分身

分身（粵拼：fan1 san1）係指一個個體，佢望落同另一個個體生得完全一樣樣，但兩個個體之間並冇任何嘅親戚關係。喺民間傳說同埋現代嘅奇幻故仔裏面，一個個體能夠成為某個人嘅分身，通常係靠住魔法等嘅超自然力量；而喺冇超自然性質嘅故仔裏面，一個人能夠成為第個人嘅分身，可能係靠住（例如）極高超嘅化妝技術。

2018 年德國一幅油畫；幅畫描繪畫家想像中嘅分身形象。

嗌法

• 德文：Doppelgänger，粵拼：dop1 pou4 geng1 ngaa4

傳說

睇埋：變身、邪惡分身、調換兒同哥德小說

喺好多民間傳說同埋有奇幻性質嘅虛構故仔裏面，doppelgänger 係種邪惡嘅超自然生物（變身妖），一隻變身妖具有變身嘅異能，好多時能夠完美噉複製另一個個體嘅外形，會靠呢種能力做好多惡行，例如：

• 變身假扮成佢目標人物噉嘅樣，跟住郁手謀殺目標人物，再取代目標人物－隻變身妖可能演技好好，唔淨只模仿到受害者個樣，仲模仿到佢啲行為，佢受害者嘅屋企人同朋友可能完全唔知發生咗咩事，最後隻變身妖就成功攞走一個人嘅身份。
• 變身假扮成目標人物嘅朋友或者屋企人，從而引誘目標人物放低戒備；然後隻變身妖就可能會趁目標人物冇嗮防備，將佢食落肚。

... 呀噉。

睇埋

• 孖胎
• 仙子
• 恐怖谷
• 天鵝湖
• 另我

拎

• （英文） Doppelganger，TV Tropes 講 doppelgänger 相關橋段嗰頁，仲有列出用咗呢條橋嘅影視作品。