馬來長吻鱷

馬來長吻鱷，又叫馬來鱷同埋馬來假食魚鱷，係東南亞最瀕危嘅一種鱷魚。

How to read a taxobox 馬來長吻鱷
瀕危指標
易危 (VU)
物種分類
界 動物界 門 脊索動物門 綱 爬行綱 目 鱷目 科 鱷科 屬 Tomistoma Müller, 1846 種 T. schlegelii
二元學名
Tomistoma schlegelii (Müller, 1838)

瀕危等級

馬來長吻鱷加入 CITES 附錄1，唔可以作商業買賣；1996年 IUCN 紅皮書目錄數據唔夠，2011年定為易危物種。

形態特點

形似恆河鱷，但馬來長吻鱷個頭會逐漸向口鼻收窄，而且冇食魚鱷雄性嘴尾尾嘅個球狀突起。身體為橄欖綠色，背脊有模糊嘅黑色橫條紋；腳強而有力，有助於游水，雙眼就有黃啡色嘅虹膜，呢點喺鱷魚中相當少見。

分布

分布喺泰國北部、馬來西亞、印度尼西亞。有報導話，喺 Sulawesi 同越南亦有馬來鱷喺度，但係未經進一步證實嘅。同灣鱷一樣，佢哋相信試過響嶺南一帶，主要係內陸河度，生活咗相當長嘅時間，啲古文係有過記載嘅。

雖然佢嘅殘骸骨頭曾經喺珠江河口一帶畀人發現，但喺香港搵到嘅相似骨骼碎片，但係啲專家研究唔能夠好確實咁話係馬來鱷嘅。

生物學

馬來長吻鱷個頭

馬來鱷主要棲息喺森林泥炭沼澤地。馬來鱷具細長而窄嘅嘴，適合捕魚，但係分析佢哋胃裏面嘅嘢，發現牠佢哋食得好雜，唔會凈係食一種魚。馬來鱷嘅胃裏面發現有食蟹猴、小鼷鹿、野豬、狗、雀仔、水巨蜥、蛇、蝦等，仲有石子同露兜樹嘅樹葉，有兩個 cases 重發現有好多寄生線蟲。

繁殖

鱷魚乸生到 2.5 - 3 米長嗰時就係「性成熟」，每年旱季 6 - 8 月就係築巢嘅時間。一般鱷魚巢都係起係大樹低嘅「泥炭丘」之上，泥炭丘係由死咗嘅植物咁嘅有機物沉積響樹根而形成，用葉、樹枝、碎木嚟築巢嘅，巢嘅形狀似個「小丘」，同其他鱷魚唔同，馬來長吻鱷唔會用用雜草。鱷魚巢直徑有 1.2 - 1.4 米，高約 0.6 米。蛋生喺蛋窩裏面，每窩有 15 - 60 隻蛋，蛋比較大。

分類

對於馬來鱷嘅系統同分類，專家睇法唔一致。根據形態學嘅證據，傳統方法將馬來鱷歸類為真鱷科或者亞科。

種群動態及保護

熱帶沼澤嘅馬來長吻鱷,香港濕地公園

馬來鱷對生境嘅要求幾特別，要有特定嘅漂浮植物叢同成蔭嘅水邊棲息地，一段時間嘅森林伐木、修築水壩、開闢新水道、非法捕獵，已經使佢嘅棲息地方大量咁消失。

香港濕地公園現時飼養咗四條馬來鱷。佢哋都住響公園展覽館裏面嘅「濕地世界」。

資料來源

• 《香港生態情報》
• 《中國重點保護野生動物研究叢書：揚子鱷研究》
• 《兩生爬行類圖鑑》

參閱

• 鱷魚
• 香港濕地公園