香粉寮

香粉寮（Heung Fan Liu）喺香港新界，沙田大圍以西，喺下城門水塘東便大壩下便。

村

香粉寮1924年前經已有村，政府地圖上標有Cheung Heung Fan，有兩間屋，水平不過五十呎，喺山邊。村喺平谷之中，對出有不斷嘅田地。城門河流經村東流白田再轉南入大圍再屈東入沙田海。

因為起沙田衞星城市嘅關係，城門河拉直成河道。香粉寮搬北少少到北便山地。而原址係美田邨一部份。

天體

1932年連伯氏喺香粉寮搞天體活動，當時叫祼體運動，而個會叫裸體會。初時比較冷清。1935年起城門水塘，影響到會址。1936年8月16號左近，活動搬到青衣島鑊底灣。香粉寮環境都好，但無沙灘，做日光浴唔夠正。青衣島比起香粉寮人多，有男有女，唔同國嘅人都有，唐人女人都有六七人。

街

香粉寮有條街叫香粉寮街，喺城門河道南邊，美田邨隔籬。東行到美林邨，同美田路交界。