CLUB推介榜2022年第3周!為你數本周十首推介歌!. ViuTV. 2022-01-16. 原著喺2022-02-28歸檔. 喺2022-02-28搵到.
  214. 903 專業推介 2022年第二十六周. 叱咤903. 2022-06-25.
  215. . 香港電台. 2022-06-04. 原著喺2022-06-10歸檔. 喺2022-06-18搵到.
  216. 爆本地榜 2022-07-30 31 週. 新城知訊台. 2022-07-30. 原著喺2022-08-06歸檔. 喺2022-08-06搵到.
  217. ViuTV (2022-05-22). CHILL CLUB推介榜2022年第21週!為你數本周十首推介歌!. Facebook. 原著喺2022-05-31歸檔. 喺2022-05-29搵到.
  218. 903 專業推介 2022年第三十一周. 叱咤903. 2022-07-30. 原著喺2022-08-15歸檔. 喺2022-08-14搵到.
  219. 爆本地榜 2022-08-13 33 週. 新城知訊台. 2022-08-13. 原著喺2022-08-20歸檔. 喺2022-08-20搵到.
  220. . 香港電台. 2022-11-05. 原著喺2022-11-05歸檔. 喺2022-11-12搵到.
  221. multimetro 新城IG (2022-11-12). #新城勁爆本地榜 2022年 #第四十六週. Instagram.
  222. ViuTV (2022-11-27). CHILL CLUB推介榜2022年第48週!為你數本周十首推介歌!. Facebook.
  223. 娛文樂 (2018-11-05). MIRROR演唱會民造星男團正式出道!首個演唱會12月九展舉行. . 香港. 原著喺2020-11-30歸檔. 喺2018-11-17搵到.
  224. 林蘊兒 (2021-05-07). MIRROR化身銀黑戰士勁歌熱舞 聲震九展 鄭裕玲罕有捱夜捧場. 報OL. 原著喺2021-05-07歸檔. 喺2021-08-13搵到.
  225. K Law (2021-10-08). 上行MOOV LIVEMusic On The Road樂會 AnsonLo/Edan/Ian/AK/姜濤/Jer 12月會展門票詳情. U港生活. 原著喺2021-10-28歸檔. 喺2021-10-19搵到.
  226. 上行夢想係MOOV LIVE音樂會 Lokman驚喜現身 姜濤唱新歌中鏡.
  227. MIRROR首登紅館開騷 7月底至8月初舉行合共10場演唱會 (12:48) - 20220426 - SHOWBIZ. 報OL網 (繁體中文). 原著喺2022-04-26歸檔. 喺2022-04-26搵到.
  228. 頭條日報. MIRROR紅館騷加2場畀MIRO 12場均以實名制公開發售門票. 條日報 Headline Daily (中文). 原著喺2022-05-25歸檔. 喺2022-05-25搵到.
  229. 陳栢宇. 幕墜下舞蹈員重傷 MakerVille取消餘下所有場次. 港01 (中文). 原著喺2022-08-02歸檔. 喺2022-07-29搵到.
  230. MOOV MUSIC AWARDS 2018 得獎名單. 原著喺2020-11-28歸檔. 喺2019-01-18搵到.
  231. (內文提及)樂壇新組合Mirror則連奪石新人石人氣偶像石跳唱歌曲3個獎項. 原著喺2020-09-25歸檔. 喺2021-02-07搵到.
  232. AEG 音樂排行榜頒獎禮2018得獎名單. 原著喺2019-10-18歸檔. 喺2019-02-10搵到.

出面網頁