麥景星英文Louis Mak1991年—),係香港泛民主派人士,前灣仔起步成員,灣仔區議會前任副主席同鵝頸選區前任區議員。

麥景星2019年用政治素人身份加入灣仔起步,並喺區議會選舉出選鵝頸選區,結果佢打贏在位10年嘅民建聯鍾嘉敏,成功當選。

因為呢屆灣仔區議會由泛民主導,但得楊雪盈一位泛民議員係有經驗嘅,所以麥景星有機會以新人身份做區議會副主席,2021年7月頭正式劈炮,唔撈區議員一職,而佢留低嘅區議會副主席一職就由自由黨林偉文繼承。