涌

涌（讀做「沖」，亦作沖）係指受潮汐影響嘅河口。潮退嗰陣，河水由涌流入海度；潮漲嗰陣，海水倒灌入涌入面。

退潮時泥涌嘅石灘

詞源

《說文解字》裏便，「沖」字嘅解釋係「涌搖也。从水中。讀若動。直弓切。」而「涌」係「滕也。从水甬聲。一曰涌水，在楚國。余隴切。」嗰時「涌」仲未有對應現代cung1（粵）/chōng（普）嘅讀音，因此估計「沖」先係本字。作為地名用字嘅「沖」 喺楚地核心區嘅湖南北部亦有廣泛分佈。而「涌水」亦都係楚國河流名，所以地名用字「涌」可能來自楚文化，同楚文化隨漢人南遷有關。

例

喺廣州、深圳、东莞、香港、澳門一带，好多地名都含有「涌」字；亦都有寫成「沖」嘅。

• 香港：東涌、南涌、深涌、溪涌、泥涌、葵涌、大涌、鰂魚涌、麻涌、沙魚涌、蠔涌、大欖涌、涌尾
• 澳門：鴨涌、菜園涌
• 深圳：西涌、葵涌、大冲
• 廣州：東濠涌、沙河涌、上涌、羅沖圍、猎德涌
• 佛山：黎涌

有啲地名如東涌、西涌、葵涌、大涌、深涌等，喺粵港兩地都有。