黃牛
想搵第二個意思嘅話，請睇黃牛 (搞清楚)。黃牛係種牛，目前地球上有超過13億隻，為人類提供大量嘅牛肉同牛奶。佢哋其實重可以分為兩大類：無肩峰嘅牛（歐洲），同有肩峰嘅「瘤牛」（印度）。前者主要喺歐洲、美洲、日本、澳洲、紐西蘭等地有繁殖市場，人類所知嘅乳牛就係屬於呢類。
 | ||||||||||||||||
|---|---|---|---|---|---|---|---|---|---|---|---|---|---|---|---|---|
 | ||||||||||||||||
| 物種分類 | ||||||||||||||||
| ||||||||||||||||
| Bos taurus Linnaeus, 1758 |
生物學特徵
編輯一般黃牛都係有角。而毛色由褐黃到黑色不等。牛有4個胃，同其他反芻動物一樣，四個胃分別係：瘤胃、網胃、重瓣胃同皺胃，當啲草喺第一個胃消化完會再返去個口再咀嚼，然後再到第二個胃，再到第三，第四，如此類推。
歷史文化
編輯黃牛可以用嚟耕田同埋俾人食。所以養牛已經有好耐嘅歷史。據資料顯示，人類養黃牛嘅年代可以追溯到公元前7000年前嘅北希臘同印度，公元前2000年前嘅埃及同歐洲，之後到咗6500年前傳到亞洲，美洲嘅熱帶地區就只有100幾年前先至有牧牛文化。
所有牛嘅祖先，叫原牛，佢哋因森林棲地不斷縮細，歐洲貴族又將佢哋當係狩獵對象，令數量逐漸減少，最後一隻母牛喺1627年死咗之後，佢哋就絕種，冇晒喇。
食性同生態地位
編輯牛嘅食草行為有助控制植物過度生長，而糞便就為昆蟲以至雀鳥提供食物來源。而佢哋嘅亞種亦係食肉動物（包括人類）嘅蛋白質來源。由於牧牛地方需要好大片草地，一啲農民唯有不斷伐林燒林，用嚟開闢牧地，令森林面積不斷減少。另一方面，有啲食肉動物，亦因為會捉牛嚟食，而俾農民鏟除，令佢哋瀕臨絕種。